Pepeyn I van Aquitanie
| 797
-
838
|
 Denier van Pepeyn I (817-838)
|
 Keunienk van Aquitanie
|
|
|
|
|
Pepeyn I
(
797
- Poitiers,
13 december
838
) was keunienk van Aquitanie. Je was de twidde zeune van
Lodewyk de Vroomn
en zyn eeste vrouwe Irmingard van Haspengouw.
In 814 kreeg Pepeyn 't keunienkryk Aquitanie, dat ook ’t ounderkeunienkryk van zyn voader gewist was ounder de regerienge van
Karel de Grootn
.
In 817 wierd de
Ordinatio Imperii
(Ordenienge van ‘t Ryk) ipgesteld, vo d’ipvolgienge van zyn voader te reegeln. Den oudstn,
Lotharius I
, kreegt de keizerstitel met Italie en ’t ippergezag,
Lodewyk den Duuts
Beiern en Pepeyn hield Aquitanie.
In 822 is Pepeyn getrouwd met Ingeltrude (ook Engelberga, Rigarde, Hringard, of Ringart genoemd), dochter van Theodobert, groaf van Madrie. Z’haan twi zeuns, die stiervn zounder jounges:
- Pepeyn, zyn ipvolger in Aquitanie
- Karel, aartsbisschop van Mainz
De probleemn begostn achter da Lodewyk de Vroomn in 823 nog ’n achterkommertje,
Karel
(den Kletsn) kreeg me zyn twidde vrouwe Judith van Beiern. Ounder heur druk kreeg Karel in 829, ip de ryksdag van Worms, an zyn zes joar ook zyn keunienkryk: Alemannie (Elzas, Zwaabn en Bourgondie). De zeuns kwoamn in ipstand en van 830 wast er constant boel tusschn de broers en under voader en ook tusschn de broers ounder makoar. Ze voerdn den eenn oorloge achter den andern.
In 838 is Pepeyn gestorvn. J’is begroavn in de Sainte-Croix in Poitiers.
D’r kwam e nieuwe erfregelienge en Lodewyk de Vroomn benoemde Karel de Kletsn tout nieuwe keunienk van Aquitanie. Mo den oadel van Aquitanie was nie akkoord en ze verkoozn
Pepeyn II van Aquitanie
, Pepeyn zyn zeune.
't Frankisch Ryk in 814
