Landes (40)
(
Las Lanas
in't lokoal dialekt van Gascogne) es 'n
departement
in de
regio
Nouvelle-Aquitaine
in't zuudwestn van
Vrankryk
. 't Es in ippervlak et twidde grotste Frans departement da in Europa ligt, achter 't departement
Gironde
.
De noame komt van't gelyknoamige busgebied da in de streke ligt. Inweuners van Landes wordn
Landais
genoemd.
't Departement Landes es een van de 83 departementn die gecreeerd zyn binst de
Fransche Revoluusje
, de vierde moarte
1790
. 't Groundgebied dervan bestoat uut e gedeelte van de vroegere provinsjes Guyenne en Gascogne.
Tout 2016 wos't departement ounderdeel van de regio Aquitaine.
Landes grenst an de Fransche departementn
Gironde
in't noord'n,
Lot-et-Garonne
in't noordoostn,
Gers
in't oostn en an
Pyrenees-Atlantiques
in't zuud'n. O de westkantn ligt d'
Atlantische Oceoane
(meer bepoald de
Golf van Biskaje
). De kustlynne wierd de Cote d'Argent enoemd en es redelyk touristisch me datter surtout vele surfers ip afkomm'n.
't Departement bestoat uut twee arroundissementn (Mont-de-Marsan en Dax) en et 15 kantongs en 327 gemeentn. Landes es vree landelyk en eit e leege bevolkiengsdichtheid, dus der zyn gin groote stee'n. De grotste gemeent'n noar inweunertal zyn
Mont-de-Marsan
, Dax, Biscarrosse, Saint-Paul-les-Dax en Tarnos.
