Da Wikipedia, l'enciclopedia libara.
Na
dita publega
ła xe na
dita
che ła ga el sojeto economego (che el detien el podere de desidare i inderisi stratexeghi) che el xe diretamente o indiretamente on
istituto
de
derito publego
.
Sta definision de dita publega, baxada sol
sojeto economego
, ła xe ła preferia inte ła dotrina, parche ritegnesta pi signifegadiva; xe pusibiłe, paro, anca na definision baxada sol
sojeto xuridego
(chi che el xe parte dei
raporti xurideghi
che i nase inte na ativita de dita), considerando publeghe le dite andove sto sojeto el xe na
persona xuridega
de
derito publego
, anca se xeneralmente no el fa parte de ła
publega aministrasion
.
Łe do definision no łe coinside, par exenpio, na
societa par asion
controłada da on
ente publego
ła xe na dita publega se ghe se considara el sojeto economego, privada invese se ghe se considara el sojeto xuridego. Na societa par asion controlada da na societa par asion a so volta controłada da on ente publego ła saria na dita privada se ghe se considerase solche el controło direto, ma in realta ła resta na dita publega.
El conseto economego de dita publega no el coinside co el conseto xuridego de
ente publego
, intendesto cofa persona xuridega de derito publego. De fati, połe esarghe dite publeghe che łe xe persone xurideghe de
derito priva
(el xe el caxo de łe societa de partesipasion publega) o dite publeghe prive de personałita xuridega, e, de conseguensa, parte de on ente publego pi grando (el xe el caxo de łe dite autonome). Inte ła fin, i enti publeghi de carataro no economego
tout court
no łe xe oviamente dite: par exenpio, ła
scoła publega
o el comun.
Łe dite publeghe łe połe clasifegarse in:
- dite publeghe de produsion (c.d. inprexe publeghe)
- dite publeghe de erogasion (o di consumo)
- dite publeghe conponeste (o mis-ciae, o smisiae)