Blauw licht verstrooit meer in d' atmosfeer van d' Eirde, 't is doavan da d' eirde der blaus uutziet vanuut de ruumte
Den
atmosfeer
van d' Eirde is een gaslage round de planete die doa g'houdn wordt deur de zwoartekracht van d' Eirde. Den atmosfeer beschermt 't leevn up eirde teegn 't ultraviolet van de zunne zyn stroaln, verwarmt het uppervlak deur warmte in t' houdn (
broeikaseffect
), en vermindert 't temperateursverschil tusschn dag en nacht. Droge lucht bevat omtrent 78.08 volume%
stikstoffe
, 20.95 volume%
zeurstoffe
, 0.93%
argon
, 0.038%
koolstofdioxide
, en veranderlik' hoeveelheedn woaterdamp (gemiddeld 1%).
Den atmosfeer het een massa van omtrent 5x10
18
kg, woavan dat er drie kart in de leegste 11 km zit. Den atmosfeer wordt olsmoa dinner noarmaote da j' hoger goat, zounder dat er een scherpn ovegank is noa d' interplanetaire ruumte. Ruumtevoarttuugn die were noa d' eirde kommn beginn'n den atmosfeer gewoar te wordn up een hoogte van 120 km.
Samesntellienge van den atmosfeer van d' Eirde. 't Ounderste diagram toogt 't deel van den atmosfeer da gin stikstoffe, zeurstoffe of argon is.
't Grotste deel van de lucht bestoat uut stikstoffe, zeurstoffe en argon, en spoorn van gaze gelik woaterdamp, koolstofdioxide, methoan, stikstofoxide en ozon. Beholve de gaze dryvn der ook nog deeltjies in den atmosfeer, gelik stof, pollen, vulkoanische assche en meteoroidn.
Laagn van den atmosfeere (nie up schoale)
Den atmosfeer va d' Eirde kan ounderverdeeld wordn in vuuf laagn volgens dat de temperateure noar omhoge of oar omlege goat. Van beneen noa boovn zyn die laagn :
- Troposfeer
- De troposfeer is de plekke woardat 't weer gelik da mynder 't kenn'n platseviendt en da 80% van den atmosfeer zyn massa bevat. De troposfeer reekt toet een hoogte van 7 km an de pooln en 17 km an den evenoare, en wordt verwarmd deur d' uutstroalienge van 't eirduppervlak. De tropopause is de grenze tusschn de troposfeer en de stratosfeer.
- Stratosfeer
- De stratosfeer reekt van de tropopause toet an een hoogte van 50 toet 55 km. In tegenstellienge toet de troposfeer nimt de temperateure toe met d' hoogte. De luchtdruk is typisch een duuzendste van den druk an 't eirduppervlak. De stratosfeer bevat ook den ozonlage, die 't leevn up eirde beschermt teegn ultraviolette stroalienge.
- Mesosfeer
- The mesosfeer reekt van de stratopause toet an een hoogte van 80 toet 85 km, woardat de temperateure ofnimt met d' hoogte, en met temperateurn van -100 °C is 't de koudste plekke up eirde. De mesosfeer is normoalgezien de plekke woardan klene meteorietn upbrandn.
- Thermosfeer
- De temperateure nimt toe met d' hoogte van de mesopause toet an de thermopause, die ofhankelik van de zunne-activiteit variert van 350 toet 800 km. In plekkn kan de temperateure 1500 °C bereekn, olhoewel dat da winnig betekent, angezien dat de gazemolecuuln zo verre uut mankaor liggn. 't
International Space Station
he zyn loopboane up een hoogte tusschn 320 en 380 km en ligt vor een groot deel in de thermosfeer.
- Exosfeer
- De butenste lage is zo dinne dan molecuuln vor hounderdn kilometers kunn'n beweegn zounder in botsienge te kommn met andere molecuuln. Den exosfeer bestoat hoofzoakelik uut woaterstoffe en helium.
Binn'n de vuuf hoofdlaagn kommn der nog andere laagn voorn.
- D'
ozonlage
kom voorn in 't leegste deel van de stratosfeer, en bevat 90% van den ozon in den atmosfeer.
