In tropyske ferrassing yn desimber Keunstner Fons Hoiting út Kollum It mystearje fan 'e syklus Sjouke Lousma ûnderweis De gestichtstekeningen fan Klaas Koopmans En we helje in slokje yn Leppehiem
De orchidee is trendy. En dat kinne se by de Orchideeenhoeve yn Luttelgeest goed fernimme. Smoardrok hawwe se it der. Tuzenen orchideeen wurde der op it stuit yn kryststikjes ferwurke.
Buro de Vries liet him runliede troch Fries-om-utens Christiaan de Vries.
Fons Hoiting is in keunstner ut Kollum. Hy is in natoerfreak en in ornitofyl .Derom komme der faak fugels foar yn syn skilderijen. Lanskippen, der't de skilder sjen lit wat'tst yn it echt net sjen kinst. Der komt in boek ut mei nij wurk fan Fons Hoiting. Sneintemiddei 7 desimber wurdt it presintearre yn E.M. galery yn Drachten, tagelyk mei de iepening fan in tentoanstelling. Op in winerige hjerstdei gong Buro de Vries op atelierbesite yn Kollum.
De "onbevlekte ontvangenis" fan de maagd Maria (op 8 desimber) brocht Buro de Vries op it mystearje fan 'e moannesyklus. It skynt dat froulju dy't in skoft byinoar wenje (nonnen yn in kleaster, in frouljushushalding, famkes yn in studintehus) sa meiinoar ferbun reitsje, dat sels de menstruele syklus op in stuit lykop rint. Hoe kin dat? En is it wol wier, trouwens? Wy freegje it oan gyneakolooch Doaitse Wilbers.
Sjouke Lousma reizget troch de provinsje. De petearen dy't er underweis hat, stjoert Buro de Vries sneins krekt foar tolven ut.
"De kracht van kwetsbaarheid" is de nije tentoanstelling yn it Museum Martena yn Frjentsjer. Sintraal stean de gestichtstekeningen fan skilder Klaas Koopmans. Koopmans ferstoar yn 2006 en liet in grutte kolleksje gestichtstekeningen nei. Sketsen fan pasjinten, ferpleechsters en dokters. Koopmans wie manysk-depressyf. Bytiden hie er der safolle lest fan dat er opnommen wurde moast. Faak in pear moanne, soms ek folle langer. De tekeningen bin al faker utstald, mar de brieven dy't er oan syn frou skreau wiene net bekend. De tentoanstelling wurdt kommende sneon, 13 desimber, iepene yn Museum Martena en duorret oant en mei 2 maart.
Yn Leppehiem binne we dizze wike te gast by de famylje Gielink. Oan 'e namme kin je al hearre dat it gjin Friezen binne. De famylje Gielink komt ut Salland, ut de omkriten fan Deventer wei.
Reaksjes op in ûnderwerp of útstjoering? Graach! Mail se nei BuroDeVries@omropfryslan.nl .
Buro de Vries siket it út! Moaie dokumintêres, nijsgjirrige gasten, ferrassende gesprekken: Buro de Vries giet de djipte yn. Mei rom omtinken foar natuer, kultuer en skiednis, en mei Sjouke Lousma ûnderweis, besoarget Buro de Vries jo in noflike sneintemoarn. Harkje nei Buro de Vries, alle sneinen fan 11.00 oant 13.00 oere.