Victor-Marie Hugo ( Besancon , 26 de febraro 1802 ? Parigi , 22 de majo 1885 ) xe sta un [[scritor |scritor]], [[poeta |poeta]] e [[dramaturgo |dramaturgo]] [[Fransa |fransexe]], considera el pare del Romanticismo in Fransa .

El ga savesto tegnerse łontan dai modełi małenconeghi e sołitari che i caraterixava i poeti del tenpo, riuscendo a acetar łe vicisitudini non senpre fełici de ła so vita par farne esperiensa existensiałe e catare i vałori e łe sfumadure de ł'anemo uman.

I so scriti i xe riva a coersare tuti i xeneri leterari, da ła poexia łirica al drama, da ła satira połitega al romanzo storego e sociałe, susitando consensi in tuta Eoropa .

Biografia [ canbia | canbia el codaxe ]

Ł'infansia [ canbia | canbia el codaxe ]

El xe nato el 26 de febraro 1802 a Besancon inte ła Franca Contea , dove so pare Joseph-Leopold-Sigisbert ( 1773 - 1828 ), conte napołeonico e miłitare de ł'exercito de Giuseppe Bonaparte , el se catava de guarnizon, e el ghe ga tegnu drio, insieme a so mare Sophie Trebuchet ( 1772 - 1821 ) e ai frade Abel-Jospeh ( 1798 - 1855 ) e Eugene ( 1800 - 1837 ), prima a Parigi , po' anca a Napułi e in Spagna : a Napułi so pare el ga rivestio on ruoło decixivo inte ła catura del brigante Fra Diavoło e par questo el xe sta nomina governador de Avełin ; in Spagna ł'otien da Giuseppe Bonaparte el grado de generałe. El xovane Victor el ga senpre mantegnu memoria de sti posti visti da putin.

Dal 1813 tutavia i so genitori i se separa e so mare, insieme al general Victor Fanneau de la Horie, ła se stabiłise a Parigi . Chi Hugo el frequenta el Połitecnico dal 1815 al 1818 , par vołer de so pare, ma ben presto ł'abandona i studi tecnici par dedicarse a ła łeteratura.

El scrive łe Odi , che łe xe sta ła so prima conpoxision łetararia. Insieme ai fradei el fonda el foglio Il conservatore letterario ( 1819 ), e inte ło steso anno el vinse on concorso de ł'Academie des Jeux floraux. El scuminsia po' a frequentar el liceo Louis-le-Grand, e el partecipa ai incontri del Cenacoło de Charles Nodier , cuła del Romanticismo nasente. El scrive po' Odi et poesie diverse ( 1822 ) e tanti altri scriti, fino a Odi e ballate , che i ghe vałe na rendita de miłe franchi da parte del re Luigi XVIII .

El matrimonio [ canbia | canbia el codaxe ]

El 12 de otobre del 1822 el spoxa, inte ła cexa de Saint-Sulpice de Parigi , Adele Foucher, na so amiga d'infansia; a nasara sinque fiołi:

• Leopold ( 16 de lujo ? 10 de otobre 1823 );
• Leopoldine ( 28 de agosto 1824 ? 4 de setenbre 1843 );
• Charles ( 4 de novenbre 1826 ? 13 de marso 1871 );
• Francois?Victor ( 28 de otobre 1828 ? 26 de dicenbre 1873 );
• Adele ( 24 de agosto 1830 ? 21 de apriłe 1915 ), ł'unica a soravivare al pare ma che ła pasara pareci ani inte na caxa de ripoxo a cauxa del so stato mentałe altera.

Ła scoverta, dopo qualche ano, del tradimento de so mujer co ł'amigo de fameja Sainte-Beuve ło ga porta a fare na vita de łibertinajo; so amante par sirca sinquant'ani ła sara Juliette Drouet, on'atora teatrałe conosesta durante łe prove de Lucrezia Borgia , inte el 1833 .

Pare del Romanticismo [ canbia | canbia el codaxe ]

Na svolta epocałe inte ła storia de ła łeteratura ła xe avegnu inte el 1827 , co ła sortia del drama storego Cromwell , considera el manifesto de łe nove teorie romantighe. Inte ła łonga prefasion, Hugo el se opone a łe convension del teatro clasic], tra cui łe tre unita aristotełiche (el contesta soratuto łe unita de tenpo e de łogo) e ł'obligo de bienseance (che esclude asion o anca soło parołe considerae volgari o quotidiane, umiłi), e espone łe so teorie sol teatro e so ła łeteratura in generałe, che el metara po' in pratega inte el drama Hernani , del 1830 , data che segna, convensionalmente, el scuminsio del Romanticismo in Fransa . Ł'Ernani el sara po' meso in muxega e rapresenta da Giuseppe Verdi ( Ernani , 1844 ).

