Liggienge van 't Groafschap Donegal in Ierland
County Donegal
(
Iers
:
Contae Dun na nGall
) is e
groafschap
in 't noordwesten van
Ierland
, geleegn in d' historische provinsje
Ulster
. T'hope met de groafschappn Cavan en Monaghant is 't een van de drie groafschappn in Ulster die geen deel uutmoakn van
Noord-Ierland
. Historisch stoat 't gebied ook bekend oender de noame
Tyrconnell
.
Donegal het 'n ippervlak van 4.841 vierkante kilometer en telt 159.192 (2016) inweuners. Den hoofdstad is Lifford (Leifear) en de grotste stad is Letterkenny (Leitir Ceanainn).
Specioal is da County Donegal moa met een ander groafschap in de
Republiek Ierland
e styf kleene grenze deelt: Leitrim. 't Grotste deel van de grenze wordt gedeeld met drie groafschappn van
Noord-Ierland
: Derry, Tyrone en Fermanagh.
't Groafschap is 't meest bergachtig gebied van Ulster en 't bestoat hoofdzoakelyk uut twee bergkeetns me leege bergn, 't Derryveagh-gebergte in 't noordn en 't Blue Stack-gebergte in 't zuudn, met Errigal (749 meter) den hoogste top. 't Het e diep uutgesleetn kustlyne die nateurlyke loughs (zeeoarms) vormt, waarvan Lough Swilly en Lough Foyle de belangrykste zyn.
Der is e gemoatigd klimoat die gedomineerd wordt deur de Golfstroom, me warme, vochtige zomers en milde natte wienters. Vo de kust liggn twee permanent beweunde eylandn, Arranmore en Tory Island, t'hope me nog e groot deel eylandn met alleene moa tydelyke beweuners. De tweede langste riviere van Ierland, de Erne, komt Donegal Bay binn dichte by de stad Ballyshannon (Beal Atha Seanaidh).
Plekkn met under Iersche noame (Iengels tusschn haksjes):
- An Fal Carrach (Falcarragh)
- Baile an tSratha (Ballintra)
- Bealach Feich (Ballybofey)
- Beal Atha Seanaidh (Ballyshannon)
- Bun Cranncha (Buncrana)
- Bun Dobhrain (Bundoran)
- Dun na nGall, (Donegal stad)
- Gaoth Dobhair
(Gweedore)
- Leifear (Lifford)
- Leitir Ceanainn (Letterkenny)
- Na Cealla Beaga (Killybegs)
