Kaneel
is e
specerye
die gebruukt wordt in de keukn. 't Is de gedroogde binneschors van de kaneelboom
Cinnamomum verum
of
Cinnamomum zeylanicum
, van de familie laurierachtigen (Lauraceae).
Kaneel komt uut Ceylon, nu
Sri Lanka
, 'n eiland vo de kust van Indie. 't Wordt nu ook gekwikt in
Indonesie
,
Madagaskar
, ip de Klene
Antilln
en in
Middn-Amerika
.
Kaneelstoksjes en poeier.
Kaneelboomn wordn teegnwoordig in plantages angeplant omda ze nie t'hoge zoun groein en de scheutn azo gemakkelik ofgesneeen kunn wordn. De schors moe ton twi doagn fermenteern ounder mattn. Doarachter wordt de buutnste en de binnste schors d'r ofgedoan en de reste wordt gekuust en gedroogd in de
zunne
. De schors rolt ton ip. Verschillige stikkn schors wordn in mekoar gestookn en ze vormn tegoare e kaneelstoksje.
Kaneel wordt in China al vermeld 2800 joar v.Chr. en ook in 't oude Egypte wierd 't al gebruukt. Arabische en Fenicische commercantn brochtn kaneel mee nor Egypte ten tyde van de farao's. Ook in den
Bybel
stoat da Mozes 't gebruukte vo zalfolie. In 't begun van de 14ste eeuwe brochtn de
Portugeezn
vo 't eest kaneel mee vanuut Ceylon nor Europa.
Hippocrates klapte al in
500 v.Chr.
van de geneeskrachtige eignschappn van kaneel. Kaneelolie werkt ountsmettend, 't verbetert de deurbloedienge van heel 't lichoam en 't versterkt 't
herte
en de bloedsomloop. 't Helpt ook by moag- en dermklachtn, insectebeetn en by spierkrampe.
Chocola en kaneelpoeier
Kaneel riekt verfynd en zoete moa smakt e bitje bitter. 't Wordt gebruukt in ryspap en in zoete gerechtn lik patisserie, koeksjes, fruutsap, appelcompote, thee en
zeem
. 't Is e belangryk ingredient in
zoetekoeke
, dat ook andere kruudn kan bevattn lik
koriander
,
anys
,
steranys
,
kruudnoagel
,
seenappel
- en citroenpele,
kardemom
,
neutemuskoat
, foelie en piment.
In d'oostersche keukn wordt kaneel gebruukt vo vlees- en visgerechtn en currygerechtn ip smoake te briengn.
Tegoare me steranys, kruudnoagel en kardemom wordt kaneel ook toegevoegd an
gluhwein
.
't Wordt gebruukt in parfums, zepe, wierook, likeur, en in medicyne vo de moage.
- Cassia of Chinees kaneel (
Cinnamomum aromaticum
)
- Padang-cassia of Indonesisch kaneel (
Cinnamomum burmannii
).
Die soortn zyn minder van kwaliteit en scherper van smoake.