Łe
Spice Girls
ła ze na
girl band
britanega
che se ga forma inte'l
1994
a
Łondra
. El grupo el ga otenjesto un gran suceso comersiałe, discografego e no, durante ła segonda meta dei
ani Novanta
, tałe da segnar l'
imajinario cołetivo
. A se trata del
grupo femenin
de major suceso de tuti i tenpi, co oltra 100 miłion de dischi vendesti.
[1]
Łe sincue cantanti che łe conpone el grupo,
Melanie Chisholm
,
Geri Halliwell
,
Victoria Adams
,
Emma Bunton
e
Melanie Brown
łe ga reałiza el so
singoło
de debuto,
Wannabe
, inte'l
1996
. Ła canson, restada par sete setimane in sima a ła
classifica
britanega
, ła ga łansa el grupo verso un suceso ben presto definio ≪fenomeno intarnasionałe≫.
[2]
Łe Spice Girls łe ga reałiza in totałe 4
albun
e 11
singołi
. Soto ła guida del so
manager
,
Simon Fuller
, el grupo el ga anpiamente abrasa l'universo del
merchandising
, deventando, anca par cuesto, noto a łiveło globałe: łe Spice Girls łe ga presta i propi volti a
Pepsi
,
Polaroid
e
Sony
, fra i altri.
David Sinclair
,
critico muzegałe
ingleze
, el ga aferma che ≪Scary, Sporty, Posh, Ginger e Baby ze sta i conponenti de un grupo pi conosui globalmente dai tenpi de
John
,
Ringo
,
Paul
e
George
≫ e che el grupo ze sta un fenomeno sosiałe che ga canbia ła muzega popołar e ła cultura muzegałe≫
[3]
.
Dopo ver toca ła sima de łe clasifeghe
britaneghe
e mondiałi, promovesto el bomo ≪Girl power!≫ ('Potere alle ragazze!') fra i zovanisimi e zira parfin un
film
che ha sbanca i i boteghini, tra el
1999
e'l
2001
łe Spice Girls łe ga invia projeti
sołisti
, parałełi a l'inpegno de grupo.
Geri Halliwell
ła ga abandona el grupo inte'l majo
1998
, durando n'inpenjadiva
tournee
mondiałe. Ła riunion de'l grupo, vołesta par darghe el sałudo definivito a i fan, inte'l
2007
, ga visto paro ła partesipasion de l'intiera formasion oizenałe, inpenjada in un tour sełebrativo de 47 date, fra
Europa
,
Canada
e
Stati Unii
.
Ła so sucesiva ezibision cofa grupo ła se ga desvolzesta durando ła serimonia de serada de łe
Ołinpiadi de Łondra inte'l 2012
: A ze sta uno de i apontamenti muzegałi pi "
twittati
" de ła storia
[4]
. Un novo tour inte i stadi inglezi, sensa Victoria Beckham, el se ga dezvolzesto a majo e zunjo 2019.
El grupo el se forma inte'l
1994
, cuando
Bob Herbert
e so fioło Chris i mete un anunsio so'l cotidian ingleze
The Stage
, parche intaresai a crear un grupo pop tuto a'l femenin, so'l modeło de łe
boyband
che spopoła in chel pariodo, cofa i
Take That
. Inte'l marso de'l
1994
, i do i mete el anunsio drioman: ≪Are you street smart, extrovert, ambitious and able to sing and dance?≫ ('Sio sprezudegae, estroverse, anbisioze e capasi de cantar e de bałar?')
[5]
.
Sentinere de toze responde a l'anuncio, ma ne vien sernie soło sincue:
Geri Halliwell
,
Melanie C
,
Melanie B
,
Victoria Adams
e
Michelle Stephenson
. Łe forma cusi un grupo ciama
Touch
[5]
e łe va viver tute insenbre in una caza a
Maidenhead
. Inte i do mezi drio łe Touch łe rejistra vari
demo
ai
Trinity Studios
inte łe visinanse de
Woking
. Drioman, paro, Michelle ła deside de abandonar el grupo par inconprension co i altri conponenti o, come che sostien in tanti, par seitar vanti i so studi.
