Tansani

Reewum Tansani

Dayo

947 303 km ²

Gox

Way-dekk

51 820 000 (2014) nit

Fattaay

55 nit/km ²

Xeetu nguur
- Njiitu Reew
- Njiitu Jewrin

Repiblik
Samia Suluhu
Nassim Kinja

Tembte
- Bawoo
- Taariix

Pey ak reddi
- Tus-wu-gaar
- Tus-wu-taxaw

Dodoma

Lakku nguur-gi

Kiswahili
wu-angalteer njagg mu kawe ma

Koppar

Tanzanian shilling ( TZS )

Turu aji-dekk

Tansani-Tansani
Sa-Tansani

Telefon

Tansani am reewum penku Afrig la, feete ci peggi mbambulaanug End . Keenaa ak Ugandaa noo ko feete bej-gannaar, Ruwandaa , Buruundi ak Kongoo-Kinshasa nekk ci sowwoom, Saambi ak Malawi nekk ci bej-saalum-sowwoom, Mosambik nekk ci bej-saalumam.

Reew mi tollu na ci 947 303 km²

te am 51 820 000 ciy way-dekk, ay bantu rekk a fa dekk. Peeyam mooy Dodoma , mi ngi nekk ci biir reew mi, waaye dottub koom-koom bi degg mooy Dar es Salam gi doonoon peey bi, feete ci tefes gi. kiswahili ak wu-angalteer nooy lakki nguur ga, teewul ne itam araab am na fa doole, rawati na ci duni Sansibaar ak bu Penda .

Tansani ju tay jii a ngi judd ci booloog Tanganyika ak Sansibaar ci 26 awril 1964, gannaaw, ci lu yaggul dara nu am seenug tembte ci Nguur-Yu-Bennoo yi. Bokk na ci Commonwealth dale ci atum 1961, bokk na itam ci Mbootaayu Xeet yi dale ci 14 desambar 1961.

Taariix [ Soppi ? soppi gongikuwaay bi ]

Ci 1953, Julius Nyerere, ab jangalekat la woon bu judd ci 1922, ci bi muy am 31 at la new ci boppu TAA (Tanganyika African Association, mbootaayu waa-afrig bu Tanganyika), mu daldi koy soppi ag langu politig degg, ci lu gaaw, tudde ko Tanganyika African National Union doon woote ngir ag tembteg seenum reew. Ci 9 desambar 1961 la leen ko Nguur-Yu-Bennoo yi jox, ci jamm. Ci ndoorte li jewrin ju njekk la doonoon, ginnaaw pal gu desambar 1962 gi, mu doon njiitu reew ju njekk ju Tanganyika.

Ci 10 disambar 1963 la Sansibaar ak Pemba am seenug tembte, 26 awril 1964 la Tanganyika ak Sansibaar booloo ngir sos li tudd tay Reewum Tansani. Nyerere doon njiitu reew ma, Abeid Karume mi doonoon njiitu reewum Sansibaar nekk jewrin ju njekk ji, ci Tansani. Donte booloo gi amoon na, waaye ba-tay jii Sansibaar moo yoral boppam yenn yi. Njiitu reewum Tansani moo ko yoral li neel politig, kaaraange, mbiri biti-reew, ans, moom mu yural boppam njangale mi ak koom-koom,..

Melosuuf [ Soppi ? soppi gongikuwaay bi ]

Tansani reew la mu nekk ci xaaju kol-kol bu bej-saalum feete ci Penku Afrig . Ay digam yu dend nooy mbambulaanug End gi ci penku, dojuw Kilimandjaro ak deegub Victoria bi ci bej-gannaar, deegub Tanganyika bi ci sowwu, deegub Malawi ci bej-saalum-sowwu ak dexub Ruwuma ci bej-saalum