A taca on periodo parecio produtivo par ło scritore: el publica on romanzo, Notre-Dame de Paris , del 1831 , acolto da on grande suceso; racolte de poexie, Łe foje d'autuno del steso ano e I canti del crepuscolo del 1835 ; altri drami, come par exenpio Ruy Blas inte el 1838 . Incontra Hector Berlioz , Chateaubriand , Franz Liszt , Giacomo Meyerbeer ; inte el 1841 el vien ameso a ł' Academie francaise , dove el ocupa el segio numaro 14.

Ła vita połitega [ canbia | canbia el codaxe ]

Inte el 1843 o more tragicamente ła fioła Leopoldine e el xenaro Charles Vacquerie, negandose inte el corso de na gita in barca; Hugo ło vien a saver al rientro da na vacansa, lexendoła sol giornal Le Siecle . Ła tragedia, unia a ł'insuceso del so łaoro teatrałe I Burgravi del 1845 , el ghe ga causa na grave depresion che ło ga tegnu distante dal mondo leterario par diexe ani.

Intanto el vien nomina Pari de Fransa dal re Luigi Filippo d'Orleans . Inte el 1848 el entra a far parte come deputato de ł'Asenblea Costituente, ma el colpo de Stato che inte el 1851 el ga porta al poter Napoleone III el segna el scuminsio del so declino połitego: prima Hugo apoza ł'ełesion del xovane Luigi-Napoleone Bonaparte a łe presidensiałi, ma po ? quando el novo presidente, futuro inperador, el scumensia a ciapare provedimenti anti-łiberałi cuałi ł'abrogasion de ła lexe ełetorałe del 1850 , riduxendo de on terzo i aventi dirito al voto ? el ne ciapa łe distanse; inutiłe el sara el tentativo del Comitato de rexistensa republicana, de cui el fa parte insieme a Schœlcher, par sołevar ła popołasion parigina: a Hugo, strenuo difensor de on regime łiberal, a no resta che ataccarlo co scriti e discorsi contro ła mixeria e łe represion, che łe diventa inte el fratenpo senpre pi intołeranti ^[1] .

Dopo el 2 de dicenbre 1851 , Hugo el deve partir par ł'bando. El parte inisialmente par Bruxelles , po el se trasferise inte ł'ixoła de Jersey e infin a Guernesey , refudajando ł'amnistia proclama da ł'inperador ^[2] .

L'bando [ canbia | canbia el codaxe ]

A ga taca chi a ciapar forma ła somitica figura poetica e ideal de "Pare de ła patria in bando"; i ani pasa a Guernesey i ło rexo cusi famoxo ca ghe arivava letare indirisae a "Victor Hugo ? Oceano". Chi el ga riprexo ła so ativita leteraria inte el segno de ła satira połitega , inte ła racolta de poemi I castighi ( 1853 ), che el ciapa de mira el Secondo Inpero ; el ricordo de ła vita pasa e in particołar de ła fioła Leopoldine ła vien fora inte ła racolta Le contemplazioni ( 1856 ); questi i xe anca i ani de ł'inpegno su un piano pułitego piu alto, idealizzato, che da vita a La leggenda dei secoli (publica in tre parte tra 1859 , 1877 e 1883 ), che ła ripercore ła storia de ł'umanita da ła Genesi al XIX secoło , cusi come a I miserabili , romanzo del 1862 , I lavoratori del mare del 1866 e L'uomo che ride del 1869 .

A partir dai anni sesanta el ga viaja par tuto el Lussemburgo e el xe 'nda drio al Reno , ma inte el 1870 el vien espulso dal Belzo par aver da axiło a dei communard ricerca inte ła cavadal fransexe , el cata rifujo da novo inte el Granducato, par tri mexi, e in seguito a Vianden , Diekirch e Mondorf-les-Bains .

El rientro in patria e ła morte [ canbia | canbia el codaxe ]

El so rientro in patria el xe avegnu el 5 de setenbre 1870 , dopo ła fin de Napoleon III e ł'instaurarse de ła Tersa Republica fransexe : Hugo el xe acolto da na foła aclamante e entuxiastega, e ła so caxa ła diventa da novo posto de incontro tra leterati; fin a ła so morte, el restara on nume tutełare de ła republega restaura.

