Madagaskar
, officieel de
Republiek Madagaskar
is 'n eylandstoat in den
Indischn Oceoan
, a peu pres 400 km van de kust van Oost-Afrika, gescheid deur de Stroate van Mozambique. Den hoofdstad is Antananarivo. Andere groote steedn zyn Toamasina, Antsirabe, Mahajanga en Fianarantsoa.
Koarte van Madagaskar
Archeoloogn schattn dan d' eeste kolonistn ip Madagaskar arriveerdn in de periode tusschn 350 v.Chr en 550 a.Chr. Ze kwoamn toe me kano's van de Soenda-eylandn
(Maleysischn archipel) in
Zuudoost-Azie
.
In
1817
wierd deur 't inheems Merina-volk 't Keunienkryk Imerina gevestigd in 't Centroal Hoogland. In de loop van tyd wist da keunienkryk groote deeln van 't eyland te verovern.
In
1897
wierd 't keunienkryk Madagaskar deur Fransche troepn veroverd en ingelyfd by
Vrankryk
lyk de kolonie Frans-Madagaskar.
In
1960
kreeg 't land zyn oenofhankelykheyd van Vrankryk. Eeste president was Philibert Tsiranana.
Den ofstand van 't noordn noa 't zuudn is 1.580 km en van 't oostn noa 't westn 579 km. 't Hoogste punt is de Maromokotro, 2.876 meter hoge.
In 't middn van 't eyland ligt 't vulkoanisch gebied Ankaratra. An de westkust ligt e vlakke moerassige kustvlakte. De grotste riviern zyn de Manambdo en de Tsiribihina. Den oost- en noordwestkust en e tropisch klimoat, de centroale hoogvlakte e gemoatigd klimoat, 't zuudn is styf droge. An den oostkust ist er hoast heel 't joar deure reegn. De bergtoppn zyn met ys bedekt.
Madagaskar e soortn plantn en beestn die uniek zyn en die under oenofhankelyk oentwikkeld en van 't vasteland van
Afrika
. De bekendste beestn zyn de maki's, e gevarieerde groep halfoapn die alleene moa voornkommn ip 't eyland.
Andere bekende beestn die alleene moa leevn ip Madagaskar zyn de daggekko's, e geslacht van felgekleurde
hoagedissn
, de komeetvlinder, de steltralln, de tenreks en de fossa of fretkatte, de grotste roofbeeste van 't eyland. Ook leevn der vele soortn
kameleongs
.
De nationale boomn van Madagaskar zyn de baobab en de reyzigersboom. E bekende boom van Madagaskar die weireldwyd in de troopn wordt angeplant, is de flamboyant.
Ip Madagaskar leevn ook e deel unieke
insectesoortn
. Nie uniek, moa wel massoal anwezig is de rooie treksprienkoander die vor enorme
sprienkoanderploagn
zorgt.
De belangrykste bevolkiengsgroep zyn de Malagassiers die van Zuudoost-Azie kommn. Ze vormn meer of 90 percent van de bevolkienge van Madagaskar en ze zyn deurgoans oenderverdeeld in 18 etnische subroepn. De genetische soamnstellienge van de gemiddelde Malagassier vormt e mix van Zuudoost-Aziatische en Oost-Afrikoansche kenmerkn.
De Malagassische toale of Malagasi is van Malayo-Polynesischn oorsproeng en wordt over heel 't eyland gesprooken. De vele dialectn van Madagaskar, die over 't algemeen oender mekoar verstoanboar zyn, valln oender een van de twee subgroepn: Oost-Malagasi, gesprookn langst d' oostelyke busschn en hooglandn, woaroender 't Merina-dialect van Antananarivo, en West-Malagasi, gesprookn langst de westelyke kustvlaktes.
Frans
kwam d' officiele toale binst de koloniale periode, in den tyd da Madagaskar oender 't gezag van Vrankryk kwam. Frans wordt nu surtout gesprookn lyk tweede toale oender de geschoolde bevolkienge en wordt gebruukt vor internationale communicoasje.