Eth
(hoofdletter
Ð
, kleene letter
ð
) (ook
eð
of
edh
, Faeroers:
edd
, Oudiengels:
ðæt
) is e letter die gebruukt wordt in 't modern Yslands, Faeroers en
Oudiengels
(Angelsaksisch). De letter wierd ook gebruukt in
middeleeuws
Scandinoavie
, moa loater vervangn deur
dh
.
In 't Yslands stoat de
ð
vor e dentoale fricatief me stemme, lik de
th
in 't
Iengels
them
of
that
. De letter wordt wel uutgesprookn lik
þ
(thorn), dus zoender stemme, lik in 't Iengels
thick
of
thanks
, met uutzoenderienge ost 'n gevolgd wordt deur e klienker. Geen ein Yslands woord begunt met de letter Ð. Doarom wordt den hoofdletter alleine moa gebruukt ost er e woord helegans met hoofdletters gespeld wordt, lik in ipschriftn.
Os Yslanders de specioale Yslandsche letters wegloatn, lik on z' ip e buutnlands toetsnbord werkn of e vreemde toale schryvn, vervangn ze
þ
deur
th
en
ð
deur
d
of
dh
, byvoorbeeld de voornoame
Þorður
wordt
Thordur
en de plekke Seyðisfjorður wordt
Seydisfjordur
of
Seydhisfjordhur
gespeld.
In 't alfabet van 't Yslands en 't Faeroers komt de
ð
achter de
d
.
In 't Faeroers wordt ð nie an e bepoald foneem toegeweezn, moa surtout vor etymologische reedns gebruukt. Os
ð
voorn
r
komt, wordt 't in e poar woordn uutgesprookn lik [?].
In 't Oudiengels wierd
ð
(ðæt) deur mekoar gebruukt me
þ
(thorn) vo 't Oudiengels dentoal fricatief foneem were te geevn. In 't modern
Iengels
wordn ze nu alle tweie
th
gespeld.