Jules Vandereuse
, c’ esteut on
rcwereu sol walon
do payis d’ Tchalerwe. Eto on
scrijheu
(e walon, ey e frances sol foclore eyet les otes waloneus). Eto on fel
bouteu pol walon
.
Il a skepyi li
12 d' avri
1873
ey il a morou li
12 di setimbe
1958
.
Onk des prumis ovreus pol
Tonea d' Tchalerwe
, la k' il eplaida toplin des powezeyes et des tchansons e walon, foiravant di 1896 a 1899.
Il aveut askepyi li prumire
soce di scrijheus
do Payis d’
Tchalerwe
e
1898
, et l’ batijhi
Les Wallons d’ Charlerwet
. Mins l' soce n' a dure ki disca 1899.
Mimbe askepieu di l’
ALWAC
e 1908 et prezidint disk' e 1938.
C' est lu eto ki mete so pi li ≪Federacion walone literaire et dramatike do Hinnot≫ (li 19 di djun 1910).
Live so Philippe Sclaubas, sicrit pa Emile Vandereuse
Dins ses rcweraedjes, pus tard, i cachive purade apres les biyografeyes des
scrijheus e walon
. Inte di zels, li cene da
Philippe Sclaubas
.
Divant d’ morou, il a rashonne totes les tchansons da
Djake Bertrand
, et nde fe on live k’ a parexhou apres s’ moirt.
[1]
Il a eto rileve les prumis tecses des scrijheus e walon del
province do Lussimbork
.
[2]
Tos ces studias la sont scrits e frances.
Si prumire pice di teyate, ≪On drole di rindez-vos≫ (
In drole de rendez-vous
), ene comedeye d' en ake, a sti creyeye li 15 di novimbe 1896.
Apres coula, il a co scrit:
- Deus feyes a louwer (
Deux fies a louer
) (en ake, 1899)
- En oxhea po deus tchens (
In ocha pou deux tchens
) (en ake, 1890)
- Ene comere al lotreye (
Enne coumere a l'lotrie
) (en ake, 1901)
- On consey a profit (
On conseil a profit
) (en ake, 1902)
- El gare civike di Foufgniye (
El garde civique di Fouf'gnies
) (en ake, 1903)
- Leyon l' soleye (
Leyon l'soleye
) (en ake, 1905)
- On djou d' eleccions a Foufgniye (
In djou d'elecsion a Fouf'gnies
) (deus akes, 1905)
[3]
On lyi doet ossu on redjarbaedje carolo do
Tchant des Walons
.
- ↑
Les oeuvres wallonnes de Jacques Bertrand
, ALWAC, 1960.
- ↑
Rapport presente au XVIIIe congres de litterature et d’art dramatique wallons
,
Oufalijhe
, les 19 et 20 di djulete 1936.
- ↑
Live Coppe
p. 386-388, la k' c' est Jules Vandereuse lu-minme k' a scrit si prope notule.