Istwere del Waloneye, come veyowe pas Walons

Istwere del Waloneye, come veyou pas Walons (ki l' tite e frances, c' est Histoire de Wallonie , avou come sortite le point de vue wallon ), c' est on live d' istwere del Waloneye sorlon ene avuzion des Walons zels-minmes (et nen li cene del Beldjike oficire).

Il a sti scrit pa Arnaud Pirotte et Yannick Bauthiere , ey eplaidi as eplaidreyes Embanner e 2012 . Il a sti replaidi ene miete ricandji e 2022 .

ISBN 978-2-914855-78-5 (1ire edicion)

ISBN 978-2-36747-097-9 (2inme edicion)

Pocwe awe scrit ci live la ? [ candji | candji l’?code wiki ]

Mins pocwe don faleut i ene sifwaite istwere ?

Paski l' istwere, mes djins, est todi scrite pa les djins k' ont wangni les batayes . Et dins leus lives, gn a pont d' plaece po cou ki n' lezi va nen. Adon, come li Waloneye est dins l'  Beldjike , noste istwere est scrite come ene ≪ Istwere di Beldjike ≫. E cou k' on acsegne a nos gamens et nos feyes, c' est cou ki shonne ben pol Beldjike. On saye di mostrer ki l' Beldjike, minme si ele n' egzisteye ki dispus 1830 , a todi sti la, come en efant dins l' vinte di s' mame. Ele diveut skepyi on djou, c' esteut scrit.

Portant, nos veyans ki, po ds afwaires ki gn a, ca n' sere nen veyou del minme manire pol Beldjike ou l' Waloneye.

Avou Arnaud, nos n' volens nen esse pus nacionalisses ki les nacionalisses. Adon, nos avans djusse sayi di rmete l' eglijhe a mitan do viyaedje. Nos n' cazans nen di tot cou k' est dins l' istwere di Beldjike et ki n' riwaite nen les Walons : li bataye di Cortres, Brudje... Nos avans ene manire walone di cazer di Yopol III , des Galwes ou ben del Bourgogne . Et nos cazans d' afwaires k' on acsegne may (ou waire) a djonnes di Waloneye : Lidje et les libertes, les ovris do XIXe sieke, li tins ki Mouze esteut li cinte di l' Urope…

Tot ca po vs dire ki ci live ci vos apudre bramint ds afwaires, sins toumer dins li nacionalisse k' a fwait tant d' ma a nosse Waloneye. ^[1]

Candjmints a replaidaedje di 2022 [ candji | candji l’?code wiki ]

Li coviete est diferinne : ele riprezinte les trevens industriyels avou ses deus contraves costes. Li sutiste des Walons, mins a pris del sofrixhance des ovris.

L' ovurresse adjokeye so on teri, come li ≪Marianne≫ del revintreye francesse , nos rmimbere Terwagne di Marcour ene Walone k' esteut la a Paris e 1789. C' est l' imadje do ricviersaedje economike ki s' passe pol moumint. L' eri-plan avou les oujhenes et les tchmins d' fier nos rapinse l' eritance di ces trevens la del grosse industreye. ^[2]

Do coste ≪ imprimreye ≫, il est bramint pus tene, magre ses 440 padjes (conte 384 pol prumi). Li papi est pus fen et les caracteres sont pus ptits. Gn a ossu toplin des fotos.

Li cloyaedje da Claude Thaise, prezidint do ≪ Rassamblumint walon ≫ n’ est pus la (come li parti). Li dierin tchaptre dene ossu des noveles del Walonreye di 2012 a 2022.

Gn a on ptit boket sol lingaedje walon sicrit pa Lucien Mahin (p. 384-386). Adonpwis, 20 padjes sol foclore del Walonreye (p. 398-418).

Ont ossu participe pa leus sutis conseys : Alain Colignon, Paul Delforge et Jean Pirotte (cites p. 6). ^[3]

Alere [ candji | candji l’?code wiki ]

Lucien Mahin , ≪Istwere del Walonreye sicrite pa des Walons≫ (pol 2inme edicion do live), Li Rantoele l° 105, bontins 2023.

Hardeye difoutrinne [ candji | candji l’?code wiki ]

• so Wikisourd : Istwere del Waloneye, veyowe pas Walons (papi complet da Yannick Bauthiere e 2012)

Sourdants [ candji | candji l’?code wiki ]

1. ↑ Yannick Bauthiere , Li Rantoele l° 63, ahan 2012
2. ↑ ( fr ) Fen do tecse sol cou-coviete .
3. ↑ Lucyin Mahin , Li Rantoele l° 105, bontins 2023.