Artisyince

L' artisyince (on dit eto: medcene veterinaire ), c' est ene syince ki studeye les maladeyes des biesses. Les cis kel parpinset, eyet l' pratiker, c' est, aprume, les artisses .

Dins les scoles di medecene veterinaire, on cminc pa studyi les syines, aprume li biyolodjeye. El deujhinme aneye, on cmince les "syinces soumintreces". A cminci del cwatrinme aneye, on studeye les maladeyes, et fe del pratike.

L' artisse, c' est afeye on medcen , ca i va cweri a trover l' ma k' ene biesse ende sofrixh. Mins c' est eto on cerudjin , ca c' est lu ki va operer les biesses k' i fat drovi po lzes rschaper.

Dins sacwants payis, l' artisse pout esse eto en apoticare , et poleur vinde as cinsis les droukes po les biesses.

Istwere del medcene veterinaire [ candji | candji l’?code wiki ]

Li prumire sicole po-z aprinde les artisses a sti askepieye a Lyon, el France, et strimeye li 10 di djanvi 1762. C' esteut Claude Bourgelat ki l' aveut metou so pas so fotches.

Li prumire sicole veterinaire bedje a sti drovowe divie 1875 a Cureguem , so Anderlek , dile Brussele . Tos les Bedjes, Walons et Flaminds, k' estent po divni artisses, i alent fe leus scoles. Li scolaedje si fjheut e frances. Li tchanson des studiants rimimbere ci tins la :

Quelle que soit la vie

Flandre ou Wallonie,

Dans un regiment ou au milieu des paysans,

On fera la noce,

On roulera sa bosse

Mais qu'on foute le camp de cet ignoble de cet ignoble,

Mais qu'on foute le camp de cet ignoble etablissement.

(Kel vicareye fouxhe cou k' ele vout, / El Flande u el Walonreye, / Dins on redjimint d' sodards u a mitan des payizans / Nos frans l' fiesse / Todi so tchamps so voyes / Mins k' on vude a pus abeye di cisse masseye, di cisse masseye / Mins k' on vude a pus abeye di cisse masseye sicole).

Divie 1935, les Flaminds seront scoles e neyerlandes , et-z ebaguer a Gand.

Divie 1965, li scole veterinaire va divni ene faculte. Come c' est ene sicole di l' Estat, ele si doet raloyi a ene univiersite d' estat, et gn a kel cene di Lidje. Ci sere don tot on tins li "Fak veterinaire di l' Univiersite d' Lidje metowe a Cureguem dile Brussele".

Divie 1980, li fak va ebaguer podbon a Sart-Tilman, po-z aler rdjonde les otes faks di l' univiersite d' Lidje.

Li scolaedje des artisses el Walonreye [ candji | candji l’?code wiki ]

Asteure, po fe veterinaire, i fat reyussi on concour d' intreye (dispu divie 2000). Les scoles duret shijh ans.

Les troes prumires aneyes, k' on lome les candidateures sont shuvowes dins les faks normales a l' univiersite d' Lidje , do Nou-Loven , di l' ULB a Brussele, u as Faks di Nameur . On-z i aprind les syinces djenerales (1ire aneye), pus les syinces veterinaires (2inme et 3inme aneye).

Les troes dierinnes aneyes, k' on lome les doctorats , ni si fjhet k' a Lidje, a l' ULg. On-z i aprind les maladeyes des biesses. Tos les djous a maten, les studiants vont as clinikes. I s' ratroplet pa ekipe, onk di dierin dok (6inme aneye) k' on lome li praticyin , onk di 2inme dok (5inme aneye) k' on lome ploumasse et onk di prumi dok (4inme aneye) k' on lome ploumion .

Avou les noveles lwes d' ecwivalince uropeyinnes, dispu les aneyes 1990, gn a todi dpus di scolis ki vnet di des otes payis d' Urope, aprume del France. End a-st avou disk' al mitan d' ene forneye di studiants.