El
servo de Dio
Pagoło VI
, nato
Giovanni Battista Enrico Antonio Maria Montini
(
Concesio
,
26 de setenbre
1897
-
Castel Gandolfo
,
6 de agosto
1978
), el xe sta
papa
dal
1963
al
1978
.
Giovanni Battista Montini el xe nato el 26 de setenbre 1897 a
Concesio
, da na fameja borghexe de sołide raixe catołeghe.
Inte el 1903 el xe sta iscrito come studente esterno inte el cołejo Cesare Arici de Bresia, direto dai
gesuiti
.
Inte el 1907 el va a Roma par ła prima volta, dove el va in udiensa co ła fameja dal Papa
Pio X
.
El 29 de majo del
1920
el xe sta ordina prete inte ła catedrałe de Bresia. Ntel novenbre del steso ano el se trasferise a Roma inte el Seminario Lonbardo e l'ano dopo inte ła
Pontificia Accademia dei Nobili Ecclesiastici
par ła preparasion al servisio diplomatego de ła Santa Sede. Tra el 1922 e el 1924 el otien diverse lauree: in fiłoxofia, dirito canonico e dirito siviłe. Ntel 1925 el xe nomina asistente eclexiastego nasionałe de ła FUCI.
Inte el
1931
el vien incarica de na mision in
Germania
e
Svisera
par organixar ła difuxione de l'enciclica
No gavemo bisogno
inte ła cuałe el
Papa Pio XI
el condanava el regime fasista par ło sioglimento de łe organizasion catoleghe. Inte el
1933
el xe costreto a dimatarse da ła FUCI par l'opoxision de corenti clericałi contrarie a ła so formasion culturałe.
El
13 de dicenbre
1937
el xe nomina sostituto de ła Segreteria de Stato e cołabora stretamente col cardinałe segretario de Stato Eugenio Pacelli. El
10 de febraro
1939
el xe el primo a esare ciama davanti al łeto del Papa Pio XI ca zera drio morire. Poche setimane dopo el cołabora a ła stexura del radiomesajo del neo-ełeto Papa Pio XII del
24 de agosto
contro ła guera; soe łe storeghe parołe:
(
VEC
)
≪
Gnente a xe perso co ła pace! Tuto a poe esarlo co ła guera
≫
.
Ała fin de ła
Seconda Guera Mondiałe
Montini el organisa el mondo catołego inte ło scontro co ła difuxion de łe idee marxiste; ma in modo manco agressivo rispeto a tanti altri esponenti. Questo forse a ghe ga costa ła cariera in quanto no el zera ben visto dai pi conservatori.
El
1° de novenbre
1954
, dopo ła morte de
Alfredo Ildefonso Schuster
, el xe sta nomina
arcivescovo de Miłan
, sensa esare fato cardinałe, e a tanti questo el xe paresto come ałontanamento da ła
Curia romana
.
Ała morte de
Pio XII
, el
conclave
el ga ełeto papa, el
28 de otobre
1958
, el vecio
Patriarca de Venesia
,
Angelo Giuseppe Roncalli
, che el gaveva grande stima de Montini tanto che el ga scuminsia a mandarlo in tante parte del mondo a rapresentare el Papa. El xe sta subito fato cardinałe inte el Concistoro del
15 de dicenbre
1958
, dal novo Papa.
El curto ma intenso pontificato de Giovani XXIII el ga visto Montini ativamente coinvolto, sora-de-tuto inte i inpegni rełativi al
Concilio Vaticano II
, scuminsia inte l'
otobre
1962
. El Concilio el se ferma el
3 de zugno
1963
par ła morte de Papa Roncalli, mala da qualche mexe.
El curto conclave sucesivo el xe finio co l'ełesion de Montini, ca el se ga meso el nome de
Pagoło VI
, el
21 de zugno
1963
.
Da Papa el ga porta a ła fin el Concilio.
El si ga cata inte on periodo de forti scontri połiteghi e sociałi, mentre ła societa civiłe ła se desacrałisava progresivamente, come a testimonia i
referendum
sol
divorsio
e so l'
abordo
.
Inte el
1966
el fa abołio, dopo quatro secołi, l'
indice dei livri proibii
.