Suito dopo l'abandon de ła Stephenson, A se serca na sostituta: vien sernia ła dizdotene
Emma Bunton
, drio sujerimento de Victoria. Ła rotura co i Herbert avien inte'l marso
1995
: dełuze da l'atejamento inte i so confronti e in dezacordo so łe sielte artisteghe inposte, łe sincue łe łasa ła Heart Management che łe geveva descoverte. Łe se indirisa a
Elliot Kennedy
e łe se unise a ła 19 Management de
Simon Fuller
[6]
.
Durando l'ista de cheł'ano łe toze łe se propone a numaroze
etichete discografeghe
, e inte'l setenbre de'l
1995
łe firma un contrato co ła
Virgin Records
. Da chel momento, łe taca scrivar
testi
e a
rejistrar
łe canson de'l so
albun de debuto
, vanti de sfondar, l'ista sucesiva.
L'8 de łujo 1996, łe Spice Girls łe publega el so primo singoło,
Wannabe
, in
Europa
; el rełativo
video
entra in rodasion so numarozi canałi muzegałi. Inte l'isteso meze, łe rełasa ła so prima intarvista a
Paul Gorman
,
zornałista
de ła rivista
Music Week
(co ła cuała
Boy George
el ga scrivesto ła so segonda
autobiografia
,
Straight
), inte ła sede prensipałe de ła
Virgin Records
, a
Łondra
. El singoło el vien publega anca inte i
USA
l'ano sucesivo e łe razonze vendite record. Razonzendo infati ła pozision numaro 11 de ła clasifega dei
Billboard Hot 100
, a chel tenpo deventa el pi alto debuto de un artista britanego (o comuncue non merican) inte łe clasifeghe
statunitensi
, batendo el presedente record razonzesto dai
Beatles
co
I Want to Hold Your Hand
[6]
, che gaveva razonzesto ła pozision numaro 12.
Wannabe
razonzara presto anca ła prima pozision inte i Billboard Hot 100, restandoghe par cuatro setimane.
El singoło el deventa un suceso mondiałe, razonzendo el primo posto inte łe clasifeghe de 31 paezi. Contenporaneamente, łe toze łe vien recensie dal zornałe muzegałe
Top of the Pops Magazine
, che ghe confarise a łore i storeghi soranomi:
Ginger Spice
a Geri, parche retegnesta ła pi provocante,
Posh Spice
a Victoria, parch+ senpre atenta a ła
moda
,
Scary Spice
a Melanie B, par el so carater ezuberante,
Baby Spice
a Emma, parche ła ze ła pi zovane e parche ła ga na imajine tanto infantiłe,
Sporty Spice
a Melanie C, parche ła ze ła sportiva del grupo.
El suceso de ła band ze sta par zonta confronta a ła
Beatlemania
[7]
.
El 4 de novenbre 1996, łe Spice Girls, note anca cofa Spice, łe publega el so primo albun, aponto intitoła
Spice
, in
Gran Bretagna
e inte'l resto d'Europa, e el deventa un suceso sensa presedenti. In 'pena sete setimane, el vende 1,8 miłion de copie inte ła soła Gran Bretagna
[8]
, deventando el disco da łe vendite pi vełosi dai tenpi dei
Beatles
. In totałe, el vende 3 miłion de copie inte ła soła
Gran Bretagna
[8]
, el resta al numaro 1 de ła clasifega britanega par 15 setimane (non consecutive), vendendo un totałe de 8 miłion de copie in tuta l'Europa
[9]
. L'ano drio, el
long playing
vien publega inte i USA, indove el deventa el disco pi venduo del
1997
, vendendo 7 miłion de copie e deventando 7 volte
disco de platino
[10]
. Dopo el singoło d'ezordio,
Wannabe
, i altri singołi publegai i ze
Say You'll Be There
e
2 Become 1
, respetivamente vegnesti fora a otobre e a disenbre.
Łe razonze entranbe łe sime de numaroze clasifeghe, tra cui cueła britanega, onde ła
ballad
2 Become 1
ła vinse ła bataja dei singołi del pariodo de nadal. I ultemi estrati da l'albun, inte ła
primavera
del
1997
, i ze
Mama
e
Who Do You Think You Are?