- De
ionosfeer
is 't deel van den atmosfeer woarda de molecuuln geioniserd deur 't zunnelicht. 't Belangrykste effect is dat het gebruuk van radio meugelik makt deur dat de radiostroalienge weerkatst wordt in de ionosfeer. De ionosfeer is ook de pleek woardn de auroras (borealis en australis) gevormd wordn.
Zuunelicht is d' energie die d' Eirde ountvangt van de zunne, en stroalt energie uut in 't infrarood. Ofhankelik van de condiesjes kan d' Eirde zunnelicht weerkatstn (o 't zwoar bewolkt is f absorbeern (broeikaseffect).
Os licht deur d' atmosfeer beweegt werkn de fotoonn in up de molecuuln van den atmosfeer in een effect da "verstrooienge" genoemd wordt. Up een bewolkte dag wordn ol de fotoonn vestrooid, binst dat up een kloare dag de lucht blauw is omdat 't blauw deel van 't zunnelicht eest verstrooid wordt. 's Nuchtens en 's avends passeer het licht schuuns deur den atmosfeer, woadeure dat der meer van 't licht verstrooid wordt, en de kleur rood is.
Verschillende molecuuln absorbeern verschillende golflengtn van 't zunnelicht: zeurstoffe en ozon absorbeern bevoorbeeld olle golflengtn beneen 300 nanometers, binst da woaterdamp olle golflengtn boovn 700 nanometers absorbert. Dien absorptie warmt den atmosfeer up, olhoewel dat er ook warmteverlies is deur uutstroalienge.
Grafiek van de deurloatboarheid van d' Eirde zyn atmosfeer vo verschillende golflengtn.
De gecominerde absorptiespectrums van den atsmofeer loatn een een antol vinsters van lege opaciteit open, woavan dat de meest bekendn in 't zichtboar licht te viendn. Der zyn der ook in 't infrarood (~ 10 μm) en vo langere radiogolvn (3 cm - 11 m).
Uutstroalienge
is 't tegenovergestelde van absorptie, waordat een ichaam da warmer is dan zyn omgevienge warmte uutstroalt (
black body radiation
). Noarmaote dat een lichaam kouder is wordt d' uutstroalienge minder energetisch, me langere golflengtn. Azo gift de zunne stroalienge uut round 500 nm, binst dat d' eirde golvn van omtrent 10.000 nm uutstroalt (of infrarode stroalienge). Den atmosfeer, en vorol wolkn, absorbeern vele van dat infrarood zodoanig da je zou kunn'n zeggn dat den atmosfeer as een soarzje werkt.
Geidealiserd zicht van drie grote circuloasjecelln.
Atmospherische circuloasje
is de bewegienge van de lucht up een grote schoale, die t' hope met golfstroomn in den oceoan zorg vo d' herverdeelienge van warmte round de planete.
't Uutgassn vna gaze uut 't inwendige van d' Eirde vormdigde den eestn atmosfeer, di vo 80% uut woaterdamp bestound, 10% koolstofdioxide, 5-7% woaterstofsulfide, en klinder hoeveelheedn stikstoffe, koolstofmonoxide, woaterstof, methoan en inerte gaze. Up 't moment dat d' eirde koele genoeg was vo vloeiboar water te vormn wierd het meeste van 't woater in den oceoan upgevangn, wa da den atmosfeer ryker maktige an d' andere gaazn.
Round 3,4 miljard joar geleen haat der hem een stabieln atsmofeer gevormd die vo 't grotste deel uut stikstoffe bestound. Zeurstoffe die deur d' eeste fotosyntheserende organismn wierd gevormd wierd eest upgebruukt met 't oxideern van upgeloste yzer (Fe(II) toet Fe(III)), en dus was der vo 't moment gin vrye zeurstoffe in den atmosfeer te viendn.
Zeurstofinhoud van den atmosfeer sedert 1 miljard joar geleen
De vormienge van de continentn makte dat een groot deel van de koolstofdioxide in carbonaotgesteentn wierd upgebouwd en doadeuer uut den atmosfeer verdween. Toet an 1,7 miljard joar geleen was der nog moa winnig vrye zeurstoffe in den atmosfeer, moar de vormienge van gelaagde yzerformoasjes (
banded iron formations
) toogt an dat den overgank van een reducerendn noar een oxiderendn atmosfeer up gank was gekommn.