Freed 5 desimber om 18:30

De buorkerij fan de famylje Wierda stiet yn ljochte lôge, mar de bibel fan Hidde baarnt net. Hidde, dy’t net leaut, wurdt muoilik en besiket dochs foar stipe te bidden yn tsjerke.

Renske lit de moedfearren ek hingje, mar se besiket troch it drafsintrum fan Beau Jan Baars in manier te finen om de hynders ûnder te bringen. Joop Prins kriget lêst fan geastferskinings, mar stoppet it fuort.

Bit

Omrop Fryslân presintearret yn gearwurking mei StevenDejong Producties de nije dramasearje Bit.

Priisfraach

Kommende freed is de fjirde ôflevering fan Bit. De pleats fan de Wierda's stiet yn ljochte lôge, Renske moat de hynders earne ûnderbringe. Ried wêr't sy de hynders ûnderbringt en win de DVD fan Bit. Foar alle ynstjoerders leit der in Bit-poster klear mei de hantekening fan Wieke. Stjoer dyn antwurd nei mk@omropfryslan.nl of Omrop Fryslân, ôfdieling Marketing & Kommunikaasje, Postbus 7600, 8903 JP Ljouwert. Ferjit net dyn gegevens te fermelden! Ynstjoere kin oant 8 desimber.

Tredde útstjoering

Freed 29 novimber wie de tredde ôflevering fan Bit. Fansels kinst de útstjoering nochris werom sjen by útstjoering mist. Benijd hoe it fierder giet? Sjoch kommende freed wer nei Bit, 18:30, op Omrop Fryslân Televyzje.

Bonusmateriaal

Foar de Fryske dramasearje Bit is mear materiaal makke as op tv te sjen is. De kommende wiken sil dit bonusmateriaal op de site pleatst wurde.

Premjêre Bit

Op tongersdei 6 novimber 2008 gie Bit yn premjêre op it Noordelijk Film Festival yn Ljouwert. Mei hynder en wein kaam de cast oan by stêdsskouboarch De Harmonie. Yn 'e hal fan De Harmonie songen Syb van der Ploeg en Wieke Wiersma live de titelsong fan Bit. Yn de Friesland Bank-seal waard de earste ôflevering fertoand. De haadrolspilers krigen noch in bosk blommen en dêrnei wie it tiid foar in hapke en drankje.

Titelsong Bit

Begjin septimber 2008 is de titelsong fan Bit opnommen. It nûmer hjit, hoe tapaslik, ‘Bit’ en is in cover fan de hit van Ramses Shaffy uit 1971: 'zing, vecht, huil, bid, lach, werk en bewonder'. De titelsong is ynsongen troch Syb van der Ploeg en Wieke Wiersma, de haadrolspylster fan Bit.

Bit

Omrop Fryslân presintearret yn gearwurking mei StevenDejong Producties de nije dramasearje Bit.

Nei de earste eigen Fryske dramasearje Baas Boppe Baas yn 2001 en de advokatesearje 'Dankert en Dankert' wurdt 'Bit' de tredde dramasearje fan Omrop Fryslân.