Karel
"Koarle"
van Wijnendaele
(
Toeroet
,
16 november
1882
-
Deinze
,
20 december
1961
) was een sportjournalist en den iprichtr van de
Rounde van Vloandern
.
Karel Van Wijnendaele wier geboorn in
1882
in
Wyndoale
by
Toeroet
ounder de noame
Karel Steyaert
ols vuuvden in de reke van 15 kienders. Ip zyn 14ste moest ie ol goan werkn. Je probeerde vanolles en zelfs
coureur
, de sport die heel ze leven zun passie zoe wordn. Je was stief goed me zyn penne en je schreef vo verschillende gazetten, ounder andre over koersen.
In september
1912
wier de gazette
De Sportwereld
ipgericht, wo da Karl Van Wijnendaele ook journalist by was. Utendelik wiert ie in 1931 zelfs eigenoare van de gazette. Je wier deur iedereen in
Vloandern
geleezn vo de prachtige maniere worip dat ie over koersen schryft. Sommigste noemn em zelfs de nieuwe
Conscience
omdat ie de Vlamse coureurs zo eldaftig kost portreteern. Je zoe zelfs den uutviender zyn van et woord '
Flandrien
'. Ook os De Sportwereld in 1939 deur Het Nieuwsblad overgepakt wier bleeft ie oofd van de sport. Je vount et koersen een maniere vo de Vlamsche ountvoogdinge 't oundersteun.
In
1913
organiserdet ie den eeste Rounde van Vloandrn. De koers moest van de zelfst' allure zyn lik de Fransche klassiekers. Ze gienk over 330 km, passerde de vornamste Vlamse steedn en de Vlamse 'bergn'. Den eeste winnoare was Paul Deman, die 't joar doarip Bourdeaux-Parys woen.
Karel Van Wijnendaele stierft ost ie 79 joar oed was in december 1961. In de zomer van da joar aat ie nog de
Rounde van Frankryk
meegevolgd.