Zeeuws-Vloandern is nu e stik van Holland , in de provinsje Zeeland , dat teegn Belgie ligt. Sedert de gemeentelikke herindelienge van 2003 bestoat 't nog uut drie gemeentn: Sluus , Terneuzn en Ulst .

Geschiedenisse en geografie [ bewerkn | brontekst bewerken ]

Tout vo 't joar 1600 was Zeeuws-Vloandern geweune een deel van Vloandern dan d' Hollanders hein bluuvn bezettn tout de Fransche Revolutie . Tussen 1794 en 1815 makte 't deel uut van Oost- of West-Vloandern (Sluus, Cadzand, Breskens). Zeeuws-Vloandern is 't enigste deel van Zeeland da nie an minstens drie kantn an woater grenst.

't Is een belangryk gebied vo 't kanoal Gent-Terneuzn . Ten westn van de Braakman, moar ook in de oostelikke platsn Terneuzn, Axel en Zaamslag zyn de meeste inweuners protestant, dikwils afstammeliengn van West-Vlamsche protestantn die hier in de 17ste eeuwe zyn kommn weunn. Moa d'r weunn ook elders veel menschn met e Vlamschn achtergroundhistorie. 't Is surtout e gebied voe boern. In Philippine kommn veel Vloamiengn mussels eetn. In Sluus en Axel kommn ze voe te shoppen. Terneuzn en Hulst trekkn veel Vlamsche dagsjestoeristn. Deurda veel protestantn trouwdegen met andere protestantn van "over 't woater", is de toale van Zeeuws-Vloandern nu teegnwoordig voe 't grotste deel Zeeuws, moa wel styf beinvloed deur 't West-Vlams, surtout, moa nie ollene, in Sluus en wyde omgevienge.

Ol vanof 1828 is Zeeuws-Vloandern me de reste van Zeeland verboundn gewist deur overzetbootn. Vanof 1866 had de provinsje Zeeland e geregelde dienst me stoombootn. In 1958 kreegn die bootn deur under noamn de bekende lapnoame "prinsessebootn". Hoewel d'Hollandsche regerienge en de Zeeuwsche Stoatn in 1945 beloofd aan van de overzetbootn teminste voe Zeeuws-Vloamiengn gratis te moakn, gienk 't abonnement assan mor dierder kommn. In 1958 dreigde de actiegroep "Vrije Veren" (="Gratis Veerboten") zefs met ofscheidienge van Holland en anslutienge by Belgie os de veren nie were gratis zoun wordn. 't Was d' eeste en vorlopig enigste ki dan d'inweuners van Zeeuws-Vloandern doar serieus mee dreigdn. De pryzn zyn loater pertank toch were verhoogd. In 2003 zyn de bootverbindiengn voer auto's ofgeschaft achter d'openienge van de Westerschelde -tunnel. Ip de verbindienge tusschn Vlissingn en Breskens bluuft er een overzetboot voarn allene voe velo's en voetgangers, en uutgeboat deur Veolia Transport Fast Ferries.

Noamn van stadjes of gemeentjes [ bewerkn | brontekst bewerken ]

• Axel
• Biervliet
• Breskens (Bresjes)
• Clinge
• Cadzand (Kezand)
• Eirdnburg (Aerenburg)
• Groede (De Groe)
• Hoofdploate
• Koewacht
• Oostburg
• Philippine
• Retranchement
• Sas van Gent
• Schoondyke
• Sint Anna ter Mude (Sint-Anna-ter-Mu)
• Sluus
• Sluuskille
• Terneuzn
• Ulst
• Veugelweirde
• Westdorpe
• Yzendyke
• Zuudzande

Toale [ bewerkn | brontekst bewerken ]

In Zeeuws-Vloandern wordt er Zeeuws-Vlams geklapt.

't Woord Zeeuws es nen oudn Middel-Nederlandschn genitiefvorm van zee en wil dus letterlik zeggn: van de zee, an de zee.

Bekende Zeeuws-Vloamiengn [ bewerkn | brontekst bewerken ]

• Den bekendstn Zeeuws-Vloaming is oungetwyfeld Johan Hendrik van Dale , de man van de dikke van Dale. Je weundege in Sluus.
• Emile Buysse , schryver
• Willem van Hanegem , voetboller en trainer

Ofbeeldiengn die ier by passn ku je vien in de categorie Zeelandic Flanders van Wikimedia Commons .

Zeeuws-Vloandern
Gemeentn: Sluus | Terneuzn | Hulst
Provinsje Zeeland | Holland