Li deujhinme croejhade , c' est ene croejhade ki fourit dmandeye pa pape Udjinne III e 1145 a caze do rprindaedje d' Edesse pa les Trouks da Zengui e 1144 . Li conteye d' Edesse , c' esteut li prumi estat catolike ahive tins del prumire croejhade . Adon, c' esteut, rissintiveuzmint, ene grande piete po les catolikes.

Li croejhade ataca e 1147 . Ele finixha e 1149 , et c' est les croejhis k' avit ene dobleure.

Voyaedjajhe [ candji | candji l’?code wiki ]

Voye des Frances et des Djermanikes [ candji | candji l’?code wiki ]

Les Frances et les Almands fijhit l' voye eshonne, li minme ki l' cene del prumire croejhade (pal Hongreye , disk' a Constantinope ).

Les Djermanikes, dizo l' moennance da Conrade III d' Hohenstaufen , arivnut les prumis, mins c' est higne et hagne avou l' impreur di Bizance Manouwel prumi Cominne . I n' vlet nen ratinde les Frances, et roter so Edesse. I s' vont fe rdobler pa les Trouks seldjoukides . Les sorvicants eralet po rescontrer l' armeye francesse.

Li Rwe d' France Louwis VII ^[1] est pus arindjant avou l' impreur bizantin. Et lyi promete di lyi rinde les teritweres k' il areut ravou des muzulmans. I continowe si voye, mins ni vout nen trevatchi li dezert d' Anatoleye, come li prumire crejhade. Seulmint li voye est pus longue, et i s' fwait ratinde pa les Trouks dins les schaveyes di montinne do Mont Cadmosse. Et piede ene parteye di ses omes.

Les deus restant d' armeye, francesse et djermanike, li cwart di cou k' il estent aprume, vont wangni l' Principate d' Antiyotche e batea .

Perlinaedje a Djeruzalem [ candji | candji l’?code wiki ]

Did la, fe l' perlinaedje a Djeruzalem (todi tnowe pa les rwes catolikes do Rweyame crustin d' Djeruzalem ). Louwis VII i avna li 19 di mass. Conrade ene miete apres.

Asteure, gn aveut des otes armeyes crustinnes k' avent arive e l' Sinte Tere . Po cminci, ene flote inglesse , k' aveut, sol voye, essere Lisbone , eyet l' prinde as Mores pol rinde a rwe do Portugal . Mins ces croejhis la n' avent nou tchif, ca l' Inglutere esteut adon dins l' anartcheye.

Adonpwis des Occitans , kimandes pa conte di Toulousse .Mins ci-ci va mori divant d' arivera Djeruzalem. On ameta li conte di Tripoli, et ci herleme la va discoraedji ben des Provincas a porshuve li croejhade.

Concile d' Ake [ candji | candji l’?code wiki ]

Adon ki l' prumire same esteut di rprinde Edesse, li rwe d' Djeruzalem Badwin III d' Djeruzalem et les Timplis vlent ataker Damasse .

Li concile d' Ake , tinou inte les croejhis novea-vnous et l' hote cou d' Djeruzalem (consey des nobes), decida li 24 di djun 1148 di ratropler les foices des croejhis po-z ataker Damasse .

Po les corwaitants arabes, li tchuze di Damasse fourit ene grande flotche diplomatike, ca li veye aveut en acoird di paye avou li rweyame crustin d' Djeruzalem . Ele mostreve ki les catolikes rimagnent leus acoirds. C’ esteut diner des astocas stocaesses al propagande da Norddine Mawmoude po-z enonder li rezistance des muzulmans. ^[2]

Sidje di Damasse [ candji | candji l’?code wiki ]

Loukiz a : Sidje di Damasse di 1148

Les croejhis decidit d' ataker Damasse pa Coutchant , la k' gn aveut toplin des cortis , po-z awe toltins a magni. Arives a Daraya li 23 d' djulete 1148, i fourit atakes pa les disfindeus del veye dizo l' kimandmint da Anour, l' atabeg di Damasse. Ci-cial aveut dmande d' l' aidance a Sayfeddine Rhazi I di Mossoul eyet Noureddine d' Alepe . Les deus vnit diner on cop di spale po rbouter les croejhis eri des murayes di Damasse, evie les cortis la k' il estent tofer li cibe d' atakes a mode di gueriya .

Conrade esta l' prumi a lever l' daxhe (li 28 di djulete 1148).

Shuvance [ candji | candji l’?code wiki ]

Rapoirtaedje des biyokes [ candji | candji l’?code wiki ]

Divant d’ cwiter les cortis d' Damasse, les croejhis metit dins leus saetchs sacwants biyokes did la, et les rplanter e leu payis.

C' est dandjreus did la ki vent l' no walon des biyokes (di l' arabe ≪?????≫, berqouq).

Eyet ossu l' ratourneure "po des biyokes". ^[3]

Riconcwesse espagnole [ candji | candji l’?code wiki ]

Si les Croejhis, des meyes et des meyes, fijhit berwete el Palestene, les sacwants k' alit aidi les rwes espagnols di Bijhe a-z avanci evie Nonne, tot prindant Almeriya ont fwait wangni bramint dpus a l' ideye k' i faleut rprinde des teritweres so les muzulmans.

Pareymint, li flote inglesse ki rprinda Lisbone, po l' ridner, definitivmint, al corone do Portugal .

Gn aveut i des Walons dins l' deujhinme croejhade ? [ candji | candji l’?code wiki ]

Come pol prumire croejhade, li Principate d' Lidje n' i prinda nen part. Neren les conteyes et dutcheyes k' alent divni les Bas Payis bourguignons , ca il estent co Impire Romin Djermanike . Les dutcheyes do Nonne di l' Impire prindit part al croejhade diri Conrade III d' Hohenstaufen . Les cis d' Bijhe moennit des gueres di rlidjon, avou les minme advintaedjes rilidjeus ki les otes, disconte des Slaves. Li manke d' acoird advins di l' Impire poreut motoit espliker pocwe k' les payis walons n' i alit nen. Fat dire ki l' enondance populaire k' aveut yeu leu al prumire croejhade mankeve bramint pol deujhinme.

Tolminme, ca s' pout ben ki des tchuvalis k' i gn a i alit avou l' voyaedje almand, mins sins leu somrin, come les Tchekes et les Polones .

Ridmeure les Tournaizyins . Tournai estant adon conteye di Flande , i shuvit leu conte Tiri d' Alzace , lu-minme aidant si somrin , li rwe d' France. Mins gn ava ossu des Flaminds avou l' flote inglesse. Est c' zels ki ramoennit l' no des biyokes ?

Sourdants [ candji | candji l’?code wiki ]

1. ↑ Sorlon Amine Maalouf (cite pus lon), les cronikeus arabes ni djaznut may do rwe d’ France, mins todi do rwe des Almands, Conrade. L' ote esteut pus magneu d' Bon Diu, et rindu apres s' feme, Yonore d' Akitinne, k' areut yeu des asblawetes avou s' mononke, li conte di Tripoli.
2. ↑ Amin Maalouf Les croejhades as ouys des Arabes , J’ai lu, Paris, 1994, ISBN 2-277-21916-9 , p. 173.
3. ↑ Li Rantoele 79, eri-sajhon 2016