Li Recsisse , c' esteut on mouvmint d’ ideyes, dispardowes pa l’ eplaidreye Rex (li Crisse Rwe), pu on parti ki tourneve atou di s’ moenneu, Leyon Degrelle .

Lomaedje do parti [ candji | candji l’?code wiki ]

C' esteut on parti foirt catolike. Si no, c' est li parti do Crisse-Rwe (e laten: Christus-Rex ). Il esteut ecoraedji pa bramint des cures, avou bramint des mimbes el province di Lussimbork, ki vote todi foirt catolike, et la k' Degrelle a vnou a monde (a Bouyon), mins eto so Lidje et Nameur, et a Brussele.

Istwere do parti [ candji | candji l’?code wiki ]

Edicions Rex [ candji | candji l’?code wiki ]

A cmince, Degrele aveut metou so pi ene eplaidreye , les Edicions Rex ( 1930 ), edjistreyes a Loven . C’ est come gazti-rapoirteu ki Degrelle vizite Berlin (do 29 d’ avri a 3 d’ may), et fe deus limeros di s’ gazete ≪  Soirees  ≫ prejhant l’ novea tchansli, on lome Adofe Hitler .

E 1933, il enonde on novea tite ≪ Vlan ≫, et dire k’ i s’ vout rinde mwaisse do Parti catolike , k’ i trove moenne pa tos vis-paltots.

E 1934, les djonnesses catolikes si rsaetchet des Edicions Rex, ki n’ plet pus porshuve tos leus tites sins cist ecwarlaedje la. I n’ dimeure ki l’ gazete ≪ Rex ≫ ki dvent todi pus politike, mins dmorant ≪ a siervice des evekes, ki lyi polet dmander cou k’ i vlet. ≫ ^[1] C’ est a c’ moumint la ki Degrele kimince ses metingues .

Votaedjes di 1936 [ candji | candji l’?code wiki ]

E moes d’ avri 1935, les eplaidreyes Rex bagnut di Loven a Brussele . Li 2 d' novimbe a Cortrai, Degrele vent pirlodji a mwaisse raplou des cekes catolikes, avou des paters di pourcea po sacwants vis deputes et senateurs. Adon, li Parti Catolike si howe evoye di Degrelle, oficirmint, li 21 d’ avri 1936, djusse divant les votaedje do moes d’ may. Les Recsisses si prezintet dizo l’ no ≪ Front populaire de Rex ≫, par avou ene coxhe ≪ Rex-Vlaanderen ≫. ^[2]

A ces votaedjes la, gn ava ene trintinne di Recsisses ki passit.

Li mouvmint recsisse kimince a s' petler cwand Degrelle fwait martchi avou l' parti aschativeus flamind VNV (eplaidi e 1937). Si ideye tot fjhant coula, c' est d' amonter ene aloyance catolikes / Rex / VVN po-z askepyi ene madjorite droete-foite droete el Beldjike. Mins li parti est disconte li francijhaedje di Brussele, cou ki n' plait nen as Walons ki dmornut dins l' mwaisse veye .

Votaedje partiveus di Brussele di 1937 [ candji | candji l’?code wiki ]

Loukiz a : Rivotaedje partiveus pol depute d' Brussele e 1937

Votaedjes di 1939 [ candji | candji l’?code wiki ]

Azes votaedjes di 1939, Rex ki n' rascod ki 4,4 acint des vwes, n' a pus ki 4 deputes so les 21 di 1936.

Adon-pwis, des mimbes do parti, come Alfred Olivier, si houwet evoye di Degrelle cwand i mostere clairmint si sotnaedje a Hitler, aprume apres l' Afwaire di Norvedje (1941) . ^[3]

Parti Rex sins Degrelle [ candji | candji l’?code wiki ]

Loukiz a : Ledjon walone (front d’ Russeye)

Tins del guere, Degrelle tineut avou Hitler. Gn a des djonnes Walons do parti Rex ki s' ont-st egadji dins l' Wehrmacht , et esse evoyi a front d' l' Ess. C' esteut l' Batayon Walon .

Apres 1941, Degrelle, k' est ocupe pa ses responsavtes militaires sol Front d' Russeye , ni s' ocupe pus lu-minme del politike do parti, ki c' est Victor Matthys k' end a tote li tchedje.

El Walonreye, les Recsisses aident les Almands. I racuzent les Rezistants, et paco les vni touwer. (Les Rezistants eto, touwent les cis ki fjent avou les Recsisses. C' est des Recsisses k' ont vni touwer Francois Bovesse .

A l' Ofinsive da Von Rundstedt , gn aveut des eclaireus walons (des Ardinwes, ki cnoxhent ben les naxhes) avou les Almands. Degrelle dimora on tins a Limerle .

Essegne [ candji | candji l’?code wiki ]

L' essegne di Rex a sti dessineye pa Josse Alzin, k' esteut vicaire a Abindje (adon, nen on dessineu di s' mesti). ^[4]

Li mouvmint recsisse et les scrijheus e walon [ candji | candji l’?code wiki ]

• Amand Geradin a sti tchif des Edicions Rex, mins s’ a rsaetchi des Recsisses cwand Degrelle a ^{(a-z aveuri)}
• Joseph Mignolet esteut mimbe do parti recsisse, et senateur. Tins del guere, il esteut cinseu des pices e walon pol ≪ Propaganda Abteilung ≫. Eto, apres l' guere, ifourit condane, ey adon, veyou evi pa tos les waloneus. Li pris del veye di Lidje meta espres dins s' reglumint k' i faleut on ≪  certificat de bonne vie et mœurs  ≫ po k' Joseph Mignolet n' aye nen l' pris.
• Jean de Lathuy fourit eto ametou d' aveur fwait avou les Recsisses. Mins lu, c' esteut purade a caze k' il esteut foirt catolike ki d' aveur fwait del politike. ^[5]

Hardeye difoutrinne [ candji | candji l’?code wiki ]

• Leyon Degrele et les recsisses, on passaedje ratourne e walon do live Au pays de mon pere da Omer Marchal

Sourdant [ candji | candji l’?code wiki ]

I gn a so les cmons Wikipedia des imadjes ou fitchis son a vey avou l' parti "Rex" .

1. ↑ Gazete Rex do 5 d’ octobe 1934.
2. ↑ Arnaud de la Croix, ≪ Degrelle 1906-1994 ≫, Edicions Racine, Brussele, ISBN 978-2-87386-982-3 , p. 64
3. ↑ Daniel Olivier, fi da Alfred Olivier, divins l' live da Arnaud de la Croix, come cial adzeu, p. 177; il i acertene ki s' pa ≪ a morou recsisse ≫ e 1944, mins nen d’ on recsisse assocne as nazisse, paski ses parints avent sofri di l’ abrocaedje almand e moes d’ awousse 1914 ( batreye di Maissin et touwreyes d’ Anloe ).
4. ↑ Daniel Olivier, divins l' live da Arnaud de la Croix, ≪ Degrelle 1906-1994 ≫, Edicions Racine, Brussele, ISBN 978-2-87386-982-3 p. 177.
5. ↑ Avizance da Lucien Somme , esplikeye a Uzeu:Lucyin dins les aneyes 1990.