Averowesse ou Ben Rachid (e-n arabe ??? ???, Ibn Rouchd), c' est on filozofe , on teyolodjin , on djurisse , on matematiki et on medcen d' Andalouzeye muzulmane di 12inme sieke . I djazeve et scrire ses ouves e l' arabe, come tos les intelectuwels d' Andalouzeye di ces trevens la.

Il vna a monde e-n 1126 a Cordowe . I mora li 10 di decimbe 1198 a Marakech , mins s' coir fourit revoyi a Cordowe, acpagnte pa Ben Aarabi .

Ses ideyes [ candji | candji l’?code wiki ]

I ristudia l' prumi les scrijhaedjes d' Aristote . C' est la k' i veya ki les ideyes des vis filozofes estent paco distourneyes, et nen todi dins l' minme sinse pa les ratourneus do grek.

Adon, i tuza di fe ene sinteze del pinseye d' Aristote et del rilidjon islamike. Mins c' est adon k' i s' va acweri des rujhes, ostant avou les muzulmans (fizicmint et moralmint) k' avou les crustins (moralmint, bon k' i studient timpesse ses scrijhaedjes).

I va esse metou a l' indecse del Sorbone, metans, pask' i djheut ki les accions des djins morent avou zels. Li riscompinse po s' boune kidujhance ou l' penitince po des males keures, on l' a ddja cial sol tere. ^[1] Ciste ideye la est contrave al cene do dierin djudjmint do crustinnisse et do decidaedje do Bon Diu al moirt di l' islam.

Sourdant [ candji | candji l’?code wiki ]

1. ↑ Ali Ben Makhlouf, dins on responda so ene tchinne di teve arabe, 26 di djanvi 2015.