. Łe do canson łe vien fora so un unego singoło
doppio lato A
, che razonze anca eło ła sima de ła clasifega britanega
[6]
, ma no'l vien publega inte i USA, par parmetar de sincronizar łe publegasion sucesive tra l'
Europa
e l'
America
. In partegołar,
Who Do You Think You Are?
vien sfruta par ła canpagna de beneficensa
Comic Relief
. L'isteso ano, łe inagura un novo canałe tv britanego,
Five
. Senpre inte'l 1997, łe Spice Girls łe ze ospiti a l'interno de serti programi itałiani cofa
Domenica in
,
Fantastico
e al
Festival de Sanremo 1997
.
1997-1998: el segondo albun
Spiceworld
,
Spice Girls - Il film
e l'abandon de Geri Halliwell
[
canbia
|
canbia el codaxe
]
El 4 de novenbre
1997
, ezatamente un ano daspo el primo, l'e sta publega el so segondo albun,
Spiceworld
, antisipa dal singoło
Spice Up Your Life
. Co st'altro singoło, el grupo decide de sincronizar i ritmi di publegasion inte i
USA
co'l marca
europeo
, co'l rezultado che ła canson riva in Merica cuando
2 Become 1
el ze ancora tanto programa. L'albun, grasie anca al suceso del primo singoło estraesto, che razonze ła posizision numaro 1 in numarozi paezi, deventa suito un
bestseller
, vendendo 7 miłion de copie in do setimane. Tutavia, łe Spice Girls łe scominsia a risever łe prime critiche, soratuto da l'America, che łe acuza de soraespozision e no łe aprova ła sielta de łe toze de publegar el so segondo albun 'pena 12 mezi dopo el primo.
Nonostante ste critiche, tutavia, el gruppo sevita a esar el grupo pop pi venduo anca inte'l
1997
e inte'l
1998
, ano in cui A vien fora i sucesivi singołi estraesti dal segondo albun,
Stop
e
Viva Forever
, presedesti da ła
ballata
Too Much
, che parmete a łe Spice Girls de vinser el difisiłe marca de nadałe par el segondo ano consecutivo. Tuti i singołi i ga un notevołe suceso e i razonze el Numaro 1 de ła clasifega britanega, via che
Stop
, che se ferma al Numaro 2.
Inte'l zunjo del
1997
, in zonta, łe Spice Girls łe gaveva scominsia a zirar el film
Spice Girls - Il film
(titolo orizinałe:
Spiceworld: The Movie
), direto da
Bob Spiers
, un film indove łore łe interpreta se istese e dove che ze sta raprezenta el spirito del grupo. Venjesto fora inte łe sałe inte'l disenbre del
1997
, el film, che'l recorda el film
A Hard Day's Night
dei
Beatles
par i so contenjui coomici, concuista i boteghin nadałisi, vadanjando, al łiveło mondiale 100 miłion de dołari, intra i incasi sinematografeghi e cuełi provenjenti da łe vendite del film in
VHS
e, drioman, in
DVD
[11]
. Tutavia, el film el riseve tante critiche e 5
nomination
ai
Razzie Awards
, tra cui cueła vinsesta da łe toze cofa ≪pezo atora protagonista≫
[12]
. Ła
cołona sonora
del film ła ze conponesta dai brani contenjui inte'l segondo albun,
Spiceworld
.
El 7 de novenbre
1997
el so
manager
,
Simon Fuller
, da łe dimision, spenzesto soratuto da
Geri Halliwell
e
Melanie B
che in chel pariodo łe par contendarse ła leadership del grupo, par via de dizacordi tra łu e łe toze. Da chel momento, łe toze łe spartise i conpiti par autozestirse:
Mel B
el se ocupa de ła zestion de l'iminente tour,
Geri Halliwell
de ła sponsorizasion,
Emma Bunton
del parsonałe,
Mel C
de ła rezistrasion, de ła sielta dei singołi e de ła distribusion, e
Victoria Adams
del
merchandising
. Inte i primi mezi del
1998
, parte el
Spiceworld Tour
, conposto da 105 date mondiałi, che fa el tuto ezaurio inte łe bilietarie. Inte'l majo del
1998
, in zonta, łe consede na intarvista, inte ła cuała łe dichiara che łe ze za drio preparar el so terso albun, che se saria discosta ase dai presedenti.
