Filip van Swaabn

1177-1208
Rooms-Duutsche keunienk
Periode 1198-1208 Betwist deur Otto IV Voorganger Hendrik VI Ipvolger Otto van Brunswick
Hertog van Swaabn
Periode 1196-1208 Voorganger Konrad II van Swaabn Ipvolger Frederik II
Voader Frederik Barbarossa Moeder Beatrice I van Bourgondie

Filip van Swaabn (februoari/moarte 1177 - 21 juni 1208 ), van ‘t Huus Hohenstaufn was de joungste zeune van Frederik Barbarossa en Beatrice I van Bourgondie.

Je was Rooms-Duutsche keunienk van 1198 toet 1208. Je was ook markgroaf van Toscane (1195-1197) en hertog van Swaabn (1196-1208). Deurdat ie vermoord wierd in 1208 ist ie nooit gekroond toet keizer.

Achter ’n dood van zyn broere Hendrik VI in 1197, wierd er lange tyd gevochtn tusschn ‘t Huus Hohenstaufn en ‘t Huus Welf vo d’ipvolgienge van de Duutsche troone.

In 1198 woarn der twi keuniengn verkoozn: Filip en de Welf Otto van Brunswick , die de steun van de paus kreeg.

Ip 21 juni 1208 is Filip in Bamberg vermoord deur Otto VIII van Wittelsbach, de paltsgroaf in Beiern, binst den trouw van zyn nichtje gravinne Beatrice II van Bourgondie met hertog Otto van Merania.

Vrouwe en jounges [ bewerkn | brontekst bewerken ]

Filip trouwde in 1197 met Irena, dochter van de Byzantynsche keizer Isaac II Angelos. Z’haan vier dochters:

• Beatrice van Swaabn, getrouwd me keizer Otto van Brunswick
• Kunigonde van Swaabn, getrouwd me keunienk Wenceslaus I van Boheemn
• Maria van Swaabn, getrouwd met Hendrik II van Broabant , zeune van Hendrik I van Broabant
• Elisabeth van Swaabn, getrouwd me keunienk Ferdinand III van Castilie

Ofbeeldiengn die ier by passn ku je vien in de categorie Philip of Swabia van Wikimedia Commons .