An Connecticut ( / k ? ? n ? t ? k ? t /   ( pamati-a ) ) ^[1] amo an pinakasalatan nga estado ha New England nga rehiyon han dumagsaan nga Estados Unidos . Sumala han 2010 nga Census, ini an mayda gihataasi nga per-capita nga income, Human Development Index (0.962), ngan median household income ha Estados Unidos. ^{[2] [3] [4]} Ginsasapitan ini han Rhode Island ha sidlangan, han Massachusetts ha amihan, han New York ha katundan, ngan han Long Island Sound ha salatan. Hartford an pamunuan o kapital nga syudad han nasabi nga estado ngan Bridgeport an syudad nga gidamoi hin molupyo. Kabahin ini han New England, bisan man kun mayda mga bahin hini nga ginuupod han New York ngan New Jersey komo usa nga tri-state area o langyab hin tulo-nga-estado. Ginngaranan an estado tikang han Salog Connecticut nga aproximadamente natunga han estado. An pulong nga "Connecticut" kinuha tikang hin dirudilain nga pagsurat hin Algonquian nga pulong para hin "halaba nga tauban nga salog". ^[5] .

An syahan nga mga Europeo nga nanimungto han Connecticut mga Olandes nga nagtukod hin gamay, nga madali la nga panimungto nga gintawag nga Fort Hoop ha Hartford ha pag-ultan han mga salog nga Park ug Connecticut. Katunga han Connecticut ha pagtikang kabahin anay han Olandes nga kolonya nga Bag-o nga Nederland , nga naglakip hin damo nga tuna nga nahimutnga han mga Salog Connecticut ug Delaware , bisan pa man kun an syahan nga dagko nga mga panimungto gintukod han dekada han mga 1630 han mga Ingles. Hi Thomas Hooker namuno hin grupo nga mga sumurunod tikang han Massachusetts Bay Colony ngan nagtukod han Connecticut Colony ; iba nga mga nanimungto tikang ha Massachusetts nagtukod han Saybrook Colony ngan han New Haven Colony . An mga kolonya han Connecticut ngan New Haven nagtukod hin mga dokumento hin Fundamental Orders , nga ginkikita nga mga syahan nga mga konstitusyon ha America. Han 1662, an tulo nga mga kolonya gin-usa ha ilarom hin karta real, nga diin an Connecticut nagin kolonya han korona . Usa ini han Napulo-kag-Tulo nga mga Kolonya nga nagsalikway han British nga pamunuo dida han Rebolusyon Amerikano .

An Connecticut amo an ikatulo nga gigutiayi nga estado ha langyab, ^[6] an ika-29 nga gidamoi hin molupyo, ^[7] ngan an ikaupat nga pinakadako hin densidad hin molupyo ^[6] han kalim-an nga mga estado. Gin-agnayan ini nga " Constitution State " (Estado hin Konstitusyon), " Nutmeg State " (Estado hin Moskada), " Provisions State " (Estado hin Pangandaman), ngan " Land of Steady Habits " (Tuna hin Unob nga mga Pamatasan). ^[8] Dako an impluywensya hini han pagtukod han kagamhanan federal han Estados Unidos (kitaa Connecticut nga Kompromiso ).

An Salog Connecticut River, Salog Thames , ngan mga daungan nga nananaplin han Long Island Sound nanhatag han Connecticut hin makusog nga minat-an hin panagat ngan panlayag nga nagpapadayon kutob yana. Mayda gihapon an estado hin maiha nga kaagi hin magin tagbalay han industriya hin serbisyon hin panalapi, upod in mga kompanyiya hin aseguransa o insurance ha Hartford ngan mga hedge fun ha Condado ha Fairfield .

Mga hulagway [ igliwat | Igliwat an wikitext ]

Mga pinambasaran [ igliwat | Igliwat an wikitext ]

An Wikimedia Commons mayda media nga nahahanungod han: Connecticut