Modeło:Cita nesesaria
Poche setimane drioman, invese, Geri no ła se prezentara a łe ulteme do tapee europee del tour, a
Oslo
, in
Norvezia
, e łe altre toze łe zustifega ła so asensa co na grastroenterite, mentre seita farse senpre pi serte łe notisie revardanti l'abandon del grupo da parte de Ginger, voze che łe se reveła fondae el 31 de majo
1998
, cuando Geri Halliwell ła dicharara a ła stanpa: ≪Purtropo A go da confermar che go łasa łe Spice Girls parche ghe gera masa difarense tra de nialtri. A son segura che'l grupo continuara a ver suceso e ghe auguro a łore tuto el mejo≫
[13]
.
Ła notisia ła deventa una de łe pi inportanti revardanti l'intratenjimento de cuel'ano a tal ponto da provocar el croło de łe asion de ła caza discografega EMI.
[14]
. Ła notisia ła fa vełosemente el ziro del mondo; tutavia inte łe setimane sucesive a l'abandon i do albun del grupo i rezistra na inpnenada vertizinoza de łe vendite, ricołogandose entranbi ai primi posti de łe clasifeghe (
Spiceworld
, da setiman venjesto fora da ła
clasifega itałiana dei albun
, el razonzara de balso ła segonda pozision).
(
VEC
)
≪
Dopo l'anuncio, in tuto el mondo A se scumisia a ipotizar na motivasion pi inprofondia, e se fa tanto insistente cueła revardante na ipotetega bataja intra ła Halliwell e
Melanie B
par ła leadership del grupo. Sta ipotezi no ła ze mai sta smentia, njanca da łe
autobiografie
de łe protagoniste e da
Victoria Adams
.
≫
1998-1999: el singoło
Goodbye
e łe prime espariense sołiste
[
canbia
|
canbia el codaxe
]
Łe toze restae, dichiarandose tanto tristi par l'abandon de l'amiga, łe anuncia che no łe desfara el grupo e che łe seitara a łaorar isteso ai stesi projeti, come ła partesipasion al
Pavarotti & Friends
. Tutavia, l'ipotezi de un
albun live
, rezistra dal tour, no'l ga seguito, cusi come no va in porta na rechiesta de cołaborasion co ła
Disney
. Durante el tour merican, łe cuatro łe rezistra el singoło
Goodbye
, che razonze ła sima de ła clasifega de numarozi paezi e deventa el so terso singoło de nadałe al numaro 1, egualiando cusi el record presedentemente otenjuo soło dai
Beatles
. El singoło otien un suceso strepitozo, in partegołar modo in
Canada
, dove che deventa una de łe canson sinboło dei
ani novanta
, restando in sima a ła clasifega par ben 16 setimane.
Ła canson ła gavea come argomento l'abandon de ła Halliwell. Inte'l documentario
Spice Girls - Giving You Everything
, reałiza inte'l desenbre 2007 par ła BBC, Emma Bunton afferma "We talked about Geri leaving with
Goodbye
" ("A gavemo parla de l'abandon de Geri in
Goodbye
").
[15]
Comuncue durante el Reunion Tour del 2007-2008 Geri ła ga canta in tute łe parte corałe de ła canson, cuesto el fa pensar che in realta anca eła ła gavese partesipa a ła conpozision inisiałe del brano
[
Fonte nesesaria
]
. El
1999
el senja l'invio de varie espariense sołiste par tute łe Spice Girls, Halliwell incluza. Mel C, ad ezenpio, ła publega, el 18 de otobre de cuel'ano el so primo albun, intitoła
Northern Star
, el cuało el otien un otimo suceso comersiałe e el ga vendesto suparzo 4.000.000 de copie in tuto el mondo.
