Jose Schoovaerts (e walon, Djoze , so les fis , Djozewal ^[1] , Rabulets ^[2] ), c' est on waloneu k' a vnou a monde li 15 di djulete 1936 a Ajho .

Ouve e walon [ candji | candji l’?code wiki ]

Dispu divie 2000, il a scrit des tecses so totes sores di sudjets e walon. Des ratournaedjes di Beles letes , u di pinseyes di des scrijhaedjes di filozofes , ucoben des paskeyes erotikes , evnd.

Ses tecses e walon ont sti eplaidis dins l' Rantoele gazete u co Coutcouloudjou . Mins l' Djoze Schoovaerts s' a purade publiyi so cogne informatike , sol Daegntoele , pal voye di s' gazete endjolike Rabulets , et des waibes ki vont avou.

• 
  "Li Novele Idole" (Insi djazeve Zaratoustra), modeye del Rantoele 42
• 
  Dierinne imadje di " Machiavelisse ", parexhou divins Li Rantoele l° 44, e l' ivier 2007-2008)
• 
  Coviete "Avespre" modeye 2006
• 
  Ramexhnaedje di ses BD (2009)]]
• 
  Ratournaedje da Max Stirner : li niyilisse (2008)

Il a ratourne e walon et mete dizo l' cogne di bindes d' imadjes des scrijhaedjes di filozofes et powetes etrindjirs come Nietzsche ("Insi djazeve Zaratoustra"), Machiavel ("Li Prince"), Stirner , Lao-Tseu , Shakbar , Descartes.

Il a eto adjincne li prumi fime d' imadjes e walon, " Noersipene "

Il est eto foirt fel po dire li sinne, todi e walon, so les foroms endjolikes .

Di s' mesti, il esteut dessineu et spirouti , aprume di caricateures . Eto, i gayote todi les padjes di ses Rabulets avou des dessens et des bindes d' imadjes. Il a sti eto gazti et livri .

Sipepieuse biyografeye [ candji | candji l’?code wiki ]

di s' mesti [ candji | candji l’?code wiki ]

• 1944/1945 : A l' sicole , i partit s' banc avou Lambil , li ci ki, pus tard va dessiner " Les Tuniques Bleues ".
• 1950 : Il est puni po l’ prumi cop po-z awe tchante e walon.
• 1952 : Arthur Masson l' ecoradje.
• 1954 : A ses dessens dissu l’ actouwalite et l’ politike dins ≪  Le face a main  ≫. Si est i finalisse a ≪ Premier Championnat de Belgique ≫ di djudo .
• A parti di 1955 : I va aler copiner, po des respondas , avou sacwants ptits tchanteus ki s’ enondnut : Jacques Brel , Georges Brassens , Flip Clay. Ses dessens pasnut dins ≪  La derniere heure  ≫, ≪ Humour Magazine ≫, ≪  La Libre Belgique  ≫, ≪  Le Patriote Illustre  ≫, ≪ Le Pourquoi Pas ≫, ≪Risque-Tout≫, ≪  Le Soir  ≫, ≪ Le Soir Illustre ≫, ≪Le Temps de Paris≫, evnd. On ls eplaide ossu fou del Beldjike.
• 1956 : Prumires espozucions a Brussele (a Philips) et a Paris (e Salon de l’ Art Libre ).
• 1957 : I rascod on diplome di gazti .
• 1958 : A Paris, il est metou a " Tableau d' Honneur des Dessinateurs Humoristes " pa " La Canebiere-Humour Magazine ". Il est

admetou dins l’ soce ≪ La mine souriante ≫ da Marcel Antoine.

• 1958 : I dessene, po Brepols, si prumire coviete tote e coleurs .
• di 1958 a 1960 : Il espoze dins tote li France avou ≪  Humour centre  ≫ di Limoges .
• e 1958 et 1959 : I boute tos les moes po l’ BRT, i fe passer on fime d' imadjes da sinne, et minme i dessiner e direk.
• 1960 : I scrit l’ istwere da Louis Amstrong . Elle est publiyeye pa ≪  Romance  ≫ et et riprinjhe pa ≪  Zondag Morgen  ≫ e 1962. Ses arindjmints ? so l' no d' pene di Jose-Charles Ghislain - di sacwants romans ≪ classikes ≫ si rtrouvnut dins ≪  L'Est Republicain  ≫, ≪  La Derniere Heure  ≫ eyet ≪  Le Soir Illustre  ≫.
• 1961 : I mete dissu pi deus societes avou Franquin , Morris , Peyo , Roba , Tillieux et Will . Ene di zeles, c' est ≪  Agence Litteraire  ≫ et l’ ote li ≪  Majhon d’ edicion  ≫.
• 1963 : Il est prins come mimbe di l’ ≪  Association Royale des Artistes Professionnels de Belgique  ≫. ^[3] Li minme aneye, il est admetu come gazti pa l’ ≪  Organisation Mondiale de la Presse Periodique  ≫. L’ ≪  Association des Journalistes Belges et Etrangers  ≫ el va shure.
• 1969 : Il arindje ey imprimer Rantanplan .
• di 1970 a 1981 : I tent a on botike di lives a Djiblou .

pol walon, come sicrijheu ey enimadjeu [ candji | candji l’?code wiki ]

E 1995 : il edame l’ enimadjaedje do roman e walon ≪  So l' anuti  ≫ da Lorint Hendschel .

