Sigismund

1368-1437
Keizer van 't Hillig Rooms Ryk
Periode 1433 - 1437 Rooms-Duutsche keunienk  : van 1411 Voorganger keunienk: Jobst van Moravie keizer: Karel IV Ipvolger Albrecht II
Keunienk van Hongareye en Krowoasje
Periode 1387?1437 Voorganger Maria van Hongareye Ipvolger Albrecht II
Keunienk van Boheemn
Periode 1419?1437 Voorganger Wenceslaus IV Ipvolger Albrecht II
Voader Karel IV Moeder Elisabeth van Pommern

Sigismund van Luxemburg (ook Sigismund van Hongareye genoemd) (Nurnberg, 15 februoari 1368 ? Znojmo (Moravie), 9 december 1437 ) kwam keurvorst van Brandenburg achter 'n dood van zyn voader keizer Karel IV in 1378 tout 1388 en van 1411 tout 1415.

Je was keunienk van Hongareye en Krowoasje van 1387, Rooms-Duutsche keunienk van 1411, keunienk van Boheemn van 1419, keunienk van Italie van 1431 en keizer van 't Hillig Rooms Ryk van 1433 tout 1437. Je was et latste mannelik lid van et Huus Luxemburg .

Sigismund was de derde zeune van keizer Karel IV en e joungere halfbroere van Wenceslaus (Wenzel van Luxemburg), die zyn voader ipvolgde als Rooms-Duutsche keunienk, moar ofgezet wierd in 1400.

Kruustocht van Nicopolis [ bewerkn | brontekst bewerken ]

Sigismund voeldeg hem al een ende bedreigd in Hongareye deur d'ipkomste van de Turksche Ottomoann langst de Donau en je vroegt doarom hulpe an 't westn. Uutendelik wierd er e coaliesje gevormd van et Christndom van over heel Europa.

Sigismund leidde in 1396 de kruustocht, die gesteund wierd deur paus Bonifacius IX. 't Belangrykste deel van 't leger bestound uut Fransche troepn van 't Hertogdom Bourgondie, angevuld deur andere Europeesche landn. De Fransche zoundn Jan als leider, in de plekke van zyn voader Filips de Stoutn , den hertog van Bourgondie . 't Is doa dat ie zyn bynoame Zounder Vrees kreeg.

In september 1396 kwamt er een ende an de veldtocht deur et verlies van de kruusridders teegn sultan Bayezid I by de Slag van Nicopolis. Zowel Sigismund of Jan zounder Vrees hen de Slag wel overleefd.

Vrouwn en jounges [ bewerkn | brontekst bewerken ]

Sigismund trouwde twi kis. Deur zyn eeste huwelik me Maria, dochter van Lodewyk I van Hongareye , kost ie keunienk van Hongareye wordn. Zy en under baby stiervn in 1395 achter e peirdaccident. Zyn twidde vrouwe was Barbara van Cilli. Met heur haad ie een dochter, Elisabeth van Luxemburg , die loater trouwde me de Habsburger Albrecht II , zyn ipvolger.

Ofbeeldiengn die ier by passn ku je vien in de categorie Sigismund, Holy Roman Emperor van Wikimedia Commons .