Da Wikipedia, l'enciclopedia libara.
(
VEC
)
≪
I omeni i nasse e i more conpagni nei diriti
≫
La siora
Eleanor Roosevelt
, mujer del presidente merican
Franklin Delano Roosevelt
, co in man el fojo de la Dichiarazion (1948)
La
Dichiarazion Universal dei Diriti de l'Omo
la xe un documento aprova da l'Assenblea Xeneral de le
Nazion Unie
, firma a
Parigi
el 10 dicenbre
1948
. La xe fata de un preanbolo e da 30 articoli che i stabilisse quali xe i diriti individuai, sivili, pułiteghi, economeghi, sociai, culturai de ogni persona. I diriti de l'omo i va quindi sudivisi in do grandi aree: i
diriti sivili e pułiteghi
e i
diriti economeghi, sociai e culturai
.
La Dichiarazion la se pol dividar in argomenti:
- el preanbolo l'enuncia le cause storiche e sociai che ga porta a la necesita de scrivar sta Dichiarazion;
- i articoli 1-2 i stabilise i concetti basilari de liberta e uguagliansa (che era za sta sancii da la
Rivoluzion francese
);
- i articoli 3-11 i stabilise i diriti individuai;
- i articoli 12-17 i stabilise i diriti de l'individuo verso la comunita (rifasendose a un dibatito filosofico che va da
Platone
ad
Hannah Arendt
);
- i articoli 18-21 i sancise le cosi dite "liberta costitusionai", quali la liberta de pensiero, opinione, fede e cosiensa, parola, asociazion pacifica;
- i articoli 22-27 i sancise i diriti economeghi, sociai e culturai;
- i conclusivi articoli 28-30 i stabilise le modalita xenerai par doparar sti diriti e i anbiti inte i cuałi sti diriti no i pol vegner dopara.
