El Magreb, ła parte oxidentałe del mondo arabo
El
Maghreb
(?????? ??????
al-Ma?rib al-?Arab?
? che vol dir (el posto) del tramonto; l’ovest ? la xe na rejon in tel nord de l’Africa che la va dal
Maroco
a l’
Egito
. Par i arabi, el Maghreb el xe solo che la fasia costiera de Maroco,
Algeria
e
Tunisia
. L’Egito nol xe normalmente considera parte del Maghreb, anca se anco el xe sempre pi de frecuente presente inte i incontri intrnazionali del Maghreb. A livel storego, l’Andalusia, la
Sicilia
e
Malta
, le fasea parte del Maghreb, anca se anco nisuni i le considera tali. El Maghreb el xe separa dal resto del continente da le cadene de montagne, el grupo de i Atlas, che divide la costa ? fertile, co acqua e a clima mediteraneo ? da l’interno ? desertico e seco. La popołasion la xe simile inte la cultura e lengua. Bisogna paro sotolinear che la popołasion originale, i
berberi
, i xe drio recuperar la loro cultura, separa da quela arabo-islamica predominante.
El Magherb el xe senpre sta in comunicazion co l’Europa e co le popołasioni del
Sahel
. La rejon la ga vu na continuita politega solo in che i primi secoli de dominaxion araba. En tel 1989, Maroco, Algeria, Tunisia,
Libia
e
Mauritania
i ga fonda la Union Araba del Maghreb (Arab Maghreb Union) par laorar mejo par el svilupo de la rejon.
Algieri
Se in tel pasa la popołasion del Maghreb la se se considerava araba, anco tanti i dixe de esar berberi. La riscoperta de la cultura, łengua e tradizion berbera la ga porta al la presion popolare parche i govreni i riconosa la raixa berbera de sti Stati. Altri grupi i xe de origine eoropea ? francexi, italiani e spagnoli.
Tunisi
de note.
La comunita ebraica la ga senpre vu n’inportanza in tel Mahgreb. I ebrei ise pol dividare in do grupi: le comunita nordafricane vecie, co la comunita ebraica berbera in primo piano, e la comunita sefardica ? de origine spagnola ? che la xe vegnuda da la Spagna in tel 1492, co che la regina Isabela la ga para fora tuti i ebrei. I sefardici i se sa stabilio piasse in Maroco, ma anca inte i altri paexi. La majoranza de i ebrei la ga lasa el Maghreb e la xe nda in Francia o in Israele.
En tel Maghreb se cata anca zente de origine africana subsahariana. I xe i disendenti de i
s-ciavi
o de i marcanti del Sahel che i se ga ferma so la costa.
Tuta la costa del nordafrica la xe sta colonixa in tel pasato da
fenici
, greci e romani e la zente la seguia le religioni de i colonizatori. El cristianesimo el xe riva za in tel primo secolo e el se ga stabilio co forza in tel secondo secolo. Tanti d ei misionari che i ga evangeliza l’Eoropa i xera preti e vecsodi del Maghreb. Se pol ricordar San Zen de Verona ? chel vegnea da la Mauritania (region che la xera inte el sud del Maroco), e San Vigilio, (probabilmente tunixino) che i ga laora a Verona e inte la val de l’Adexe.
Tra i cristiani maghrebini famoxi se ricorda Tertuliano (155 ? 202), San Cipriano de Cartagine (+258), Santa Monica e so fiol Sant’Agostino (+430) e Santa Giulia (V secolo).
El cristianeximo el ga lasa el posto a l’Islam in tel 647, co i arabi i xe riva so le coste de l’Africa. Ma no se pol parlar de on canbiamento da note e di. Diocexi catoleghe le xe nda vanti fin a la fin del X secolo. El Papa Benedeto VII (974-983) el ga consacra on vescovo de
Cartagine
, che vol dir che ghe xera oncora on bon numaro de cristiani.
Co l’arivo de i arabi, l’Islam el ga cominzia a cipar el sopravento. Anca se el Islam che predomina el xe sunita, la cultura berbera la ga inposto de i canbiamenti. Tipco del Maghreb la xe la devosion par i marabuti, de i santoni musulmani. Anca el sufismo, che i altri musulmani i condiera eretico, el ga el so posto.
La prima divixion del Magheb al se pol far secondo el clima. Al nord e longo la costa se cata el clima mediteraneo, a sud e lontan da la costa se ga el clima desertico. En te la zona mediteranea se cata la vegetasion simile a quela del sud Eoropa, co el limite de i olivi (Olea europea) poco rentro la costa e a le pendici de i monti Atlas.
I soto ecosistemi pi inportanti i xe:
- zone boschive ad acacie e machia cedua (Maroco, Sahara Ocidentale)
- zone a stepa mediteranea (Algeria, Egito, Libia, Maroco, Tunisia)
- zone a foresta mediteranea (Algeria, Libia, Maroco, Tunisia)
- zone a conifere marine (Algeria, Maroco, Tunisia)
- zone stepose a ginepro (Maroco)
La zona desertica la se cata subito soto le cadene montagnose de l’Atlas, dal Mar Roso a l’Oceano Atlantego. La parte setentrionale la ga poca piova, ma suficente par far cresar piante cedue e licheni. Se cata palme da dateri e na serie de vegetali che i crese solo che qi.
El xe inportante ricordar le depresioni saline che le ospita piante alopitiche (bitua a vivar in tel sale) che se cata in tel sentro de la Tunisia.