1999-2000: el terso albun
Forever
e el siolimento provizorio
[
canbia
|
canbia el codaxe
]
Ła łaorasion del terso albun, par cui A vien coinvolzesti i pi blazona
produtori
R&B
mericani (
Rodney Jerkins
e
Jimmy Jam
&
Terry Lewis
, fra i altri), ła inisia ofisialmente inte l'agosto del 1999, ai Abbey Road Studios de
Łondra
, mentre a desenbre, come a suplire ła mancansa del cuarto singoło de nadałe, łe toze łe intraprende un mini-tour, denomena
Christmas in Spiceworld
, che fa el tuto ezaurio, cofa el presedente. Dopo alcuni dischi sołisti (tuti pitosto fortunai, ma non al łiveło dei sucesi de grupo) e n'altro
Brit Award
a ła cariera par el contributo a ła muzega britanega inte'l mondo (łe ghe n'a vinsesti in tuto 4), el 6 de novenbre del
2000
, łe Spice Girls łe publega el so terso albun,
Forever
, preseduo da'l singoło
doppio lato A
Holler
/
Let Love Lead the Way
. Al contrario de l'albun, che'l gavara un suceso desizamente infarior respeto ai presedenti łaori, el singoło el otien un bon suceso, parmetendoghe a'l grupo de azudegarse el nono singoło al Numero 1 so i primi 10 publegai.
L'albun el viene scarsamente promovesto da ła stesa band, che ła se divide par prezentar el łaor contenporaneamente in vari continenti; par ezenpio, Emma e Victoria łe prmove el disco in
Nord Merica
, mentre łe do Melanie łe ło publisiza in
Europa
. L'albun el vende 'pena 4 miłion de copie, un rezultado netamente infarior respeto a łe vendite dei presedenti long-playing. Non a cazo, i singołi sucssivi, za pianifegai par ła publegasion,
Tell Me Why
,
Weekend Love
e
If You Wanna Have Some Fun
, no i usira mai, a cauza de'l sscarso intarese de łe tosze a seitar el projeto Spice Girls, doramai inpenjae so altri fronti, onjuna seguindo ła propia strada. Alcune copie promosionałe de sti singołi mai reałizai i ze tutora in sircołasion e i ze sojeti da cołesionizmo. Inte'l desenbre del 2000, łe conponenti łe anunciano un siolimento "a tenpo indetarmina" par consentrarse so łe propie cariere sołiste, sotołineando che ła separasion no ła ze definitiva.
2007-2008: ła reunion, el
Greatest Hits
e'l
The Return of the Spice Girls
[
canbia
|
canbia el codaxe
]
A partir dal
2005
, A scominsia a sircołar voze so na posibiłe reunion del grupo. In ocazion del
Live 8
,
Bob Geldof
el gaveva invita el grupo a partesipar a l'evento, ma
Melanie B
ła gavea nega ła so disponibiłita par inpenji tełevizivi. Inte'l łujo del
2007
, łe Spice łe jera sta invitae anca al
Concert for Diana
, in memoria de ła prensipesa
Diana Spencer
, ma anca in st'altra ocazion el grupo no'l partesipa, par via de ła graviansa de
Emma Bunton
. Inte l'isteso pariodo, paro, A se riva a un acordo e el 28 de zunjo
2007
A vien anunsia ła reunion.
Spetando l'usida del novo albun, i fans del gruppo i organiza na mobiłitasion so
Internet
, co'l nome de "Stop to the Top", che'l se pone l'obietivo de portar al numaro 1 de ła clasifega britanega el singoło
Stop
, venjesto fora inte'l
1998
, l'unego a non aver razonzesto ła prima pozision in cueła clasifega. I fans de tuto el mondo, inte ła setimana dal 2 a l'8 de łujo, i descarga el brano da tuti i siti de download, che i vien conteazai insenbre a e vendite fizeghe par stiłar ła clasifega britanega. L'inisiativa paro ła fałise, portando el singoło soło a ła pozision Numaro 78.