El riprende in sti ani ła produsion łeteraria col romanzo Novantatre ( 1874 ); el scrive anca poexie, alcune riguardanti ła so vita familiare, come I miei figli ( 1874 ), e altre satirico-połiteghe, come Il Papa ( 1878 ) e Torquemada ( 1882 ), on'opera sol fanatismo de ł' inquixision . Inte el 1876 el ritorna a far part del Senato.

Inte el 1878 el xe colpio da na congestion cerebrałe, mentre i festejamenti par el so otanteximo conpleano ? publicamente cełebra ? i vien ofusca da ła morte de Juliette Drouet. El muore el 22 de majo 1885 ^[3] , e ła so salma ła vien esposta par na note soto ł' Arco de Trionfo e veglia da dodexe poeti, anca se, in otenperansa a łe so ultime vołonta ^[4] , łe exequie łe ga avu łogo inte el corbillard des pauvres ^[5] . El 1° de zugno , dopo aver exita par el simitero del Pere Lachaise , el xe porta al Pantheon apena inaugura.

Opare [ canbia | canbia el codaxe ]

Victor Hugo el xe sta on scritore mai straco; ła so opara ła conprende soratuto conponimenti poeteghi, drami, romanzi, oltre a testi de caratare łeterario, połiteg o fiłoxofego, e a on consistente epistołario. El xe autore anca de pareci disegni.

Poeta [ canbia | canbia el codaxe ]

Primi versi [ canbia | canbia el codaxe ]

Hugo el ga scuminsia a scrivare versi fin da xovane: a vint'ani el publica le Odi , publicae quatro volte tra el 1822 e el 1828 ).

Inte el 1828 , el taca da novo a scrivare dove a vien fora soratuto el mito de Napoleon .

Sucesivamente Hugo el se avisina a ł'exotismo co łe Orientałi , inte el 1829 .

Ła maturita [ canbia | canbia el codaxe ]

Łe racolte sucesive ? Le foglie d'autunno ( 1832 ), I canti del crepuscolo ( 1835 ), Le voci interiori ( 1837 ), I raggi e le ombre ( 1840 ) ? i introduxe i temi magiori inte on quadro oncora łirico: ła dona, Dio, ł'amicisia, ła natura, el potere.

Ł'bando [ canbia | canbia el codaxe ]

El momento de ł'bando el segna na svolta inte ła produsion poetica de Hugo: da ła fuxion tra sublime storico e profondita intima a nase łe grandi racolte come I castighi ( 1853 ) e Le contemplazioni ( 1856 ).

I ultimi ani de vita de Hugo i xe indebołii da na congestion serebrałe che ła ga meso praticamente fin a ła so ativita de scritor anca se a xe continua a vegner fora regołarmente racolte de poemi fati prima, databiłi inte i ani 1850 - 1870 , come La pieta suprema , L'asino , I quattro venti dello spirito , che i ga contribuio a ła so łexenda de scritor mai stufo e inexauribiłe fin ai so ultimi momenti.

Dramaturgo [ canbia | canbia el codaxe ]

A se ghe za dito de come Hugo el gabia da na svolta al teatro, col prołogo al Cromwell e co ła piece Hernani : el ga teorixa e meso in pratega on novo tipo di asion senica, queła del drama , de ła mescołansa dei stiłi tragichi e comichi, alto e basso, sublime e grottesco), che el ga aplica par ła prima volta a vintisie ani, inte el Cromwell apunto ( 1827 ): refudajo de łe convension clasiche come ł'unita de tenpo e de łogo, moltiplicasion dei personaji, dei łoghi, dei registri łenguisteghi... a tal punto che ła piece ? łonga quaxi 6000 versi ? ła risulta masa conplesa e difisil da portar in sena.

El ga avu suceso inte el 1830 , co Hernani , co Lucrezia Borgia , del 1833 ) e fiaschi come Il re si diverte , del 1832 ).

El declin el xe scuminsia inte el 1843 , col flop de I Burgravi che ło induxe a abandonar el teatro.

Romansiere [ canbia | canbia el codaxe ]

Victor Hugo el ga scrito nove romanzi. I ga coerto ł'intiero arco de ła so vita, dal primo, Bug-Jargal , scrito quando che el gaveva sedexe ani, a ł'ultimo, Novantatre . I so romanzi i toca inoltre tuti i xeneri łeterari, senza ca ghe sia posibiłe darghe na definision univoca.

