Gaio Giulio Cesare (in latino Gaius Iulius Caesar ; IPA: 'gai.us 'jul.ius 'kae.sar ^[1] ; inte łe epigrafe C·IVLIVS·C·F·COS·DIC·CAESAR ^[2] - dal 42 a.C. IMP·C·IVLIVS·CAESAR·DIVVS ^[3] - ;; Roma , 13 de lujo 100 a.C. ? Roma , 15 de marso 44 a.C. ) xe sta un [[generałe (exercito) |generałe]]e ditator [[Inpero Roman |roman]], considera uno dei personaji pi inportanti e influenti de ła storia .

El xe considera dai storeghi so contemporanei el primo inperador de Roma, e el xe sta determinante inte el pasajo da ła Republica Romana a queła inperiałe. El xe sta dictator de Roma a ła fin del 49 a.C. , inte el 47 a.C. e oncora inte el 46 a.C. co carica dexenałe, dal 44 a.C. come ditatore perpetuo. Łe so conquiste miłitari in Gallia Transalpina łe ga estexo el dominio roman fin a ł' Oceano Atlantego e al Reno . El ga Porta romani a invadare par ła prima volta ła Britania e ła Germania e a conbatare in Spagna , Grecia , Egitto , Ponto e Africa .

Ł'acordo par ła spartision del poter co Gneo Pompeo Magno e Marco Licinio Crasso (che eo ga ciapa el nome de Primo Triumvirato ) el ga segna el scuminsio de ła so asexa. Dopo ła morte de Crasso ( Carre , 53 a.C. ), Cesare el se ga scontra co Pompeo e ła fasion dei Optimates par el controło del Stato. Intel 49 a.C. , de ritorno da ła Galia, guidando łe so łegion atraverso el Rubicone (ocaxion indove el ga pronuncia el cełebre ≪ Alea iacta est ≫), Cesare el ga scadena ła guera sivil , co ła qual el xe diventa el cao indiscuso de Roma: el ga batu Pompeo a Farsalo ( 48 a.C. ) e sucesivamente i altri Optimates , tra cui Catone Uticense , in Africa e in Spagna. Co ł'asunsion de ła ditatura a vita, el ga da scuminsio a on proceso de radicałe riforma de ła societa e del goerno, riorganisando e sentrałisando ła burocrasia republicana. El so operado el ga provoca ła reasion dei conservadori, finche on grupo de senadori, capeza da Marco Giunio Bruto e Gaio Cassio Longino no i ga cospira contro de łu, copandoło a łe Idi de Marso del 44 a.C. Intel 42 a.C. , apena du ani dopo el suo asasin, el Senado ło ga deifica ufisialmente ełevandoło a divinita . Ł'eredita riformatrice e storega de Cesare ła xe sta quindi suna su da Ottaviano Augusto , so neodo e fioło adotivo.

Łe canpagne miłitari e łe asion pułiteghe de Cesare łe xe sta cuntae in detajo inte i Commentarii scriti proprio da łu: Commentarii de Bello Gallico' e Commentarii de Bello Civili . Parece nove sora ła so vita łe xe presenti inte i scriti de Appiano di Alessandria , Svetonio , Plutarco , Cassio Dione Cocceiano e Strabone . Altre informasion łe pol esare rintraciae inte łe opare de altri contemporanei, come inte łe łetare e inte łe orasion del so rival pułitego Cicerone , inte łe poexie de Catullo e inte i scriti storeghi de Sallustio .

Biografia [ canbia | canbia el codaxe ]

Orixeni familiari [ canbia | canbia el codaxe ]

Giulio Cesare el xe nato el 12 o el 13 de lujo del 100 a.C. a Roma da na vecia e nota fameja patrisia , ła Gens Iulia , che a se dixeva disendente da Iulo (o Ascanio ), fioło del prinsipe troiano Enea , secondo el mito fioło a so volta de Venere . ^[4] Al culmine del so poter, intel 46 a.C. , Cesare par sotołineare ła so disendensa da ła dea el ga dedica a Venere Genitrice on tenpio intel novo Foro da łu fato tirar su.

Note [ canbia | canbia el codaxe ]

1. ↑ El praenomen "Gaio" ła xe ła forma coreta rispeto al pur comune "Caio". Ła forma "Caio", infati, ła se gera difondesta in seguito de na interpretasion sbaglia de ł'abreviasion epigrafica "C." (cfr., tra i altri, Conte, Pianezzola, Ranucci, Dizionario della lingua latina , sub voce Gaius: ≪el fraintendimento de ł'abbr., in cui ła G ła se scriveva, par conservasion de grafia arcaica, C., ła ga xenera ła forma "Caio"≫).
2. ↑ Testo łatin de ł'epigrafe: Gaius Iulius Caesar, Gaii filius, consul et dictator ; traduzione in veneto: Gaio Giulio Cesare, fioło de Gaio, consołe e ditator .
3. ↑ Tałe epigrafe ła xe conparsa a partir dal 42 a.C. , ano inte el cuało ł'ex dictator el xe sta sołenemente divinisa come el Divus Iulius . Testo łatin de ł'epigrafe: Imperator Gaius Iulius Caesar, Divus ; tradusion veneta: Inperador Gaio Giulio Cesare, divo .
4. ↑ Velleio Patercolo , Storia Romana , II 41,2
   Plutarco , Cesare , 69,1
   Svetonio , Cesare , 88
   Cassio Dione , Storia Romana , XLVII, 18,6
   Appiano , Le guerre civili , II,106,149

Varda anca [ canbia | canbia el codaxe ]

• Servio Sulpicio Galba

• Wikimedia Commons el detien imajini o altri file so Gaio Giulio Cesare