El 9 de novenbre
2007
A vien publega ła prima rancura de łe Spice Girls, senplisemente intitołada
Greatest Hits
, che ła contien łe canson de major suceso del grupo e do inediti:
Voodoo
e
Headlines (Friendship Never Ends)
, singoło estraesto da l'albun e publega in download el 5 de novenbre. El brano el ze na bałada, conpanjada da un video che'l ze sta censura da ła BBC, poiche el retraeva łe sinque cantanti in atejamenti sexy. El singoło, publega pochi zorni dopo anca inte i negosi, el ze sta abina a ła raprezentasion de benefisensa
Children in Need
e tuto el recavado el ze sta devołesto in benefisensa. L'acołiensa dei fans ła ze sta comuncue tanto tivia: el singoło infati non soło no'l ze riusio a eguałiar i record dei presedenti, ma el se ga pozisiona soło undezezemo inte ła chart dei singołi britaneghi, non riusindo njanca ad entrar inte ła top ten. Mejo sorte ła ze tocada a l'albun, disco de platino inte'l Renjo Unio e in
Austrałia
(dove e Spice łe ga razonzesto ła sima par ła prima volta) e d'oro inte i USA, Canada,
Braziłe
e
Nova Zełanda
, vendendo inte'l mondo sirca 2 miłion de copie. In Itałia, el singoło el ga razonzesto ła segonda pozision (sima pi alta inte'l mondo insieme a ła Spanja), mentre l'albun el se ga pozisiona ła prima setimana a ła vintezema pozision.
A conpanjar l'usida de l'albun, łe Spice Girls łe se ga ezibie in un tour mondiałe, denomena
The Return of the Spice Girls
, che'l ze partio el 2 de desenbre
2007
da
Vancouver
e el se ga reveła el vero trionfo de 'sta riunion. Tutavia el sito ofisiałe de łe toze el ga rełasa, in data 1º de febraro
2008
, un comunega indove A venjiva dirama ła desizion de antisipar ła fine del tour al 28 de febraro, scansełando de fatto łe date de
Sud Amerega
e
Azia
, e zontandoghene de nove inte i Usa e in Gran Bretanja. El
The Return of the Spice Girls
tour
, inisialmente conponesto de 11 date, grasie a ła altisima rechiesta da parte de'l publego che traverso el sito ofisiałe el proava de vadanjarse un bilieto, el ze sta zlarga fin a tocar ben 47 date, i cui bilieti i ze andai łetaralmente ezaurii, a tal ponto da stabiłir un novo record grasie a ła prima tapa łondineze devenjesta sold out in sołi 38 segondi e da esar deventa el segondo tour pi łucrozo de'l 2007.
Inte'l pariodo de Nadałe, łe Spice Girls łe ga riprendesto a vestir anca i pani de
testimonial
, 'sta volta de ła nota caena ingleze de suparmarca
Tesco
. A ze venjeste fora do varsio de'l spot, inte łe cuałe łe Spice, in tenjua de nadal e in formaado famejar, łe zoga so i so rołi co spontaneita e co na bona rata de autoironia. Inte'l marso
2008
, Melanie C ed Emma łe ga riitra, inte ła serimonia de consenja dei
Capitol Awards
, el premio cofa icone de tuti i tenpi. El 2 de apriłe
2008
, dopo setimane de inativita, el sito ofisiałe de'l grupo l'e sta ajorna, co ła notisia che no A venjara publega nesun DVD de'l tour mondiałe. 'Sta notisia ła ga porta serti siti, come
Facebook
,
Bebo
e
YouTube
, a firmar na petision mondial par ła distribusion de ła varsion DVD. El 3 de zunjo
2008
, Mel B, Emma e Geri łe ga prezensia ai
Glamour Award
, organizai da l'
omonema rivista
, par ritirar el premio cofa mejo grupo de l'ano.
El 19 de setenbre
2008
łore łe ga resevesto el premio par el Mejo Concerto de Ritorno de'l 2008 al Live Vodafone Music Awards, batendo grupi come i
Led Zeppelin
e i
Sex Pistols
. El premio el ze sta ritira da Emma Bunton.
The Return of the Spice Girls
el ze sta premia anca inte ła categoria
Top Boxscore
da l'edision 2008 dei
Billboard
Touring Awards
.