I primi romanzi i nase inte ani del grande suceso de Walter Scott ; ma nonostante che ł'ispirasion primaria ła sia queła del romanzo storego, Hugo no 'l perde mai na serta indipendensa e rełativita dova ca ga senpre sopravento ł'atuałita drio ła storia . A xe cusi in Han d'Islanda ( 1823 ) e in Bug-Jargal ( 1826 ), ma soratuto par el so primo grande capołaoro, Notre-Dame de Paris , del 1831 , afresco de ła Parigi medieval e de ła so catedrałe gotica, che ła riprende dai drami dei stesi anni ła tendensa a ła mescołansa dei stiłi, de registri, a ła conpenetrasion de sublime e grotesco, in particołar inte el personajo de Quasimodo .

Ł'atension ai problemi de ł'attualita sociałe ła ciapa corpo in łote apasionae contro ł'ingiustisia e ł'oscurantismo: L'ultimo di di un condannato ( 1829 ) e Claude Gueux ( 1834 ) i xe inte el steso tenpo romanzi storeghi e sociałi inpegnai inte na łota ? ł'abołision de ła pena de morte ? che ła supera i łimiti de ła finsion. Cusi a xe anca par I miserabili ( 1862 ), che el vien fora intel periodo reałista e che el ciapa da questo pochi ełementi: dal mełodrama al didatico.

Co I lavoratori del mare ( 1866 ) e L'uomo che ride ( 1869 ), ł'autore el se riavisina a ł'estetega romantica dei primi scriti, domina da personaji deformi, mostruoxi, e da na natura spaventoxa. Pi visin a ła storia el xe invezase ł'ultimo romanzo, Novantatre ( 1874 ), che el mete in sena on tema parecio caro a ł'autor: el ruoło fondante de ła Rivolusion fransexe inte ła cosiensa łeteraria, połitega, sociałe e morałe del XIX secoło .

Ła carateristega portante de tuti i romanzi de Hugo ? come in xenerale de quaxi tuta ła so produsion ? ła xe de non fermarse mai a ła senplice piasevołesa: i xe senpre al servisio de on'idea.

Pensador [ canbia | canbia el codaxe ]

Sia inte łe opare poetiche o romansesche, sia inte i testi a se stanti cuałi saji, studi, łetare, Hugo el se bate par on'idea, on'ideołogia połitega, na concesion del mondo.

Ła poetica [ canbia | canbia el codaxe ]

Ła poetica de Hugo ła se esprime traverso łe so opare: sia in poexia, a teatro o inte ł'anbito de ła narasion, el se pol considerar come queło che el ga introdoto el Romanticismo in Fransa ma el xe anca on artista par conto suo, che a no xe posibil clasificar soto na eticheta.

In poesia Hugo el aplica i stesi prinsipi de ła misiansa dei stił; el se bate inoltre par on verso pi libaro, pi naturałe, che el se manifesta inte el refudajo de ła cexura e inte el largo utiłiso de enjambement, oltre che co na spontaneita che ła se rende traverso el frequente canbio de registro stiłistego e łenguistego: in particołar, el se bate par reinserir inte ła poexia tute quełe parole che łe ne gera sta bandie, parche considerae massa banałi, di tuti i di e quindi volgari.

Ła połitega [ canbia | canbia el codaxe ]

A partir dal 1849 , Hugo el decide de dedicar on terzo de ła so opara a ła połitega , on terzo a ła rełijon e on terzo a ła fiłoxofia . El so pensiero el xe severo inte i confronti del so tenpo e de ła societa dove el vive, refudajando tutavia quałunque condana arbitraria e qualsiaxi posision meramente manicheista .

El xe on riformista e el vuria canbiar ła societa: inte sto senso, el denuncia ł'ineguajanza sociałe, e in particolar i siori. Inte el steso modo, el xe contrario a ła viołenza se ła xe pratica contro on governo democratico, ma ła giustifica par tirar zo on potere iłegitimo: par questo inte el 1851 el lancia na ciamada a łe armi ^[6] che paro no ła vegnara suna su.

Riguardo a ła pena de morte, Hugo el xe on abołisionista iriduxibiłe.

Pi in xenerałe, i discorsi pronunciai da Hugo sui grandi temi de ł'attuałita i xe pareci; ła major parte ła xe ragrupa in Ati e parołe , na racolta de discorsi, dichiarasion e testi połiteghi publica tra el 1875 e el 1876 . Tra questi:

• contro el laoro infantil (discorso alla Chambre des pairs, 1847 );
• contro ła mixeria ( 9 de lujo 1849 );
• so ła condision de ła dona (in ocaxion dei funerałi de George Sand , 10 de zugno 1876 );
• contro ł'insegnamento rełigioxo e a favor de ła scoła łaica e gratuita (Discorso a propoxito de ła lexe so ł'insegnamento, 15 de genaro 1850 );
• a favore de ła pace (in ocaxion de ł'apertura del Congreso de ła pace, 21 de agosto 1849 );
• a favore del sufragio universal.

