Li revintreye tunizyinne u revintreye as djasmins , c' est ene revintreye do peupe di Tunizeye k' a cminci li 17 di decimbe 2010 a Sidi Bouzid , et tcheryi so les prumis moes d' 2011 .

Ci fourit l' prumire des revintreyes arabes di 2011 .

Li 14 di djanvi 2011, elle a parvinou a disdjoker Zine Aabidine Ben Ali , li prezidint do payis dispu 1987 . Pu a fote a l' ouxh les gros minisses do parti unike ki s' avent tchoki todroet dins l' prumi govienmint provizwere (28 di djanvi).

Al fen des fens, gn a yeu ki 215 touwes, oficirmint, todi.

Fime del revintreye [ candji | candji l’?code wiki ]

On djonnere, k' aveut on diplome d' univiersite, mins sins ovraedje, aveut divnou martchotea po wangni kekes liards, Mohamed Bouazizi . Li police lyi hapa si martchandijhe. Araedji, i s' fjha maleur di s' coir tot s' metant l' feu a lu-minme . C' esteut li 17 di decimbe 2010 .

Les djonnes s' atotchet adon so les rantoeles di socnaedje et avou les telefones axhlaves , et roter so Tunisse .

Les djindares sont benrade incapabes di warder l' ore. C' est l' armeye ki fwait cisse bouye la.

Sacwants djous pus tard, Ben Ali et ses djins petent a diale evie l' Arabeye sewoudite .

On nou govienmint fourit askepyi, pu vitmint rcandji. Li nou prezidint pa interim decida di mete so pi des votaedjes pol moes d' djulete.

Consecwinces del revintreye tunizyinne [ candji | candji l’?code wiki ]

Des otes payis arabes la k' i gn a des redjimes politike come li ci del Tunizeye, vont kinoxhe eto des bardouxhas ou des pajhires metingues po dmander dipus d' abondroets po les djins . Nen co on moes apres l' Tunizeye, c' est l' Edjipe ki fwait si prope revintreye . Pu, fen do moes d' fevri , c' est l' revintreye libyinne . Et tos les mouvmints des revintreyes arabes di 2011 ki s' a spardou come l' aloumire divins tot l' monde arabe, et minme adfou e Moyen Levant .

Hardeye difoutrinne Fi d' ramtaedje dissu (so l' forom " Berdelaedje ")

I gn a so les cmons Wikipedia des imadjes ou fitchis son a vey avou l' revintreye tunizyinne .