Veneto
Liggienge van Veneto in Itoalie
Hoofdstad	Venetie
Ippervlak	18.345,35 km²
Inweuners Bevolkiengsdichtheid	4.905.200 (2018) 267,38 inw./km²
President	Luca Zaia (LV?LN)
Provinsjes	6 + 1 metropolitoane stad
Gemeentn	571
Website	regione.veneto.it
{{{foto}}} {{{byschrift}}}

Veneto es e regio in't noord'n van Itoalie me en ippervlak van 18.345,35 vierkante kilomeiters en juuste gin vuuf miljoen inweuners. D'n oofdstad es Venetie .

Veneto grenst in't noord'n an d'ottonome regio Trentino-Zuud-Tirol en vor en kleen stik an Oostnryk (meer bepoald de deelstoatn Tirol en Karinthie ), in't oostn an Friuli-Venezia Giulia , in't zuud'n an Emilia-Romagna en in't westn an Lombardeye . O d'oostkantn van Veneto ligt d'n Golf van Venetie, e stik van d' Adrioatische Zee .

Landschap [ bewerkn | brontekst bewerken ]

In't noordn (meer bepoald in 't stik da teegn Zuud-Tirol en Oostnryk ligt) es Veneto vree bergachtig en liggn der bergn van de Dolomietn en de Karnische Alpn . 't Es ook ier da Cortina d'Ampezzo ligt, wa vree gekend es by alpinistn, skiers en coureurs. D'n meest gekendn berg ier es de Tre Cime di Lavaredo die ip't schee'n me Trentino-Zuud-Tirol ligt.

D'andre stikkn van binn'nland van Veneto liggn in e loagvlakte. Ier liggn ook teffrente groote steed'n lyk Verona en Padua en zyn der teffrente boereveldn woar der ounder and're vele wyn wordt verbouwd. De loagvlakte wordt o de zuudkantn van Padua en Vicenza ounderbrookn deur de kleendere euvelruggn van de Monti Berici en de Colli Euganei.

't Grotste gedeelte van de kust es ingevuld deur de laguun'n in de Golf van Venetie en de delta-moundienge van de Po -riviere. D'n oofdstad Venetie es gebouwd ip eenigte eylandn in de grootste lagune: de Laguna Veneta. An de kuste van de noordoostnkantn van de regio kun je meer zandstrand'n vind'n; ier liggn ook voakbezochte toeristische badploatsn lyk Jesolo, Bibione en Caorle.

Administratieve indeelienge [ bewerkn | brontekst bewerken ]

De regio Veneto es ingedeeld in 6 provinsjes en 1 metropolitoane stad:

Ofbeeldiengn die ier by passn ku je vien in de categorie Veneto van Wikimedia Commons .

{{{ofb_links}}}	Regio's van Itoalie		{{{ofb_groot}}}
Abruzzo ? Apulie ? Basilicata ? Calabrie ? Campanie ? Emilia-Romagna ? Friuli-Venezia Giulia ? Lazio ? Ligurie ? Lombardeye ? Marche ? Molise ? Piemonte ? Sardinie ? Sicilie ? Toscane ? Trentino-Zuud-Tirol ? Umbrie ? Valle d'Aosta ? Veneto