[16]
Ancora n'altro premio el ze sta vinsesto da'l grupo ai
BRIT Awards
inte'l
2010
, cuando che ghe ze sta asenja a łore ła vitoria inte ła categoria speciałe "Mejo performance ai BRIT Awards dei ultemi trent'ani".
[17]
2010-2012:
Viva forever
, el musical e l'ezibision a łe Ołinpiadi 2012
[
canbia
|
canbia el codaxe
]
El 21 de zenaro 2010,
Judy Craymer
, creadora de'l musical e de'l film
Mamma mia!
, baza so łe canson dei
ABBA
, ła ga riveła de esar al łaoro a un musical so łe Spice Girls intitoła
Viva forever
, cofa el titoło de una de łe canson de'l grupo.
El musical el ze sta pensa non come na sełebrasion de łe sincue toze, ma el propone na storia nova bazada so łe canson de'l grupo e co un cast che'l venjara desidesto da łe sincue cantanti.
[18]
[19]
Ła senejadura ła ze sta afida a Jennifer Saunders, che ga za cołabora in pasa co'l grupo. Ła prezentasion ofisiałe ła ze avenjesta el 26 de zunjo 2012 inte l'hotel łondineze St. Pancras (indove che se A ga zira el video de
Wannabe
), mentre ła prima de'l show l'11 de desenbre 2012. Ad entranbi i eventi ga partesipa łe sincue toze de'l grupo.
El 12 de agosto
2012
łe Spice Girls łe se riunise par cantar a ła serimonia de serada de łe Ołinpiadi che łe se ga zvolzeste a Łondra. Le cantanti si esibiscono con due dei loro piu grandi successi:
Wannabe
e
Spice Up Your Life
, davanti ad oltre un miliardo di telespettatori in mondovisione; e uno degli eventi piu twittati della storia.
[20]
2018-in corso: da novo co Simon Fuller, el novo tour e
Spice25
[
canbia
|
canbia el codaxe
]
Inte'l febraro 2018 łe Spice Girls łe ga dirama, prima so
Instagram
e po' traverso un comunicato stanpa, ła notisia de esar tornae a vałutar "nove oportunida" par el grupo, dopo che łe se ga riunie e che łe ga firma tute e sincue un contrato co el so manager orizenario,
Simon Fuller
. L'obietivo dichiara da'l grupo el ze cueło de "continuar a trazmetar, anca a łe future zenerasion, el nostro mesajo de empowerment femeniłe".
[21]
[22]
[23]
Inte'l novenbre 2018 el grupo el ga anunsia un novo tour dei stadi inglezi, che'l se dezvolzera a majo e zunjo 2019, ma che no A vedara ła partesipasion de Victoria Beckham. Łe date de'l tour, che łe ciapa rento tre serade a'l
stadio de Wembley
, łe ze andae ezaurie in pochi menuti.
El 13 de zunjo 2019 A ze sta riferio che el presidente de ła
Paramount Animation
Mireille Soria ła ga da el via łibara a un film d'anemasion baza so'l grupo, co el ritorno de tute e sincue łe conponenti. El film reimaginara el grupo come suapareroine e el gavara, oltra a nove canson, anca i sucesi de'l pasa.
[24]
Par sełebrar el 25º aniversario de
Wannabe
, inte'l łujo 2021 A ze sta publega un EP de'l singoło de debuto de'l grupo che includeva demo inedite. El 1º de setenbre 2021, łe Spice Girls łe ga anuncia na spesiałe riedision de
Spice
par sełebrar el vintisincuenio de'l grupo, da'l titoło
Spice25
. Ła ristanpa comemoradiva, publegada el 29 de otobre 2021 co drento remix, demo e brani inediti,
[25]
el ga razonzesto el 5º posto inte ła clasifega
clasifega britanega dei albun
.
[26]
Ex Conponenti
- ↑
Spice Girls has sold over 100 million records worldwide:
- Ginger leaves the Spice Girls; langue=en; annee=2008
of which 80 million records between 1996 and 1998
- ↑
Haywood, John. In tutto, hanno venduto oltre 100 milioni di copie dei loro album.
