Filips de Goein

1396-1467
Hertog van Bourgondie Groaf van Vloandern , Artois en Franche-Comte
Periode 1419 -1467 Voorganger Jan zounder Vrees Ipvolger Karel de Stoutn
Groaf van Charolais
Periode 1405-1433 Voorganger Jan zounder Vrees Ipvolger Karel de Stoutn
Hertog van Broabant, Lothier en Limburg
Periode 1430-1467 Voorganger Filip I van Saint-Pol Ipvolger Karel de Stoutn
Groaf van Henegouwn , Holland en Zeeland
Periode 1432-1467 Voorganger Jacoba van Beiern Ipvolger Karel de Stoutn
Hertog van Luxemburg
Periode 1443-1467 Voorganger Elisabeth van Gorlitz Ipvolger Karel de Stoutn
Voader Jan zounder Vrees Moeder Margaretha van Beiern

Filips de Goein (Dijon, 31 juli 1396 - Brugge , 15 juni 1467 ) was hertog van 't Bourgondisch Ryk .

Territorioale uutbreidiengn [ bewerkn | brontekst bewerken ]

Van 1405 wast 'n groaf van Charolais en j'erfde in 1419 't hertogdom Bourgondie en de groafschappn Vloandern , Artois en Franche-Comte van ze voadre Jan zounder Vrees . Ton et 'n in 1430 't hertogdom Broabant , Limburg en Lothier der zelve by gevoegd en in 1432 't groafschap Henegouwn , Holland en Zeeland . Je was ook markgroaf van Namen van 1429 en hertog van Luxemburg van 1443. J'et da kunn doen deur gebiedn up te koopn, te ervn of e keer etwuk te verovern.

Ofoudienge [ bewerkn | brontekst bewerken ]

Zyn ofoudienge wa e vree schone bedoeninge, want j'ad vele soutjes. Vloandern was in dien tyd toch een van de rykste streekn van Europa. 't Schynt dat'n op een bepoald moment twee procent van de totoale begrotienge et uutgegeevn an schone kleern en stoffn. J'ad ook een kapelle me weireldberoemde musiciens, en je koste ook van tydn ne keer een wandtapytje apprecieern. J'et ook de Orde van et Gulden Vlies upericht en een schoon paleis gebouwd in Dijon en Brussel .

Reloatie mei Vrankryk [ bewerkn | brontekst bewerken ]

Z'n familie wa geen goeie moatjes met de keunienk van Vrankryk , en 't et van tydn ne keer oorlog van gekommn. Z'en zyder ton een alliantie geslootn me de keunienk van Iengeland binst de Ounderdjoarige oorlog . Zyn voadre et Parys kunn belegern moa je wierd tonne vermord deur de Fransche . Filips wa nie zo te doene vor oorlog en j'et tonne een bestand geslootn met de keunienk, woar dat y em e schone party ground et kunn steekn in de Picardie. Je most toun wel bekenn dat de keunink van Vrankryk zyn boas was.

Zyn Vrouwn [ bewerkn | brontekst bewerken ]

Filips was e groot vrouwnliefebber. J'is drie kis getrouwd gewist. Z'n eeste vrouwe was Michelle van Valois , z'n twidde Bonne van Artois en z'n derde Isabella van Portugal . Moa j'ad ook e hele reekse maitresses woa dat 'n minstns zesentwintig bastoards mee ad, w.o. Anton, Cornelis, Filips en David van Bourgondie. En e kroniek uut dien tyd vertelt dat 'n 't embleem van et Gulden Vlies koos omdat 'n smoorverliefd was up e Brugse schone me goudblond oar.

Zyn dood [ bewerkn | brontekst bewerken ]

Filips den Goein es gestorvn up de vichtienstn van 1467 , en heel Brugge was an 't schreemn on ze zyn lyk van 't paleis noar de Sint-Donaaskerke ein gedreegn. Ze voundn 't allemoalle zukke goein da z'em loater Filips den Goein en genoemd.

Erfenisse [ bewerkn | brontekst bewerken ]

Zyn zeune Karel de Stoutn ot allyk minder geduld en j'ad meermoals de Fransche keunink en andere vyandn geattaqueerd, zelfs wanneer Filips nog ertog was. Deur de agressiviteit van Karel zoudt e groot stik van Filips ze ryk verloorn goan.

Ofbeeldiengn die ier by passn ku je vien in de categorie Filips den Goein van Wikimedia Commons .