Ostende

Dit artikel es geschreevn in 't Ostends , en da zou best ozo bluuvn.

Stad Ostende

Liggienge in 't arroundissement Ostende in de provinsje West-Vloandern
Geografie
Gewest	Vloandern
Provincie	West-Vloandern
Arroundissement	Ostende
Liggienge	{{{nb}}} NB {{{ol}}} OL
Coordinoatn	51°13′NB 2°54′OL
Ippervlak	37,72 km²
Inweuners (Bron: NIS )
Inweuners ? Vintn ? Vrouwn ? Bevolkiengsdichtheid	71.332 (01/01/2018) 48,94% 51,06% 1891,09 inw./km²
Leeftydsipbouw 0?17 joar 18?64 joar 65 joar en ouder	(01/01/2013) 15,50% 59% 25,50%
Buutnlanders	10,26% (01/01/2018)
Weirklooseidsgroad	10,29% (01/10/2018)
Polletiek
Burgemeester	Bart Tommelein ( Open VLD )
Coaliesje	Open VLD , N-VA , Groen , CD&V
Zetels Stadslyste Open VLD N-VA Vlaams Belang Groen CD&V	41 (2019-24) 11 9 7 6 5 3
Deelgemeentn me postcode
Postcode	Deelgemeente
8400 8400 8400	Ostende Stene Zandvoorde
And're info
Zonenummer	059
Poliesjezone	{{{polz}}}
Webadres	www.oostende.be

Ostende is e Belgische stad in de provinsje West-Vloandern . Ze ligt an de Vlamsche Kust . Buutn Ostende zelve, zyn der nog e poar deelgemeentn, Stene , Mariakerke , Raversyde en Zandvoorde . Der weunn in 't geheel oast 70.000 menschen. Roend Ostende liggn de gemeentn Middelkerke , Gistel , Oedeburg en Breenienge . In de Middeleeuwn laag Ostende an den oostkant van e schiereiland, Ter Streep. An de westkant laag Westende en in 't middent laag Middelkerke. De polder achter 't eiland liep allene by springty oender, twee keeren per joar. Deur d'inpolderienge kaamt de Ploate an 't vasteland te liggn.

Verkeer en platsjes [ bewerkn | brontekst bewerken ]

De stad is e belangryk verkeersknooppunt, en et byvoorbeeld nen aavn, e vliegpling en ne jachtaavn. De stoasje van Ostende is ook et endpunt van de tring, dus je moe doar ofstappn, oftewel direct were keern, mo je ku wel direct de kusttram pakkn, want dedien stopt ook an de stoasje. Je kut ook de ottoobus pakkn no de banlieue of een va de buutnlynen no Brugge, Gistel, Oedenburg, Veurne, Ichtegem, Klemskerke, Toeroet, Diksmude, Middelkerke en vele meer. In 't sezoejn kost je vroeger no Ieper en Bellewaerde me de bus, ma in 2012 e ze die liene afgeschaft.

E poar belangryke platsen in Ostende zyn 't Petit Paris ; die name verwyst nog noa de tyd toun da Ostende twetalig was, 't Peerd (Leopold I pling), woa dat er e reusachtig standbeeld stoat van uze eeste keunink en 't Marie-Josepling. In 't centrum van de stad lig et Woapenpling met 'n schone kiosk in 't middn.

Beziensweirdigheedn [ bewerkn | brontekst bewerken ]

Kykt noa Bouwkundig erfgoed in Ostende deel 1 en deel 2

Cultuur [ bewerkn | brontekst bewerken ]

Ostende is ook de stad van artiestn gelik Arno , James Ensor , Leon Spilliaert , Constant Permeke , Gustaaf Sorel, Jef van Tuerenhout en Raoul Servais en entertainers gelik Kamagurka , Herr Seele , Gunter Lamoot , Lucy Loes , Preuteleute , ...

En vergit de Paulusfeestn nie te middn ogustus woar da je veel artiestn uut eign streke kunt zien uptreedn, vooral Lucy Loes trokt doa assan vele volk aze speelde.

J'et ook e ferme hardcore en punkrockscene, bekende groepn van by uus zyn oundermeer Death Before Disco , Dedicted , 7 works en Ladbroke .

De stoeten Ostendenoare , rond de joarn 1980-90 e satirisch weekblad, moa nu en mysterieuzn actiegroep die ’t gemunt et ip de monumentn ter ere van keunienk Leopold II in Ostende. Z'en in 't verleden al e ki zyn and ofgezaagd.

In 't gehucht Raversyde ligt 't Provinciaal Doming Raversyde .

Et boegbeeld van Ostende is De zee va George Grard , het standbeeld voorn het Casino Kursoal , deur de Ostendenoars Dikke Mathille genoemd. In 2005 is't er een discusje gewist of da't standbeeld ip eur oorspronkelikke platse ip de oostellienge moest gezet wordn, moa der was zovele trammelant doarteegn da ze toch moa beslootn en om et te loatn woar dat 't was. Z'en der ook e soorte van bier achter genoemd.

Toale [ bewerkn | brontekst bewerken ]

De tale van 't Ostens scheelt vele met andere dialecten in 't West-Vlams .

In Ostende (lik up vele plekkn an de kust), gebruukn ze in te plekke van de /ee/ de /ee/. Ze zeggn dus nie me men een been in de zee , mo me men een been in de zee (klanke lik de eeste i in illetriek , mor e bitje langer), of lik de twidde e in 't Fransche eleve .

De grotste kenner van 't Ostens is Roland Desnerck . 't Ostens Woordeboek is van em.

Polletiek [ bewerkn | brontekst bewerken ]

De burgemeester van Ostende is Johan Vande Lanotte . Mo in de gemeenteroad zittn der nog bekende gasten, gelik Geert Lambert , me ze groen brilletje, en nateurlik et Jean-Marie Dedecker doar ook in gezetn.