Avou les dessens ki n' ont po fini nen siervou po ≪ So l’ anuti ≫ il va rarindji ene Binde d' imadjes , a mode di shute, ≪ L' Avespre ≫, l' passer dins les Rabulets et, po ene part dans l’ Li Rantoele . Li tot va parexhe come live .

Di 1995 a 1999 : I shut les cenk aneyes del sicole di walon des Relis Namurwes . ^[4]

Di 2000 a 2003 : I shut les cours di walon dines pa Lorint Hendschel a l’ UCL a Ocgniye ( Nou Loven ).

E 2000, il enonde li prumire gazete endjolike e walon, k' i lome RABULets .

Di 2003 a 2005, il a dessine les covietes del Rantoele gazete et adjincner di cisse gazete e walon la.

E 2006, e moes d' djulete 2006, il a renonde RABULeTS. I l' edama pa ene novele binde d' imadjes ("Et l' niut s' a stindou") k' on-z i pout, avou ene miete di boune volte, ricnoxhe a ddins ene pougneye di djins del Walonreye d' adon. E moes d' setimbe, gn ava ene shute lomeye "L' Avespreye tcheyowe, i fwait tot noer".

Fen 2006, i toirtcheye deus bindes d' imadjes so des tecses da Nietsche, "El novele idole" eyet "Li moirt k' est volontaire". Il askepeye eto ene rimouwante pitite sucete a l' apres d' Choderlos d' Laclos "Tchaderlote". Dizo l' tite "Riskeus aloyaedjes", ele parexha, e coleurs, dins l' Rantoele 42. Pol Rantoele 44, i s' atake a ratournaedje e BD do live "Li Prince" da Machiavel.

E 2007, i s'a plonke dins on ovraedje di tos les diales : fe bodji les imadjes di Noersipene ! Djanvi a fini k' il aveut "dedja" metou 54 moyales sgondes dins l' boesse. Cwand on sondje k'i fat 24 imadjes po ene sigonde di fime, on s' rind conte ki ca dmande do tins po divni Walt Disney . Todi est-i, k' may fini, il aveut emantchi 20 munutes (e coleurs !) et dedja sayi d' i djonde ene bele muzike... A l' fen d' 2007, i n' esteve nen co fou del bouye tapeye dissu s' tauve. Mins, e moes d' djulete 2008, vola li ≪mirake Noersipene ≫ ki s' enonde avou les prumires et co xhiltantes sayes, so ene waibe di strimigne , ≪blip.tv≫.

Todi e 2007, il a rprins l' gorea come mwaisse dessineu del Rantoele-gazete, adjincneye adon pa Lucyin Mahin . I gayote, dispu don, tos les limeros avou ene coviete la k' a gn a ene andoulante kimere, et on cok. Et toirtchi cwate padjes divintrinnes di BD e coleurs. I scrit des artikes so les oteurs k' i translate e walon.

Et vo n' la-t i nen k' il a edame 2008 avou on ratournaedje e BD d' on tecse da Max Stirner. Et l' fini avou l' translataedje di tot l' "Tao to king" da Lao-Tseu et minme e mete ene fele pougniye des "tuzaedjes" e imaedjes.

A l' edame di 2009, c' est a Shakbar k' i s' a-st atake et, a pretins, a Descartes.

E 2010, i s' a minme atake a ratourner HEGEL !

E 2011, il askepeye li Professeur Titorva .

E 2013, i wade ci persounaedje la come mwaisse persounaedje d' ene binde d' imadje medicale, Gama-coute . C' est l' prumi cop k' ene binde d' imadje tuzeye e walon va esse ratourneye e-n ingles.

E 2017, c' est l' deujhinme parteye , foirt tecnike, ratourneye do frances pa Lucyin Mahin .

E 2018, i lait ouve come dessineu des covietes del Rantoele. Mins i boute co felmint so les rantoeles di socnaedje , Fesbok et Twitter , avou des tecses et des dessens.

E 2020, i ratele avou les padjes e coleur del Rantoele, dessinant si prope istwere cwand il a yeu en accidint des ecduts do cervea .

Eplaidaedjes so papi [ candji | candji l’?code wiki ]

Il a eplaidi so spes papi cazu tos ses ovraedjes et les sipade a des nen trop nareus :

• li binde d' imadjes "So l' Avespre", prezinteye pa Jose Fontaine , a en adrovaedje da Pire Otdjake .
• Ene ramexhneye di ses bindes d' imadjes avou des bouyotes e walon a sti dneye a sacwants (ki n' s' e vantnut nen) a Pris del Kiminalte francesse 2008.
• Professeur Titorva
• Gama-coute .

