Da Wikipedia, l'enciclopedia libara.
Instagram
el ze on
servisio de rede sosiałe
che'l permete a chi che ło dopara de far someje, metarghe sora i filtri e condividarli in rede. Inte'l
2012
l'azienda ła ze sta cronpada par on miłiardo de dołari da Facebook Inc.
L'aplegasion web, ła ze sta fata da Kevin Systrom e Mike Krieger, e l'e sta łansada el 6 otobre 2010 scuminsiando soło so iOS drioman venjua conpatibile co calsiase iPhone, iPad o iPod touch che'l gavea iOS 3.1.2 o on numaro pi alto. Da'l 3 apriłe 2012 l'app l'e sta metesta a despozision anca par i tełefonini e tablet che i gavea Android, da ła varsion 2.2 o pi granda. El 21 novenbre 2013 A ze sta publega ła varsion par Windows Phone. El 28 apriłe 2016 ze sta publega ła varsion par Windows 10 Mobile. A otobre 2016 ze sta metesta disponibiłe l'App anca par tablet PC Windows 10.
Partindo da'l 14 zenaro 2019, ła someja co pi "me piaze" so Instagram A ghe jera na someja de on
vovo
, publegada da l'acount @world_record_egg, creada co l'unego fin de suparar el pi indrio record de 18 miłion so on post de Kylie Jenner. A la fin ła someja de'l vovo ła ga supara, ciapando 53 miłioni a'l meze de "me piaze". Da Majo 2019, A ze sta scondesto el numaro de me piaze da soto łe someje, fazendo vedar solche i utenti che i ga metesto el me piaze, ma no el numaro totałe. Instagram el ga dito che'l saria on test par vedar i utenti che i deside de premiar i contenjudi o soło ła zente che ła ga pi seguio.