Citazione di ≪fenomeno internazionale≫ come 'international phenomenon'
Archivia
il 3 novembre 2012
in
Internet Archive
.
.
Billboard
. URL consultata il 22 giugno
2007
.
- ↑
Sinclair, David (
2004
),
Wannabe: How the Spice Girls reinvented Pop Fame
,
Londra
, Omnibus Press, p. X.
ISBN 0-7119-8643-6
.
- ↑
(
EN
)
Spice Girls break Tweets-per-minute record at #London2012 - Our Social Times - Social Media for Business
, in
Our Social Times - Social Media for Business
, 14 de agosto 2012.
entrada il 10 de setenbre 2018
.
- ↑
5,0
5,1
BBC News.
Just an ordinary couple?
.
British Broadcasting Corporation
. URL consultata il 25 dicembre
2007
.
- ↑
6,0
6,1
6,2
The Spice Girls; Cripps, Rebecca; & Peachey, Mal (
1997
),
Real Life: Real Spice - The Official Story
,
Londra
, Zone Publishers.
ISBN 0-233-99299-5
- ↑
Dawson, Ryan. Cambridge University.
Beatlemania and Girl Power: An Anatomy of Fame
Archivia
il 20 settembre 2006
in
Internet Archive
.
- ↑
8,0
8,1
BPI.
Database certificazione vendite UK
. BPI=British Phonographic Industry. URL consultata il 10 marzo
2006
.
- ↑
IFPI.
Certificazione vendite europee per l'album
Archivia
il 6 marzo 2006
in
Internet Archive
.
Spice
. IFPI=International Federation of Phonogram and Videogram Producers. URL consultata il 10 marzo
2006
- ↑
RIAA.
Database certificazione vendite USA.
Archivia
il 28 de febraro 2007 in
Internet Archive
.
RIAA=Recording Industry Association of America. URL consultata il 10 marzo
2006
.
- ↑
Sito ufficiale Spice Girls
Archivia
il 21 agosto 2009
in
Internet Archive
.
. URL consultata il 23 novembre
2007
.
- ↑
IMDb.
Spiceworld: The Movie
awards
. IMDB=The Internet Movie Database. URL consultata il 12 marzo
2006
.
- ↑
BBC News.
Articolo che conferma la partenza di Geri Halliwell
. BBC=British Broadcasting Corporation. 31 maggio
1998
. URL consultata il 17 novembre
2007
.
- ↑
Articolo in cui si parla di un sondaggio in cui la partenza di Geri Halliwell viene votata la storia piu interessante dell'anno, al livello di intrattenimento, negli USA
Archivia
il 3 novembre 2012
in
Internet Archive
.
. Rivista
Billboard
. URL consultata il 14 marzo
2006
.
- ↑
Documentario Spice Girls: Giving You Everything
URL consultato il 6 luglio 2010.
- ↑
Springsteen, Chesney Rule Billboard Touring Awards
- ↑
Diego Santoferrara,
Brit Awards 2010: i vincitori
, in
delrock.it
, 17 de febraro 2010, pp. 37.
entrada il 17 febbraio 2010
.
- ↑
Spice Girls musical gets green light at last | Mail Online
- ↑
The Times | UK News, World News and Opinion
- ↑
Spice Girls break tweets per minute record at London 2012
Archivia
il 30 de otobre 2021 in
Internet Archive
.
- ↑
Victoria Beckham Instagram Spice Girls Reunion
- ↑
Spice Girls annunce plans to explore new video
- ↑
Victoria Beckham Confirms Spice Girls Reunion
- ↑
(
EN
)
The Spice Girls are getting an animated movie ? and all five members are on board
cbsnews.com
, 19 giugno 2019.
entrada il 22 febbraio 2021
.
- ↑
(
EN
) Emma Kelly,
Spice Girls are back to spice up our lives by re-releasing debut album for 25th anniversary
metro.co.uk
, 1º settembre 2021.
entrada il 3 settembre 2021
.
- ↑
(
EN
)
Official Album Chart Top 100
officialcharts.com
, 5 novembre 2021.
entrada il 21 febbraio 2022
.