L' osrotuzance , c' est on mouvmint tuzancrece k' egziste dispu l' fen del dijhneye 2010 .

Oridjene [ candji | candji l’?code wiki ]

Asteuriste [ candji | candji l’?code wiki ]

L' osrotuzance , ca vent del tuzance ingles-cazante, aprume amon les djins k' uznut volti les rantoeles di socnaedje . ^[1] Houte di coula, l' osrotuzance est foirt prezinte eyet studieye as Uyesses . ^[2]

D' ene manire pus djenerale, li prumi cop k' ciste ideye ci a sti boute dins on tecse, c' it dins ene tchanson da Nile Rodgers  : Your Love Is Cancelled . ^[3] Avou ca ki l' osrotuzance est raloyeye a ene lene do fime estazunyin ≪  New Jack City  ≫, k' a vudi e 1991 . ^[4]

Istorike [ candji | candji l’?code wiki ]

Istoricmint, l' osrotuzance egzisteye dispu l' Vi-vi-tins . Metans el Viye-viye Edjipe , el Viye-viye Grece ey el Impire romin . Tins do vintinme sieke, Staline fijha disfacer les traeces del vicance des ≪   innmis do peupe   ≫. ^[5]

Etimolodjeye [ candji | candji l’?code wiki ]

E-n ingles , on s' sieve del frazlete ≪  cancel culture  ≫. Cweki, padeco, on s' sieve ossu del frazlete ≪  call-out culture  ≫, minme k' il egzisteye ene diferince di sinse inte les deus. ^[6] Come di djusse, ≪   call-out culture   ≫ mostere puvite li fwait di dinonci ak. ^[7]

E walon , li mot ≪  osrotuzance  ≫, c' est en acmaxhaedje do viebe ≪  osrotener  ≫ eyet do kimon no ≪  tuzance  ≫. Ci viebe la vent di l' almand ≪  ausrotten  ≫, ki vout dire di fe disparexhe les djins come si ele n' avent may egziste.

Tuzance [ candji | candji l’?code wiki ]

On caze sovint d' osrotuzance cwand i gn a des statuwes k' on vandalize uben k' on rsaetche. Les statuwes k' on vize, c' est djeneralmint les cis k' erprezintet des colnijheus, u co des esclavadjisses. ^[8] Amon les rlomeyes djins rwaiteyes, on-z ertrouve, metans, Thomas Jefferson , k' ava sti prezidint des Uyesses , eyet Cristofe Colombe . ^{[9] [10]} Des istoryins ont clatchi k' bodji azes statuwes ni disface nen l' istwere. Tenawete, avou coula, on sait ≪ ervuzion li plaece di ces djins la dins l' espace publik ≫. Adzeu d' ca k' on sait rviziter l' istwere oficire. ^[8]

Des fouytons s' ont ddja fotou di l' osrotuzance . C' est l' egzimpe k' a shuvou South Park , tot fjhant l' riclame d' es 22inme sajhon avou en etak (caractere note dinsi ≪ # ≫) : # CancelSouthPark ([WA] # OsrotenezSouthPark ). ^[11] Avou en ote fouyton d' imadjes estazunyin, Les Simpson , i gn a yeu on ramdam avou Apu . Ci-ci, c' est on persounaedje indyin k' est imite pa en acteur estazunyin : Hank Azaria . ^[12]

Societe [ candji | candji l’?code wiki ]

Sorlon Edelman ,ene soce estazunyinne k' overe sol rilomeye des markes, 64 djins so cint acatnut, uben houwnut d' acater, des markes caze d' leus avuzions politikes. ^[4] Tot rwaitant les djermeyes, ene estude a mostre ki les djermeyes yod eyet zeta pinsnut, a moens shijh co so dijh, ki l' osrotuzance fwait on herleme. ^[13]

On trouve djeneralmint troes cas eyet troes mas a l' osrotuzance . Po cminci avou les cas, l' osrotuzance acdine as djins foutrinnes di dmander des contes cwand l' sistinme del djustice n' adierceye nen s' cop. Al copete do martchi, ca dene ene miete di pus d' pouvwer as sakis ki n' end ont nen timpesse. Epwis, l' osrotuzance , c' est ene novele fome di houwaedje d' acater ([EN] boycott ), avou on sinse pus djondant des mouvmints di droets civils eyet do candjmint socia. ^[14]

Li prumi ma, c' est k' l' osrotuzance , c' est ene caze di foice fou-mzeure. Djans : ca sait afeye moenner a ene ≪   tchesse azes macrales   ≫. ^[5] Adonpwis, on racuze ki l' osrotuzance n' acdine nen vraiymint des candjmints socias. Infen, on pinse eto k' ca tchesse les sakis evoye, plamour k' i n' sondjnut nen come les otes volnut ben. ^[14]

Referinces eyet sourdants [ candji | candji l’?code wiki ]