Atension ? Łe infomasion riportae no łe xe conseji medeghi e i podaria no esar ben curai. I contegnui i ga soło el fin iłustrativo e no i sostituise el parere medego .

Epidemiołozia
Pratega da	epidemiologo
Ojeto de studio	Epidemia e pandemia
MeSH	D004813

L' epidemiołozia ła ze disiplina biomedega che ła studia ła distribusion e ła frecuensa de łe małatie e avegniminti de rełevansa sanitaria inte ła popołasion . Vałendose de ła statistega , ła cołabora co altre disipline cofa ła medezina preventiva e clinega, ła demografia , ła sociołozia . Ła se ocupa de anałizar łe colpe, el decorso e łe consevense de łe małatie. Drio cheło che ne dize ła et al. (1998) l'epidemiołozia ła vien definia cofa:

( VEC )
≪ El studio de ła distribusion e dei determenanti de łe situasion o dei avegniminti ligai a ła sałute inte na spesifega popołasion, e l'aplegasion de sto studio al controło dei problemi de sałute. ≫

Etimolozia [ canbia | canbia el codaxe ]

L'epidemiołozia ła ze un termano che el deriva dal grego ?π?, ≪sopra≫, δ?μο?, ≪ popoło ≫, e λ?γο?, ≪discorso, studio≫; sta paroła conponesta partanto ła vołe dire letaralmente "studiar cheło che sucede inte el popolo", co rifarimento a ła spece umana. No-ostante sto rifarimento, l'epidemiołozia ła vien doparada anca inte i altri regni e inte el spesifego i ze stati coniai i termani:

• epizoołozia o epidemiologia veterinaria , in rifarimento a l'epidemiolozia aplicada a popolasion zoolozeghe;
• epidemiołozia botanega , in rifarimento a l'epidemiolozia aplicada a popolasion vezetali. ^[1]

El termano epidemiologia el vegneva dopara in pasa solche in relasion a patołozie epidemeghe e no endemeghe . I primi rifarimenti i ze ascrivibili al 1802, inte el testo " Epidemiologia Espanola" scrivesto dal medego spagnoło Villalba. ^[2] Al di de unco el termano epidemiolozia el detien inte i so obietivi tute e do łe modalita de trasmision e intra sti cua anca łe sindemie . Includeste łe ze anca łe condision corełate al conceto de sałute, cofa l'obezita e l'ipertension.

Fini [ canbia | canbia el codaxe ]

Fini de l'epidemiołozia:

• determenare l'orizene de na malatia ła cuała colpa ła ze sconosesta
• studiare e controłare na malatia ła cuala colpa ła ze sconosesta o poco conosesta
• catar informasion su l'ecołozia e so ła storia naturale de ła małatia
• programar e ativar piani de controło e de monitorajo de ła małatia
• valutar i efeti economeghi de na malatia e analizar i costi e benefisi economeghi

Par rivar a conpimento dei so fini, ła epidemiołozia ła dopara ła statistega , bazada a so volta so ła matematega , e de ła demografia .

Anbiti [ canbia | canbia el codaxe ]

Per schematizare, l'articolasion tradizionale de l'epidemiologia e in tre setori (anca se łe ze comuni i casi de interasion intra setori):

• Epidemiołozia descritiva;
• Epidemiołozia analitega;
• Epidemiołozia sperimantałe.

Epidemiolozia descritiva [ canbia | canbia el codaxe ]

Studia ła frecuensa e ła destribusion de łe malatie e dei parametri de salute inte łe popolasion. Descrive avegniminti sanitari cofa malatie, colpe de morte e ła prezensa de fatori de ris-cio cofa, paa ezenpio, el fumo de tabaco, l'incuinamento atmosferego, etc. Ła dopara i strumenti statisteghi diti mezure de frecuensa (come i tasi de incidensa o de prevalensa , raporti) e informasion de tipo demografego . El ga cofa fin cheło de respondar a dimande cofa: "Chi ze che se ga mała? Andove? Cuando?". L'epidemiolozia descritiva ła contribuise a l'epidemiolozia analitega . I strumenti d'indazene doparai da l'epidemiołozia descritiva i ze:

1. i studi ecolozeghi;
2. i studi trasversali (i ze studi de oservasion, descritivi).

