Steven Paul Jobs ( San Francisco , 24 febraro 1955 ^[1] - Palo Alto , 5 otobre 2011 ) xe sta n'iprenditor e enformatego statunitense.

Biografia [ canbia | canbia el codaxe ]

Xe sta aministrador dełega de Apple Inc. . Xe sta cofondator de Apple Inc. e proprietario de NeXT Computer (po acuisia da Apple al momento del so ridorno dopo circa 12 ani), nonche aministrador dełega de Pixar Animation Studios prima del'acuisto da parte de ła Walt Disney Company. On co, oltre a esar aministrador dełega de Apple Inc. , xe sta menbro del consiłio d'aministraxion de ła Walt Disney Company, de cui xe ła persona fisega col majior numaro de axioni. Xe nodo par gaver fato produre e conosere al grando publigo el primo conputer co mouse e interfacia a icon. Dopo el lanso de Macintosh, el sodałixio Jobs-Wozniak ( Steve Wozniak xera staltro fondator de Apple, insieme a Jobs) se sciolse. In te' 1985 Wozniak laso Apple Conputer par canbiar ativida; Jobs a so volta entro in rota de cołixion co John Sculley, l'aministrador dełega che lui steso gaveva nomina, e anca lo usi da ła Apple. In te' 1996 ła Apple Conputer a xera in crisi; el sistema operativo Mac OS, monta sołe machine Apple, xera ormai obsoleto e l'azienda gaveva necesita de canbiar e ofrir calcossa de novo sol merca. Al'eta de trent'ani decise de rivartir da cao, fondando na nova conpagnia, ła NeXT Computer, co l'obietivo de aviar na nova rivołuxion tegnołoxega. En seguito, ła Apple Conputer contato Steve Jobs e iu xe torna a Apple.

Jobs xe sta clasifiga al primo posto tra i 25 omini d'afari pi podenti del mondo in te'anuałe graduadoria stiłata da ła rivista 'american Fortune par el 2007 , stacando de 6 posixion el so rivałe storego Bill Gates , fondator de Microsoft . ^[2] . Inoltre Jobs xe sta nomina, in te' 2010, omo del'ano dal Financial Times ^[3] .

Nato da mare 'mericana (Joanne Carole Schieble) e da pare sirian (Abdulfattah "John" Jandali, no studente che saria divegnuo pi tardo profesor de sciense politighe), Steve no fu educa dai soi xenitori naturałi, ma xe sta da in adoxion 'pena nado. Xe sta adota da Paul e Clara Jobs, residenti a Mountain View, in te' contea de Santa Clara, in Całifornia . Steve ga na soreła biołoxega pi xovane, Mona Simpson, scritrice de suceso. ^[4]

Xe on sostenitor del Partio Democratego statunitense ^[5] . In te' majo 2007 propoxe Al Gore cofa presidente dei Stati Unii de America . ^[6]

Lu, gaveva xa avuo on prołema al pancreas, e xe sta scoverto che lu gaveva on cancro al pancreas. Cussi afidando pi volte ła guida de Apple, al viceaministrador Tim Cook , in te' 2005 , novamente el 17 xenaro 2011 , xe sta diagnostega n'altra małatia ^[7] .

Xe morto el 5 otobre 2011 .

Ła morte [ canbia | canbia el codaxe ]

Dopo che Steve el ga scoerto inte el 2004 na rara forma de tumor maligno al pancreas, no tanto cussi agresiva de ła forma pi comun, sviłupatoxi inte i 9 mexi presedenti aparentemente sensa sintomi, el vien fato operar a duodenocefalopancreatectomia pa' ła rimosion del cancro. A causa de ła malatia, a Jobs gli vien el diabete de tipo α, e incarico cussita Tim Cook cofa aministrador dełega Apple.

Inte el 2009 paro vien divulgae notisie contrastanti so ła sałute de Steve Jobs, a causa anca de ła so anunsata asensa al Macworld Conference & Expo de genaro. El 20 zugno 2009 vien fora on articoło sol sito internet del Wall Street Journal andove vien spiega che inte el corso del mexe de apriłe 2009, el gheva subio on trapianto de fegato 'inte ła nasion del Tennessee, e che łe so condision de sałude łe jera bone. Apple Inc. ła conferma el so rientro pa' ła fin del mexe de zugno 2009. ^[8]

Par tuto sto periodo Steve Jobs no'l xe mai sałio sol palco del Moscone Center de San Francisco a prexentar novi prodoti par ben do 'olte. Ła prima el 6 de genaro in ocaxion dell'ultema partesipasion de Apple al MacWorld Trade Show de ła caxa editrise IDG, ła seconda l' 8 de zugno pa' ła WWDC 2009. En tuti e do i caxi sol palco xe sałio Phil Schiller, vice-presidente pa' el product marketing a liveło mondiałe, par prexentar tra gli altri, i novi pacheti iLife e iWork, el novo iPhone 3GS e el rinovo de ła linea de MacBook Pro. El 9 de setenbre 2009 Steve Jobs el torna sol palco a prexentar el rinovo dell'intera gama de iPod .