Djiveye des BD avou des bouyotes e walon [ candji | candji l’?code wiki ]

• Meliye (dins "Rabulets", riprins dins l' ramexhneye 2008)
• Les advinas d' l' Istwere (dins "Rabulets")
• Ca tchafe a mitan des nives et des glaecons (dins "Rabulets")
• Rodje capucete (dins "Rabulets")
• Noersipene (purade a mode di live d' imadjes , dins "Rabulets", des bokets ont siervu po ene walone croejhete
• L' avespre (dins l' Rantoele-gazete , pu so les fis , pu rprinjhe dins l' ramexhneye 2008)
• L' avespreye tcheyowe, i fwait to noer ( so les fis pu rprinjhe dins l' ramexhneye 2008)
• Et l' niut s' a stindou ( so les fis pu rprinjhe dins l' ramexhneye 2008)
• Dandjreus aloyaedjes (dins l' Rantoele-gazete l° 41, bontins 2007, pu rprinjhe dins l' ramexhneye 2008)
• El novele idole da Nietsche (dins l' Rantoele-gazete l° 42 & 43 so les fis , pu rprinjhe dins l' ramexhneye 2008)
• Machiavelisse (dins l' Rantoele-gazete l° 44, ivier 2007-2008, so les fis , pu rprinjhe dins l' ramexhneye 2008)
• Stirneraedje (dins l' Rantoele-gazete l° 45, 46 & 47, 2008, so les fis , pu rprinjhe dins l' ramexhneye 2008)
• Li moirt k' est volontaire ( so les fis )
• Dijhoz m', Lao-Tseu (dins l' Rantoele-gazete l° 48, ivier 2008-2009, riprinjhe dins l' ramexhneye 2008)
• Ki k' a veyou l' Vera (dins l' Rantoele-gazete l° 49 & 50, 2009, d' apres on boket do roman Vera da Lucyin Mahin )
• Powinmes da Shakbar (dins l' Rantoele-gazete l° 51, eri-sajhon 2009)
• L' Manire di fe da Descartes
• Pitchote et Midjote Mostade (dins l' Rantoele-gazete l° 52, ivier 2009-2010)
• Professeur Titorva (avou Joel Thiry po des couts tecses et Hegel dins ene pus longueuwe istwere

Corwaitaedje do walon et do stile da J. Schoovaerts [ candji | candji l’?code wiki ]

Djoze eploye on walon ki rprind des mots di totes les coines del Walonreye, et avou on cmaxhi sistinme di scrijhaedje. Si rclame-t i ben hot dins s' gazete "Rabulets"

"I n' vos fat nen ewaerer, on (= dji) comele et maxhe todi les modeyes di scrijhaedje" .

Dins ses tecses, li Djoze djowe avou les mots, avou leus sinses et leus cognes. I screye eto volti so des sudjets erotikes ou d' actouwalite. I n' est nen nareus do dire li sinne so les soces waloneuses. Sins peu d' hagni, i scrit des sacwes ki sketnut l' cade des djermeyes di scrijheus e walon di dvant, et les tabous des pezants ki djouwnut les "mwaisses moenneus spepieus coridjeus".

A dater di 2006, i publiyre todi dpus di tecses rimetous e rfondou.

Hardeye divintrinne [ candji | candji l’?code wiki ]

• Si padje d' uzeu sol Wiki e walon

Hardeyes difoutrinnes [ candji | candji l’?code wiki ]

• Padje moennrece des scrijhaedjes da Djoze Schoovaerts so l' Aberteke (e rfondou )
• Artchives del gazete endjolike "Rabulets" ( walon melkin )
• Waibe 2007

Galreye di documints [ candji | candji l’?code wiki ]

Hardeye difoutrinne [ candji | candji l’?code wiki ]

• Li Wiccionaire si rsieve di sacwantes frazes da Jose Schoovaerts po-z enimadji des mots k' i gn a.
• Vos trouvroz des racsegnes so les ouves da Jose Schoovaerts , u les ouves zeles-minmes, so Wikisourd e walon.

Sourdants & pi-notes [ candji | candji l’?code wiki ]

I gn a so les cmons Wikipedia des imadjes ou fitchis son a vey avou Jose Schoovaerts .

1. ↑ Li prumi sinse est ≪Djaze walon !≫, mins on l' pout rcomprinde come ≪Djoze (do) walon≫
2. ↑ Do do del gazete endjolike k' i va-st eplaidi a l' edame des aneyes 2000 ; l'ideye est d' aler disconte li mwaisse ideye des Relis namurwes ki passet leus scrijhaedjes al passete, et n' eplaidi ki ≪waire mins bon≫. Les raboulets , c' est cou ki dmeure al boultreye cwand on a rsaetchi l' farene. Ci sere don des scrijhaedjes ≪a l' assulon≫.
3. ↑ E 2003 i va trover k’ ele ni rote pus comifat et rinde si mandat d’ admistrateu.
4. ↑ Ca n’ l’ espaitche nen di scrire a s’ mode. (E 2008, k’ il i rmete ses pis, i s’ va fe rtape avou les ≪ djonnes ≫ apurdisses del prumire aneye !)