El walkman xe un łetor de muxicasete crea da Akio Morita , Masaru Ibuka e Kozo ?sone , e prodoto da ła Sony dal 1978 al 2010.

Ła paroła ła xe anca ‘na marca ; el primo exenplar xe sta venduo el 1° łujo del 1979 .

Un inventor todesco, Andreas Pavel , inte’l 1980 ha rivendega de esar el vero inventor, dao che do ani prima el gavaria crea un ogeto granfato simiłe, ciamandoło stereobelt . Dopo svariae visende łegałi inte’l 1999 Sony e Pavel ga ciapa un acordo extragiudisiałe. ^[1]

Storia [ canbia | canbia el codaxe ]

El primo modeło produxesto da Sony xe sta el modeło TPS-L2, de cołor blu-arxento, exatamente cueło inte ła someja, in vendita in Japon dal 1º łujo 1979. Inte’l Regno Unio el prodoto xe sta slansa in un łocałe de Łondra , el Regines, co’l nome de Sony Stowaway , inte’l mexe de majo del 1980 . Inte’i Stati Unii el prodoto xe sta venduo, par un periodo di tenpo curto, soto el nome de Sony Soundabout , par po’ pasar vełosemente a ła marca Walkman. El TPS-L2 de ła Sony gaveva un preso slanso de 200 dołari. El primo Walkman jera baxa so’l Pressman, un rejistrador portatiłe dedica al mondo del business. Pur mantegnendo un aspeto simiłe, paro, el Walkman ga sostituio ła capasita de rejistrar co’ na capasita de reprodusion stereo e ła posibiłita de cołegar do pari de scufie (anca se inte ła confesion ne jera escluxo solche uno). Al posto del tasto de rejistrasion del Pressman, el Walkman gavea un tasto "hotline", che consentiva a do ipoteteghi utenti, che xera drio uxar do pari de scufie, de parlar un co’ l’altro, traverso un picoło microfono incorpora. Inte’l modeło de walkman sucesivo ła dopia usida audio e ła funsion hotline no xe stae pi inplementae. Drioma sviłupai altri tipi de Walkman co’ capasita de rejistrar pi articołae, come ad exenpio l modeło WM-D6C de ła Sony , co’ na cuałita audio conparabiłe a cueła dei łetori da toła. Sto modeło el gaveva de łe picołe łeve par el controło manuałe dei łivełi de rejistrasion. Dae łe so posibiłita de rejistrasion vansa, jera preferio dai xornałisti e dai amanti dei sistemi hi-fi .

A meta dei ani otanta , ła Sony ga produxesto Walkman a presi strabasi (cavando tuto cueło che no xera nesesario sensa prexudegar ła cuałita), cofa el WM-22, che i gavea ‘na bona cuałita audio e i ga segna ‘na nova icona del mondo xovaniłe: el Walkman. Infati, a l'epoca l'idea de poder menar drio tuta ła propia muxega preferia in xiro co’ se jera daseno a l'avanguardia.

Verso ła fin dei ani novanta se ga rejistra ‘na forte flesion de łe vendite, a favor soratuto dei łetori CD portatiłi, e drioman dei łetori MP3 , ła difuxione indrioman ła se ga reduxesto par scałinasion a partir dai ani 2000 co’ ła difuxion dei CD ; el 22 otobre 2010 ła Sony ga anuncia el termene de ła produsion e destribusion del dispoxidivo, ^[2] siben alcune inprexe continue produr version dotae de porte USB par el cołegamento a PC .

Prodoti asociai a ła marca [ canbia | canbia el codaxe ]

So’l prensipio Sony ga atribuio ła marca Walkman ai so łetori de MiniDisc , un formato a cui l'axienda ga credesto tanto. Tutocio łe potensiałita del novo suporto, Sony se ga concentra ecesivamente so’l formato ATRAC , perdendo de vista łe potenzialita del formado MP3 .

Cusii, proando inutilmente de promover so’l marca i so novi Walkman par minidisc, l'axienda ga łasa canpo verto ai so concorenti, prima intra tute Apple , so i altri canałi de ła muxica portatiłe. Ła granda difuxion dei łetori de mp3, primo intra tuti l' iPod , ga evidensia l’eror stratexego de Sony che, de fato, ha perdesto el primato inte’l setor.

Inte’l 2004 se pasa ai modełi de Walkman munii de disco interno e capasi de łexer i mp3, ‘na evidente inversion de rota de l'axienda che no fa altro che evidensiar i erori de ła stratexia presedente. Inte’l 2005 nase ła łinea Network Walkman , veri e propi łetori mp3 co’ radio incorporada e design acativante. Inte’l steso ano, soto marca Sony-Ericsson vien prodoto el primo cełułar Walkman, un tełefonin co’ capacita de reprodusion muxicałe partegołarmente avansae.

Gałarie de imajini [ canbia | canbia el codaxe ]

• 
  Walkman coscufie
• 
  Walkman II
• 
  L'interno de un Sony Walkman II

1. ↑ Sony costretta a pagare i danni al vero inventore del walkman di Giovanni D'Ammassa, da .dirittodautore.it, 14 zugno 2004
2. ↑ Il Walkman va in pensione. Ma il brand verra riutilizzato da www.corrierecomunicazioni.it, 25 ottobre 2010