I antighi
maya
i zera stai na popołasion rezidensiada in Mezoamerica andove i ghea desviłupa na sivilta conosesta par l'
arte
, par l'architetura, par i rafinai sistemi matemateghi e
astronomeghi
, e par ła
scritura
, l'ugnoło sistema publego de
scritura
totalmente desviłupa inte łe
Americhe precołonbiane
. La sivilta dei maya ła se ga desviłupa in na zona che ła include l'odierno sudest
mesegan
, el
Guatemała
e el
Bełize
, oltre che parte osidentałi de l'
Honduras
e de
El Salvador
. Sta rejon ła ze formada da łe pianure del nord, incluenti ła penizoła del
Yucatan
, dai altipiani de ła
Sierra Madre
, che i se estensiona dal stato mesegan del
Chiapas
verso tuto el sud del
Guatemała
e dopo in
El Salvador
, e da łe pianure meridionałi de łe coste del
Pasifego
.
Durante del periodo preclasego, sta sivilta ła ghea costituio łe prime comunita stansiałi e ła ga adota ła cultivasion dei ałimenti che i zera devegnesti baze de ła so ałimentasion, intra sti cua
mais
,
fazołi
,
suche
e
pearonsini
. Le prime sita maya łe se ghea desviłupa intra el 750 v.C. e el 500 v.C. e ste cua łe vantava architeture monumentałi, cofa i grandi tenpli inbełii da ełaborae faciade in stuco. La scritura
zeroglifega
ła ze sta doparada partindo dal III secoło v.C. Inte el tardo periodo preclasego, na serie de grandi sita łe zera creseste inte ła
Conca de Peten
e
Kaminaljuyu
el zera devegnesto un sentro tanto inportante inte i altipiani del Guatemała. Co l'avegnensa de łe costrusion dei monumenti scolpii co łe
date del
longo conputo
, avegnesto da torno al 250 d.C., se ghe fa coinsidar el scumisio del periodo clasego.
Sto periodo el ghea vedesto i Maya fondar numarevułe
sita-stato
ligae da na densa rete comerciałe. Du sita rivałi,
Tikal
e
Calakmul
, łe zera devegneste tanto potente. El periodo clasego el ze sta carateriza anca da l'intervento intruzivo de ła sita mesegana de
Teotihuacan
inte ła so pułitega dinastega. Inte el IX secoło el ghe ze sta un difondesto cołaso pułitego inte ła rejon sentrałe che el ghea porta a na
guera siviłe
co un consevente sbandono de łe sita e un spostamento verso nord de ła popołasion. El sevente periodo postclasego, el ghea vedesto levarse-su verso nord l'insediamento de
Chichen Itza
e l'espansion de l'agresivo
regno Quiche de Q'umarkaj
inte łe rejon cołinari del Guatemała. Inte el XVI secoło, l'
inpero spagnoło
el ghea cołoniza ła rejon mezoamericana e, dopo de na longa serie de canpagne miłitari, l'ultema sita maya ła zera casca definitivamente inte el 1697.
La leje del periodo clasego ła ze sta sentrada da torno del conceto de "re divinita", che el oparava cofa mediador intra i mortałi e el regno soranadurałe. El podere sovran el zera
patrilineare
e el vegnea normalmente pasa al fioło pi grando. La pułitega maya ła ze sta caraterizada da un sistema sara de patrona, anca se el precizo sistema aministrativo el variava da na sita-stato a chel'altra. Verso de ła fine del periodo clasego, i partegnenti a l'aristocrasia i zera rezultai numaregamente aumentai, co un consevente sbasamento del podere escluzivo del re divin. La sivilta maya ła ga desviłupa forme de arte altamente sofisticae, doparando par łe so opare materiałi sia deperibiłi che no deperibiłi, intra sti cua
legno
, ła
jada
, l'
osidiana
, ła
ceramega
, ła
piera
scolpia, i stuchi e i
freschi
finemente depinzesti.
Le sita maya łe tendea spanderse cazualmente e el sentro sitadin el zera ocupa da conplesi comerciałi e aministrativi, co tuto torno na serie de cuartieri rezidensiałi edificai dezordenadamente. De frecuente, varie zone de ła sita łe zera ligae da strade elevae. Le costrusion prinsipałi i zera i pałasi, i
tenpli-piramide
, i
canpi par el Zugo de ła bała
e łe struture dedicae a l'oservasion astronomega. La clase ełitaria maya ła zera bona de lezar e scrivar e ła ga desviłupa un conpleso sistema de scritura zeroglifega che ła ze sta ła pi vansada de łe Americhe precołonbiane. I Maya i ghea colzesto-su ła so storia e ła so conosensa in racuanti libri, dei cuałi ghene resta solche tre ezenplari, i restanti i zera stai desfai dai spagnołi. Tutavia łe ghe ze anca un gran numaro de testimonianse catae-fora in stełe e cerameghe. I Maya i ghea desviłupa un sistema altamente conpleso de całendari rituałi e ła so matematega ła includea uno dei primi cazi de
zero esplisito
inte el mondo.