El 17 de genaro 2011 Apple ła dixe chiaramente che Steve Jobs el gheva dimanda on novo conxedo medigo, dixendo che Jobs el saria resta CEO de Apple, continuando a ocuparse de łe prinsipałi question stratexighe, ma sostituio pa' łe question de tuti i di da Tim Cook, el COO de Apple. ^[9] El 2 de marso 2011, in ocaxion dell'evento de prexentasio dell'iPad 2 el conpare sol palco a sorprexa.

El 24 de agosto 2011 se dimixe (sta 'olta definitivamente) da aministrador dełega de Apple dixendo de vułer dimandare al Consejo de Aministrasion ła conferma de Tim Cook cofa so sucesor e novo CEO de Apple. ^{[10] [11]} .

Ła Apple a sto punto ła rilascia na sentita dichiarasion afermando che Jobs el jera morto in seguito a un aresto respiratorio cauxa da on ataco cardiago, a Palo Alto, in California , el 5 de otobre 2011 , a 56 ani, ricordandoło cofa briłante inovador.

Na marea de person famoxe inte i USA i ga riłasia na dichiarasion soła morte de Steve Jobs, intra cui el Prexidente dei USA Barack Obama, el fondator de Microsoft Bill Gates , Bob Iger de ła Walt Disney Company, el fondator de Facebook Mark Zuckerberg, Sergey Brin e Larry Page, fondatori de Google , Tim Cook, CEO de Apple , Meg Whitman, prexidente e CEO de HP, Steve Ballmer, CEO de Microsoft , Choi Gee-Sung, CEO de Samsung, Peter Chou, CEO de HTC Co., Shantanu Narayen, prexidente e CEO de Adobe System, Jong-seok Park, prexidente e CEO de LG Electronics.

De altro tenor łe dichiarasion de Richard Stallman che el ga aferma che ≪nisun el merita de dover morir, [...] ma tuti se meritemo ła fin del'influensa maligna de Jobs sol computing≫ e el ga definio Jobs ≪el pionier del computer intexo cofa prixon tranquiła, proxeta par separar i stolti da ła propria liberta≫. ^{[12] [13]}

Notaxion [ canbia | canbia el codaxe ]

1. ↑ ( EN ) Smithsonian Oral and Video Histories: Steve Jobs Archivia il 5 de disenbre 2006 in Internet Archive .
2. ↑ 25 most powerful people in business , Fortune , dicembre 2007
3. ↑ macity: El Financial Times nomina Steve Jobs personałita del'ano Archivia il 4 de agosto 2012 in Internet Archive .
4. ↑ Mona ga descrito el fradeło cofa on vejetarian asociałe .
5. ↑ ( EN ) NEWSMEAT - Steve Jobs's Federal Campaign Contribution Report newsmeat.com . entrada il 20-08-2007 .
6. ↑ Evans Jonny, Steve Jobs proposes Al Gore for president , in Macworld , 23 majo 2007 , pp. Business. Parametro sconosesto date ignora (forse intendevi data ) ( juto ); Parametro sconosesto last ignora (forse intendevi cognome ) ( juto ); Parametro sconosesto title ignora (forse intendevi titolo ) ( juto ); Parametro sconosesto work ignora ( juto ); Parametro sconosesto first ignora (forse intendevi nome ) ( juto ); Parametro sconosesto accessdate ignora (forse intendevi accesso ) ( juto )
7. ↑ Novi prołemi de sałute
8. ↑ Jobs Had Liver Transplant , WSJ.com. entrada il 25 agosto 2011 .
9. ↑ ( EN ) Press Release: Apple’s Jobs to Go on Leave
10. ↑ Federico Rampini, Apple, Steve Jobs el se dimete e lasa el so incarico de Ceo , la Repubblica , 25 agosto 2011. entrada il 25 agosto 2011 .
11. ↑ ( EN ) Letter from Steve Jobs , Apple Press Info. entrada il 25 agosto 2011 .
12. ↑ Dal sito ufisałe de Richard Stallman .
13. ↑ Jobs, el pare del software libaro ≪Contento che el se ne sia anda≫ , in Repubblica.it . entrada il 7 ottobre 2011 .

Varda anca [ canbia | canbia el codaxe ]

• Apple
• iPhone
• iPod