Laurent Hendschel

Lorint Hendschel

Lorint Hendschel e novimbe 2019

Skepiaedje	1966, Beldjike
Activites	scrijheu

WIKIDATA

Laurent Hendschel (purade lome Lorint emon les waloneus ) a skepyi e 1966 . C' est on tchanteu et on scrijheu e walon , ey eto on rcwereu sol walon .

Il a sti spote li "pape" do rfondaedje .

Il a sti rprins dins l' antolodjeye ≪Scrire≫ .

Di s' mesti, il est ratourneu .

Es voye, come waloneu [ candji | candji l’?code wiki ]

Lorint et s' bashele, co tote djonnete, dins Rabulets

Deujhinme do Grand Pris del Tchanson Walone e 1989, il atake totossu rade a studyi eyet scrire li walon. I hayneye ses nouves ideyes en on livret “On walon po dmwin” (1990) et s' comince-t i a ls apliker come mwaisse adjincneu do moti Walo+ (1992), li prumi moti frances-walon po troes des cwate coines do payis. Li minme aneye, i rshut li "Prix biennal de la Litterature wallonne" del veye di Lidje.

Adonpwis, il eplaide ≪Ridaedjes≫ (1993), ene ramexhneye di powezeyes avanciveuses, dins l' pitite coleccion di l' SLLW . Et mostrer comint, podbon, on pout foirdji on rfondou walon divins ≪ Quelques propositions en vue de l'etablissement d'une langue wallonne ecrite commune ≫ (1993) et comint-z ahiver on diccionaire di tot l' walon (A raplou-tot des walons, 1994). E minme tins, il aponteye on sistinme ≪live et cassete≫ po-z aprinde li walon (Li walon rade et ben, 1994).

E 1995, i va ratourner kekes floricontes , inte di zels, Rodje Capucete , li bashele as brocales , li gros laid cani eyet ≪ Li princesse eyet li ptit poes ≫.

C' est co lu k' enonde l' ideye del gazete ≪ Li Rantoele ≫ (1995), ki dvent ene Soce Nen Recwarlante et rprinde les rcwerances so li rfondaedje.

Adon, po rawijhi ses couteas, et vey cou ki li rfondaedje dene podbon, Lorint Hendschel sicrit sacwants bokets e rfondou: ≪ Sacwantes faviretes di houte did ci ≫ (1994), ≪ Did lon ≫ (1995) et li grand roman istorike So l' anuti , sicrit e 1994, eyet eplaidi fok e 2006.

I va pus lon dins ses rcweraedjes et studeye les pondants et les djondants do tchmin k' a shuvou l' walon e 20inme sieke , et les ideyes des waloneus so ces trevens la. I scrit on clapant corwaitaedje so c' sudjet la e 1996, ≪ Ecole dialectologique et generation 48 - esquisse d'une analyse ≫.

Cite aneye la, avou Emille Gilliard ex aequo , i rshut eto li "Prix triennal de l'œuvre en prose de la Federation Wallonie-Bruxelles" po s' roman So l'anuti eyet ses otes contes.

Il est onk des prumis a vey li consecwince del revolucion Etrernete . Eto, i va mete so les fis, e 1996, on prezintaedje do walon (Les padjes do lingaedje walon) ey e 1998 ene sinteze sol grammaire do walon: Li waibe del croejhete walone.

A parti di 1998, il overe sol ratournaedje e walon des sistinmes Linux , et scrire si apriyesse a fwait so les fis , dizo l' tite: ≪Avou l' sistinme Gnu/Linux, voste endjole djaze walon≫. C' est c' papi la ki va-st enonder Pablo Sarachaga sol voye do boutaedje pol lingaedje walon, et drovi l' ouxh des libes programes sicrits e rfondou walon.

Tot boutant di s' mesti, come ratourneu , i s' rimete as scoles et disfinde, e 1999, on memwere di linwince ≪ Vers la substitution linguistique en Wallonie ≫, tot scrijhant troes tchaptres do live di sinteze acvierne pa Lucyin Mahin , ≪ Que walon po dmwin ≫

E 2000, i prezinte ene tchanson sol plake lazer ≪ Emacralaedje ≫, tot porshuvant ses studias di sociolinwince, po ene teze di doctorat (mins il a dvou leyi ouve).

E 2001, i dene li prumi cours di rfondou walon a Nou-Loven .

E 2002, i ratoune li Djeneze , li prumi live del Bibe, e walon, dizo l' tite ≪A Cmince≫.

Dispu l' moes d' djun 2003, Lorint Hendschel a prins on ≪condji sabatike≫ po ses boutaedjes pol walon. Mins on l' rivoere tolminme a Bive, pol sitrimaedje di ≪So l' anuti≫.

Di tenawete, i va bouter anonimmint sol Wikipedia.

E 2020, i rashonne ene grande parteye di ses arimes et libes powinmes, rimetous tertos e rfondou, dins on live ki l' tite, c' est : ≪ Dins des sores di romances ≫.

Les nouves ideyes et les noveas waloneus enondes pa Lorint Hendschel [ candji | candji l’?code wiki ]

Diccionairaedje [ candji | candji l’?code wiki ]

Lorint Hendschel a cminci a bouter sol diccionairaedje a parti del djiveye des motis do walon ramexhneye pa Johan Viroux . I va esse li mwaisse adjincneu do prumi moti frances-walon ki dene les minmes mots dins sacwants accints do walon Walo + : Mes 3000 prumis mots walons . Apres, i va rescontrer Tiri Dumont et bouter sol DTW avou lu.

Rifondaedje [ candji | candji l’?code wiki ]

Come ricwereu , Lorint Hendschel fourit li mwaisse teyoricyin eyet l' enondeu do rfondaedje et do linwe-ehayaedje do walon. C' est les ideyes sipardowes pa ci ptit live la ki vont fe comprinde a Lucyin Mahin kel schapaedje do walon passe par la, et-z atotchi Lorint Hendschel e 1993.

Djusse apres, Lorint Hendschel fourit l' mwaisse viene del "Commission normalizacion" di l' UCW . Cwand cisse-ciale toune a cou d' poyon, e 2000, i renonde li Tavloteye rifondaedje del Rantoele , tot-z askepiant li Djaspinreye Rifondaedje so Yahoo.

Noumots [ candji | candji l’?code wiki ]

C' est lu ki saye di ratourner l' prumi li motli informatike po s' ende siervi a cmince so Microsoft, pu so Linux. C' est tot fjhant ciste ovraedje la k' i va rescontrer Pablo Sarachaga .

Sacwantes hardeyes [ candji | candji l’?code wiki ]

Hardeye divintrinne [ candji | candji l’?code wiki ]

Li roman "So l' Anuti"

Hardeyes difoutrinnes [ candji | candji l’?code wiki ]

Otes pordjets Wikimedia

Vos trouvroz des racsegnes so les ouves da Laurent Hendschel , u les ouves zeles-minmes, so Wikisourd e walon.
Li Wiccionaire si rsieve di sacwantes frazes da Laurent Hendschel po-z enimadji des mots k' i gn a.