Pekkels (astragaloi) uut Cambodunum (nu Kempten im Allgau)
Pekkeln
is een spel da wer gespeeld me klene klompkes materioal (vroeger stukskes been, nu meestal metoal lik schoakels van een ketting). De klompkes wirn pekkels genoemd. Pekkeln wird nu veel minder gespeeld dan vroegere deur oundermeer den ipkomst van dingn lik computers, gameboys en wii.
Romeins stanbeeld van e misje die an 't pekkeln is.
Pekkels zyn a peu pres tegelykertyd met
teirlienks
upekommn en ze kommn zeker van Azie. Deur de Griekn, die 't spel leerdn kenn in wuk da nu
Turkeye
is, is 't bekend erocht in
Europa
. De Griekn noemdn pekkels
astragaloi
.
Vo't spel is surtout handvoardigheid nodig. Der zyn vree veel verschillige maniern voun et spel te speeln, moar deze wird meest gespeeld in
Vloandern
:
Eerst pakt je oal je pekkels (5 tot 7) in jen hand en smyt je ze in de lucht en probeer je der ip te vangn met de buutnkant van joun hand. A da nie lukt, pakt je geweun een van de ground en smyt je die op en probeerd je em ip te vangn met de buutnkant van joun hand. Die meugd je toun in joun hand pakkn (binnenkant) en ipsmytn en beisn dan die pekkel(s) in de lucht zyn, moej d'andere van de ground roapn en iedere kee ipvangn met de buutnkant van joun hand.
Aj uteindlijk oal jun pekkels ip joun hand it, meugd je beginn an de twidde rounde, van nu voors moej de pekkels nie mir ipvangn met de buutnkant van joun hand, moa je moet ze ipvangn in een specifieke beweginge (richtinge).
De twidde ronde moe je joun pekkels weer ipvangn, moar nu in horizontoale richtinge, da is oal wa moeilikker.
In de derde rounde moe je joun pekkels ipvangn in verticoale richtinge, dit is 't moeilikst van al.
Enigte noamn van spelletjes woarn:
Zoaiers
,
Moaiers
en
Snakkers
.