Hugo Chavez

Hugo Rafael Chavez Frias (prononci e walon Ougo Tchavesse ) a vnou a monde li 28 di djulete 1954 a Sabaneta, estat di Barinas , ey a morou li 5 di mass 2013 ).

C' esteut li prezidint do Venezwela eyet l' moenneu del revolucion bolivaryinne .

Vicareye [ candji | candji l’?code wiki ]

Imadje:HugoChavez1820.jpeg

(e 2003)

Ses parints, Hugo de los Reyes Chavez eyet Elena Frias estent ambedeus mwaisses di scole , mins il a bramint vike avou s' grand-mame. Di ptit i voleut esse djouweu d' baze-bale , et c' est po coula k' i moussa a l' academeye militare, mins lava i prinda gosse al carire militare. Il a eto sti maryi deus cops et a cwate efants.

I fjha des studiaedjes di syinces politikes a l' univiersite nacionale esperimintale Simon Rodriguez (UNESR), ricuva des medayes sacwants cops eyet ariver a grade di lieutnant-coronel.

E 1982 , i va askepyi catchetmint avou ds otes camaerades li Mouvmint Bolivaryin Revolucionare-200 (MBR-200), on mouvmint di hintche eyet patriyotike. Ci mouvmint saya e 1992 di fe tchaire li govienmint k' aveut saetchi a fizik so les djins; i n' reyussixha nen, mins coula li dna ene foirt grande populariste amon les djins, eyet divni l' 53inme prezidint do payis tot wangnant les votaedjes do 6 di decimbe 1998 , eyet enonder insi l' revolucion bolivaryinne.

Tins di s' prezidince li Venezwela a rfoirci les loyens avou les payis vjhens eyet dins ds otes continints, tot diswalpant des programes socias et di democratijhaedje des institucions.

Li Caracazo [ candji | candji l’?code wiki ]

Al fen des aneyes 1980 , li prezidint venezwelyin d' adon, Carlos Andres Perez , mete en alaedje on paket d' mezeures neyoliberales oblidji pa Fonds Manoyrece Eternaciona (FMI).

Li consecwince di coula ci fourit des rhossaedjes di tos les pris et ene grande malajhiste d' viker, k' ont-st arive l' 27 di fevri 1989 a ene revole populaire a Caracas , kinoxhowe come li Caracazo . C' est adon ki l' prezidint Carlos Andres Perez dene l' ore a l' armeye di reprimer di totes foices les revoles, et i gn ourit des meyes di moirts (on esteme a 3.000 moirts, mins on n' a nen l' nombe egzak, la k' les cadaves ont sti eteres dans des comones fosses). Cist ore la di saetchi a fizik so les djins a leyi on foirt mava gosse dins l' armeye.

L' insureccion do 4 di fevri 1992 [ candji | candji l’?code wiki ]

C' est dzo ciste airance sociale la ki, li 4 di fevri 1992 , on groupe di sodards do MBR-200, emey zels Hugo Chavez, fijha on cop d' Estat siconte di Carlos Andres Perez.

Li cop n' a nen reyussi, et adon Chavez dimande po cazer al televuzion po dmander a ses camaerades di dpoizer les ares, po n' nen k' i gn aye pus di moirts po ren. C' est adon k' i fjha on ptit cazaedje d' ene cencwintinne di segondes ki divna-st istorike; paski po cminci i prinda l' etire responsaviste di cou ki c' esteut passe, cou k' esteut on candjmint avou l' dujhance tradicionele dins l' politike venezwelyinne ki nolu n' ricnoxheut si responsaviste. Et poy, i djha eto ki les sames k' il avent, i n' avent nen polou i ariver, ≪ pol moumint ≫ ( por ahora ).

Coula fjha ki l' peupe venezwelyin veya Hugo Chavez, ki n' esteut nen cnoxhou disk' adon, come on vraiy ero.

Chavez eyet ses camaerades vont esse do cop egayoles al prijhon di Yare, tot ratindant d' esse djudjis.

I gn ourit co ene deujhinme saye di fe toumer Carlos Andres Perez, li 27 di novimbe del minme aneye, mins coula eto fjha berwete. Emey les dimandes di cisse deujhinme saye i gn aveut l' dimamnde di liberer Chavez.

Termetant, li parlumint distitouwa l' prezidint Carlos Andres Perez po hapaedje di cwars publiks.

Li govienmint da Rafael Caldera [ candji | candji l’?code wiki ]

E 1994 , li nou prezidint Rafael Caldera , k' aveut sti vote pask' il aveut sintou les candjmints et promete di liberer les cis k' s' avent revole e 1992, tina s' promesse e cloya l' porces siconte di Chavez et des otes.

On cop libe, Hugo Chavez kiminca a mete so pi on mouvmint politke po fe ene novele consitutcion, li Mouvmint Cenkinme Republike (MVR, cou k' e castiyan si prononce parey ki MBR). I prinda les voyes do payis ey aler tot ava cazer avou les djins, po vey cou k' i vlent ey espliker si ideye di houki ene Assimbleye Nacionale Constitouwante po rbasti on novea cade politike et socia pol payis, tot s' aspoyant so les ideyes do ero d' l' indepindince, Simon Bolivar .

Li victwere di 1998 eyet l' constitouwante [ candji | candji l’?code wiki ]

Azes eleccions prezidincieles di 1998 il est candidat pol MVR, eyet avou l' aspoyaedje di bramint ds otes partis d' hintche (a Venezwela sacwants partis polet aveur on minme candidat); eyet li 6 di decimbe 1998 vo l' la ki wangne lon pa dvant les candidats des deus partis tradicionels COPEI eyet AD ki s' avent partaedji l' pouvwer les 40 aneyes di dvant. Ci fourit l' comince di cou k' on lomreut li Revolucion bolivaryinne .

Come el aveut prometou, i fjha-st on decret po mete so pi on referendom eyet dmander azes djins s' il estent d' acoird di riscrire li constitucion. Come li response fourit pozitive, on vota adon po tchoezi des rprezintants po ene Assimbleye Nacionale Constitouwante, eyet co en ote referendom po saveur si les djins acceptet ou nen l' nouve constitucion, ki fourit-st insi asproveye li 16 di setimbe 1999 .