Pol discramiaedje des artikes avou l' mot ≪?Jacques Bertrand?≫, loukiz cial .

Jacques Bertrand ( riwalnijhave Djake Bietrand ), c' esteut on scrijheu d' tchansons k' a skepyi li 18 di novimbe 1817 et k' a morou li 30 di djulete 1884 .

Di s' mesti, il esteut patron d' ene fabrike di tcheyires .

Il est rprins dins l' grosse Antolodjeye da Piron .

Mwaisses dneyes [ candji | candji l’?code wiki ]

I shonne k' il aye bramint sti aidi dins ses scrijhaedjes pa s' cuzen, Albert Thibaud .

I tchanteve volti li payis d' Tchalerwe . Aresse, c' est l' prumi k' a-st eplaidi des scrijhaedjes e walon dins cisse coine la del Walonreye .

I dmeure conoxhou long et ladje pa ene tchanson e frances " Pays de Charleroi " k' a divnou l' ime naciona carolo. Mins il a scrit purade e walon. Inte di des otes tchansons : Lolote .

Rilomeye [ candji | candji l’?code wiki ]

Jacques Bertrand fourit raddimint rwaiti come l' ero naciona do Payis d' Tchalerwe. E 1924, on havta ene plake di rsovnance sol majhon la k' il a skepyi, al rowe Gustave Nalene a Tchalerwe.

Dispu 1984, li befrwe d' Tchalerwe soune totes les eures "Pays de Charleroi"; a cwart apres l' eure; c'est ≪ Racoulotans nos ≫ ; al dimeye eure : ≪ Sintoz come em cour bate ≫, eyet a cwart po l' eure: ≪ El cwenzinne a Mambor ≫.

I fourit fotografyi pa Prosper Bevierre divie 1867. Ci portrait la divna foirt rilome. On nde fjha ene plake havteye so s' majhon d' nexhance e 1924 .

Si veye est ses tchansons ont sti studieyes pa Jules Lemoine , adonpwis pa Jules Vandereuse .

Des tchanteus come Bob Dechamps tchantent volti les tchansons d' Jacques Bertrand.

Ene djourneye di rindaedje-bon-dvwer a sti adjincneye e 2018. Les pretchaedjes ont sti eplaidis dins l' coleccion Memwere walone ( lº  22).

Les tinmes da Djake Bietrand [ candji | candji l’?code wiki ]

C' est bramint des tchansons ki racontet les djoyes des ptites djins k' on a rtnou di l' ouve da Jacques Bertrand.

Portant, aveut oyou eto tchanter les ouves da Beranger, et si a-t i scrit des tchansons la k' i critike li guere, et vanter li liberte, li paye eyet l' ovraedje. Mins ces tchansons la ont sti metowes sol coste.

Sacwantes rlomeyes tchanson da Djake Bietrand [ candji | candji l’?code wiki ]

• Lolote (on l' lome eto "Sintoz come em cour bate")
• Li cwenzinne a Mambor
• Racoulotans nos .
• Li dicace do Bos.
• El cras boyea Dona .
• Payis d' Tchalerwe (sicrite e frances, ratourneye e walon so Wikipedia e 2019)

Rilomeye [ candji | candji l’?code wiki ]

I va divni li pus rlome waloneu do Payis d' Tchalerwe .

Djor Fayi va scrire ene pice di teyate sor lu, Djaques Bertrand .

Ezes fiesses di Walonreye (e 2022, todi), gn a des bokets d' ses tchansons ki sont haynes pattava Tchalerwe .

Biyografeye [ candji | candji l’?code wiki ]

Ces studias la sont tertos e frances, mins avou ses scrijhaedjes e walon, tchaeke cop rimetous sorlon ene metowe sicole ortografike.

• Jules Lemoine Horace Pierard, avec une etude sur Jacques Bertrand et Albert Thibaut , A. Fournier, Tchalerwe , 1912, 3inme edicion.
• Studia da Emile Vandereuse
• Hommage a Jacques Bertrand (Rindans bon dvwer a Djake Bietrand), Coleccion Memwere walone , l° 22, SLLW , Lidje 2019, ISBN 978-2-930505-27-5 .

Hardeyes difoutrinnes [ candji | candji l’?code wiki ]

• Ene padje avou ses scrijhaedjes (so l' Aberteke )
• Dipus d' racsegnes sol vicareye da Djake Bietrand (e frances) (so l' Aberteke )
• On studia so Djake Bertrand, da Emile Vandereuse
• Tecse de "Pays de Charleroi" (so "Wikisourdants")

I gn a so les cmons Wikipedia des imadjes ou fitchis son a vey avou Jacques Bertrand .