Victor Hugo el se ga espreso anca so ła cołonisasion]] de ł' Algeria , prinsipałe aventura cołoniałe de ła Fransa in quei ani. Se el xe sensibiłe al discorso de ła cołonisasion come civiłisasion ^[7] , el resta comunque sietico riguardo a łe capacita civiłisatore de ła pacificasion miłitare, e ł'individua inte ł'Algeria conquistada on post sfruta par deportarve quei che a se oponeva al colpo de Stato de Luigi Napoleone Bonaparte . A se nota che, riguardo a ła s-ciavitu , za presente inte el precoce romanzo Bug-Jargal (scrito inte el 1818 ) ? dove tutavia el pare condividare i pregiudisi dei so contenporanei a propoxito dei neri ? el mantien on siłensio sorprendente quando ła vien abołia, inte el 1848 , intervegnendo soło par domandare ła grasia de ł'abołisionista statunitense John Brown ^[8] . Ła so vixion poxitiva de ła mision de ł'uomo ła xe condensa inte uno dei so versi pi sełebri:

( VEC )
≪ Cołabora co Dio. Prevedi. Provedi. Ciapa cura. ≫

( fr )
≪ Collabore avec Dieu. Prevois. Pourvois. Prends soin. ≫

? Tutta la lira ? nuova serie , LXVIII, Collabora co Dio

Note [ canbia | canbia el codaxe ]

1. ↑ Par na cronołogia pi conpleta dei avenimenti che i porta al Secondo Inpero, a se veda questa quadro riassuntivo Archivia il 21 de novenbre 2003 in Internet Archive . (in fransexe).
2. ↑ Ati e parołe ? Durante ł'bando , 1859, volume I "L'amnistia".
3. ↑ Ato de morte de Hugo
4. ↑ Cfr. Atti e parole ? Dopo l'bando , 1885, volume I "Morte di Victor Hugo": ≪Il 2 agosto 1883, Victor Hugo aveva consegnato a Auguste Vacquerie, in una busta non sigillata, le seguenti righe testamentarie, che costituivano le sue ultime volonta par l'indomani della sua morte: Io do cinquanta mila franchi ai poveri. Desidero essere portato al cimitero inte el loro carro funebre. Rifiuto l'orazione di tutte le chiese; chiedo una preghiera a tutte le anime. Credo in Dio≫.
5. ↑ Caro funebre dei poareti. Cfr. nota 5.
6. ↑ Cfr. Atti e parole ? Durante l'bando , volume III, "Dichiarazione riguardo all'Impero": ≪Caricare il fucile ed essere pronti≫.
7. ↑ Cfr. el discorso del 1879 in ocaxion de ł'abołision de ła s-ciavitu , intitoła Discorso so ł'Africa .
8. ↑ Ati e parołe ? Durante ł'bando , 1859, volume II, "John Brown".

Altri projeti [ canbia | canbia el codaxe ]

• Wikimedia Commons el detien imajini o altri file so Victor Hugo

Łigamenti foresti [ canbia | canbia el codaxe ]

• Victor Hugo Archivia il 23 de aprile 2007 in Internet Archive .

• ( FR ) Il portale Victor Hugo
• ( FR ) La casa di Victor Hugo a Parigi Archivia il 2 de zunjo 2007 in Internet Archive .

• Victor Hugo disegnatore Archivia il 10 de lujo 2013 in Internet Archive .

• Opere di Victor Hugo

Predecesor:	Segio 14 de ł' Academie francaise	Sucesor:	[[Imajine:|30px]]
Nepomucene Lemercier	1841 - 1886	Charles Marie Rene Leconte de Lisle	I

Controło de autorita

VIAF ( EN )  9847974  · ISNI ( EN )  0000 0001 2120 0982  · El vałore CFIV000163 de SBN no el xe mija bon.  · Europeana agent/base/60386  · LCCN ( EN )  n79091479  · GND ( DE )  118554654  · BNF ( FR )  cb11907966z (data)  · BNE ( ES )  XX874892 (data)  · ULAN ( EN )  500032572  · NLA ( EN )  35212404  · BAV ADV10201285  · CERL cnp01259566  · NDL ( EN ,  JA )  00443985  · WorldCat Identities ( EN )  n79-091479