Les Nervyins ( Nervii e laten) fourit ene des pus pouxhantes tribus del Confederacion beldjike ki vikent a Levant di l' Aiwe d'  Esco dins l' mitrinne Belgae do tins des Romins.

Li date egzake di leu distrujhaedje n' est nen cnoxhowe. Il estent veyous come les pus waeraxhes des tribus beldjikes. Li Belgae esteut metou a po pres dins cou k' est asteure li Beldjike .

Leu tuzance esteut foirt sitraegne. Il avent tchoezi di n' nen boere des alcolijheyes abwessons, ni di profiter neren des otes plaijhis, ca i pinsent k' leu-z esprit dveut tofer dimaner clair po-z esse coraedjeus.

Les scrijhaedjes ki nos avans rapoirtet k' i n' avent nole classe di martchands ou vindeus, cou ki leye pinser k' i n' avent pont d' manoye eyet k' il estent motoit nen foirt ritches ou avancis.

Aidis das Atrebates eyet Viromandwins et co d' bramint ds otes tribus djermanikes , il ont cazu batou Djule Cezar e -57 ( batreye di Sambe ).

Les Adouwatikes ( Atuatuci ), ene ote tribu, estent sol voye po les radjonde mins i n' arivit nen a tins pol batreye. Ca fwait k' al fen des fens, les Nervyins ont yeu ene dispousleye.

Apres cisse batreye la, bramint des tribus del Belgae s' ont rindou, mins nen les Nervyins. I n' ont nen accepte l' paye di Rome ; i n' ont pont evoyi d' ambassadeurs neren. Il ont continouwe a-z ataker les convoyes rominnes.

Cezar adjincna-st on plan k' aconteve ben ki les Nervyins n' avent pont d' cavalreye. Et, come d' efet, il adierca s' cop.

Apres leu dzindjnaedje pas Romins, il ont dmande po en armistice.

Les scrijhaedjes rapoirtet kel sitouwacion esteut tele ki leu-z armeye di 60.000 n' esteut pus k' di 500, eyet leus 600 moenneus n' estent pus k' troes.

Dandjreus k' Cezar lezi dna l' paye k' i dmandent, eyet dire a leus vjhens di n' les nen ataker.

I shonne kel mwaisse-veye des Nervyins aye siti Bagacum ( Bavai ).

Totes les cnoxhowes dneyes so les Nervyins vinet do scrijhaedje “ Li Guere des Gales ” pa Djule Cezar . Dabord, ca s' poreut ben ki sacwantes sacwes soeyexhe ene miete candjeyes po bouter al tcherete des Romins. Mins, onk dins l' ote, cou k' est raconte dins "Li Guere des Gales" a sti aveuri pa des otes sourdants.

Les "Nervyins", c' est eto l' no del dramatike di Prele , la k' on vout kel Batreye di Sambe s' aye passe.