Abdulaay Wadd
mi ngi juddu ci 29 Mee 1926 ca
Kebemeer
, am na 82 ciy at, mooy njiitu reewum
Senegaal
ca 1fanu awril 2000 ba leegi, ki mu wuutu ci toogu boobu mooy
Abdu Juuf
. Ba tey mooy njiitu lang gu demokaraasi gu Senegaal (PDS), te it moo ko sos ci 37 Suwe 1974 ci ginnaaw bi mu ci taggoo
Leopold Sedar Senghor
ba mu nangu, nekk na ci kujjeg politig gi lu toll ci 25 ciy at, yagg na koo jiite, ci diir boobii tejees na ko ci ay yoon. Soxnaam mi ngi tudd Fifiyaan Wadd. Am na naari doom: goor ak jigeen, Kariim Wadd mooy goor, Sinjili Wadd di jigeen. Diineem mooy lislaam fiqu maalik, bokk it ci yoonu murit. Moom nag ku xaren la ci wallu
yoon
ak
koom-koom
am na it lijaasa jang wi gen a mag ci naari wall yooyii, mi ngi jange wallu yoon ci daara jii di
lycee Condorcet
ca
Fraas
. Wallu koom-koom mu jange ko ci daara ju kawe ju
Ndakaaru
.