Louis VI
, den Dikkn genoemd (Frans: le Gros) of de Vechter (Frans: le Batailleur), van 't
Huus Capet
, (
Parys
, 1 december
1081
? Chateau de la Douye in Bethisy-Saint-Pierre,
1 ogustus
1137
) was keunienk van de Frankn van 1108 tout 1137. Ip 3 ogustus 1108 wierd ie gekroond in de kathedroale van Orleans. Je was bykan 30 joar keunienk en standvastig in conflict met Iengeland over Normandie.
Louis VI was de zeune van
Philippe I van Vrankryk
en Bertha van Holland. Ip 14 april 1129 liet ie zyn oudste zeune Philippe kroonn tout co-keunienk in Reims. Mo Philippe veroungelukte twi joar en zes moandn loater me zyn peird. Je stierf ip 13 oktober 1131.
Louis liet ton zyn twidde zeune
Louis VII
kroonn tout co-keunienk ip 25 oktober 1131, ook in Reims.
Den twiddn moarte 1127 hen de
Erembalds
de
groaf van Vloandern
Karel de Goein
vermoord in de
Sint-Donoaskerke
ip de
Burg
in
Brugge
. Karel de Goein was styf geirn gezien by 't geweun volk en deur zyn ounverwachtn dood en omdat 'n gin jounges haad en dus gin ipvolger, gerakte Vloandern in e serieuze crisis.
Algauwe woarn der verschillige kandidoatn die ansproake kostn moakn vor hem ip te volgn als groaf van Vloandern:
Karel de Goein
in de Sint-Basiliuskapelle van d'
Illig-Bloedbasilieke
(
Burg
,
Brugge
)
Mo Louis VI ha zyn eign kandidoat in gedachtn. Je profiteerde van de chaos en in de verwarrienge gebruuktegt ie zyn recht als leenheere deur de Normandier
Willem Clito
, e zeune van
Robert Curthose
, an te stelln. Azo kost ie van Vloandern e sterkn boundgenoot moakn teegn de
keunienk van Iengeland
,
Henry Beauclerc
.
Willem van Yper betwistte die keuze. Doarip trok Lodewyk VI met e gewoapnd leger noar Yper. D'Yperliengn lietn under binn langs de stadspoortn en ze kostn Willem van Yper vangn. Je wierd ipgeslootn in 't gevang van Rysel.
De 23stn moarte volgde Willem Clito Karel de Goein ip. Vo da Louis VI werekeerde no Vrankryk liet ie nog de moordenoars van Karel de Goein van den hoogste torre van de burcht smytn.
De Bruggeliengn verzettegn under teegn Clito deur zyn anti-Iengelsche polletiek. Economisch kwoamn Vloandern en Iengeland goed overeen, omdat de Vlamsche loaknindustrie Iengelsche wulle verwerkte.
Algouwe begostn z'overal in ipstand te kommn. In Rysel en Sint-Omoars wierdn ze zwoar gestraft. Moar o Clito ip weg was no Gent haan z'under doa voorbereid deur twi machtige heern van
Ryksvloandern
, Daniel van Dendermonde en Ywan van Oalst, te benoemn. Ze voeldn under sterk, want de keunienk van Iengeland haad under beloofd van Vloandern militair te steunn.
Brugge en Gent wildn
Diederik van den Elzas
als under groaf, en ze vochtn verschillige veldsloagn uut. Ip
21 juni
1128
won Willem Clito de
Slag by Axpoele
teegn Diederik van den Elzas, die nog ip tyd kost vluchtn noar
Oalst
.
De regerienge van Willem Clito deurde moar e joar. Ip 27 juli 1128 ist 'n gesneuveld by 't beleg van Oalst. Achter 'n dood van Willem Clito probeerde Willem van Yper were groaf van Vloandern te wordn, mo je verloor van Diederik van den Elzas, die hem in 1133 uut Vloandern verbande en zyn bezittiengn ansloeg. Loater kreegt 'n zyn rechtn ip 't burggroafschap van Yper were.
Diederik van den Elzas volgde Willem Clito ip.
Adelaide van Savoie
Louis VI trouwde in 1115 met Adelaide van Savoie. Zhaan acht jounges:
- Philippe (1116 - † 1131), nie te verwarrn me zyn joungere broere me dezelfste noame.
- Louis VII
(1120-1180), zyn ipvolger
- Henri (1121-1175), eirtsbisschop van Reims
- Hugues (ca. 1122), jounk gestorvn
- Robert I van Dreux (ca. 1123-1188)
- Peter (1126 - 1183),
- Constance (ca 1128-1176),
- Philippe (ca. 1132/1133-1161). Je wierd benoemd tout bisschop van Parys, mo je refuseerde den titel en je bleef eirtsdioakn.
Louis VI haad ook een dochter by Marie de Breuillet: Isabelle (ca. 1101/1104-ca.1175)