De
kleene zweirdschede
(
Ensis ensis
) is e soorte van
tweekleppige
weekbeestn
uut de familie van de
Pharidae
. Ze leevn ingegroavn in 't
zand
en zyn te viendn vo de kustn van Noordwest-
Europa
.
De twee kleppn van de
schelpe
zyn smal, geboogn, dinne en breekboar. Ze kunn toet tien cm lank kommn. De binnekant van de schelpe is wit met e purperachtige glans. De buutnste loage ('t periostracum) is olyfgroen en de voet is roodachtig.
Ze groavn hunder in, in proper of slibachtig zand ip de zeebodem. Z'hen twee korte sifongs die hunder uutstrekkn toet an 't ippervlak van 't zand. Ze zuugn woater an via een sifong en voern 't of via den andern. Ip die maniere oasemn ze tegelykertyd in en hoaln ze voediengsdeeltjes uut 't woater, die in 't me trilhoarn bedekt slymvlies van de kieuwn terechtekommn en noa de moend wordn gebrocht. De voortbewegienge gebeurt deur middel van woaterdruk. Eest wordt 't lyf gevuld me woater en oender grote druk van de sifong were uutgeperst.