Epidemiolozia analitega [ canbia | canbia el codaxe ]

Studia łe relasion colpa-efeto intra fatori de ris-cio e małatie . l'epidemiolozia analitega ła serca el neso, ła lozega intra el fatore de ris-cio ez. "fumo de sigareta", "incuinamento atmosferego", "canpo ełetromagnetego", etc. e l'insorzensa de pusibiłi patołozie ligada a sto cua (cofa cancaro al polmon , enfizema , tumor al serveło, conpleso de ła mortalita, etc.). Ła responde a do dimande cofa so fin:

1. cuel tipo de "espozision" o "fatore de ris-cio" (canpi ełetromagneteghi, incuinamento atmosferego, interferenti endocrini, ec.) cuali spesifeghe małatie el połe far?
2. chełe spesifeghe malatie/morti (ez. depresion, ipertension, tumore al serveło, etc.) da cuałe pusibiłi espozision łe połe derivar?

I strumenti d'indazene doparai da l'epidemiolozia analitega i ze:

1. i studi de coorte: i confronta łe frecuense de mortalita e/o de incidensa de specifeghe malatie in diferenti popolasion esponeste (e no esponeste);
2. i studi cazo-controło: i confronta łe frecuense de pusibiłi espozision e/o fatori de ris-cio inte el grupo dei "cazi" (spesifeghi malai, es. scleroze multepla) e "controłi", o sia sojeti no malai (da ła malatia in ezame: es. scleroze multepla).

Epidemiolozia clinega [ canbia | canbia el codaxe ]

Ła se ocupa de ła resolusion de na patolozia, o de sbasarghene el inpato doparando metodi epidemiolozeghi.

Epidemiolozia sperimantale [ canbia | canbia el codaxe ]

Ła vałuta ła eficasa dei interventi sanitari adotai dopo de indazeni epidemiolozeghe. Studi de epidemiołozia sperimantale i połe esar sia de tipo preventivo (par ezenpio ła valutasion de l'efetivo bon-ezito de canpagne de sensibilizasion) sia terapeutego (par ezenpio sperimantasion sui farmaghi e tecneghe operatorie ).

Notasion [ canbia | canbia el codaxe ]

1. ↑ ( EN ) Forest W. Nuter, [htp://onlinelibrary.wiley.com/doi/10.1046/j.1526-0992.1999.09922.x/abstract Understanding the Interelationships Between Botanegal, Human, and Veterinary Epidemiology: The Ys and Rs of It Ał ], in Ecosystem Health , vol. 5, nº 3, 1º setenbre 1999, p. 131?140, DOI : 10.1046/j.1526-0992.1999.09922.x . Parametro sconosesto ace's'o ignora ( juto )
2. ↑ Carol Buck, Alvaro Llopis, Enrique Najera, Milton Terris. (1998). . ., The Challenge of Epidemiology: Issues and Selected Readings , in Scientific Publication , nº 505, Pan American Health Organization, Washington, DC, p. 3.

Altri projeti [ canbia | canbia el codaxe ]

• Wikimedia Commons el detien imajini o altri file so epidemiołozia

Linganbi foresti [ canbia | canbia el codaxe ]

• ( EN ) Ross M. Mullner, epidemiology Enciclopedia Britannica , Encyclopædia Britannica, Inc.
• ( EN ,  FR ) Epidemiołozia Enciclopedia canadese .
• ( EN ) Opere riguardanti Epidemiołozia / Epidemiołozia (altra versione) / Epidemiołozia (altra versione) Open Library , Internet Archive .