La Cristologia la xe la parte de la teologia cristiana che la studia e defenise la natura de Gesu Cristo e la so relasion co Dio Padre e Dio Spirito Santo . La Cristologia la se ga interesa sora-de-tuto a:

• la natura de Gesu, se umana, divina, o tute e do le cose.
• la relasion del Gesu storico ? natura umana ? co Dio ? realta spirituale.
• el ruolo de Gesu Cristo inte la redenzione del genere umano.

La Cristologia la se ga svilupa inte i primi secoli del cristianeximo par rispondare a le eresie s la natura de Gesu. En modo particolare quele de Ario e de Eutiche. La Cristologia clasica la xe sta aprova da vari concili ecumenici. I teologi i studia oncora ogi la natura e l’inportansa de Gesu Cristo.

Dispute cristologiche [ canbia | canbia el codaxe ]

I vangeli canonici, quei ch ei xe sta aprova da la Cexa de i primi secoli, i parla de Gesu Cristo e i fa de le afermasioni, ma i no dixxe tuto e i lasa spasio a la discusion teologica. En te i primi secoli del cristianesimo, varie teorie so Gesu le xe vegnu fora e le risciava de spacar la Cexa. Par metar fin a le dispute, i vescovi i sa cata in vari concili ecumenici par studiar el problema e vegnar fora co na dotrina unica so Gesu Cristo. Le eresie pi inportanti le xe sta:

• Ebionismo. El movimento ebionita el xera on movimento giudeo-cristiano del II secolo. El cosinderava Gesu come on profeta, ma sensa considerarlo divino.
• Docetismo. I sostenitori de sta corente teologica i dixea che Gesu el senbrava n’omo, ma el xera na proiesion umana de on esare divino. SO la croxe a morir saria stato Simone de Cirene, dopo che Gesu el se sa trasforma par no farse riconosare da le guardie.
• Adozionismo. Alcuni i pensava che Gesu el xe nato omo e el xe sta adota da Dio chel ga dato la natura divina al batesimo in tel Giordano.
• Modalismo. Secondo i modalisti, la Trinita no la xe formada da tre persone. Dio el xe uno e el se manifesta in tri modi diversi. Cosi che Gesu el saria solo che na manifestasion de Dio.
• Arianesimo. Ario (256 ? 336) el xera on prete chel ga scrito varie opere par dimostrar che Gesu el xe sta crea da Dio co na natura divina. Gesu nol pol esar consustansiale (de na stesa sostansa) col Padre. Gesu el saria sotomeso al Padre e inferiore a lu.
• Apolinarismo. La teoria de l’apolinarismo la xe sta elebora da Apollinare di Laodicea (ca 310 ? 390) basandoxe so la antropologia aristotelica. Gesu el saria omo e Dio, ma la natura umana la saria inconpleta. La natura divina la saria la so anima rasionale.
• Nestorianesimo. Nestorio (ca 381 - ca 451) el dixea che Gesu el ga do nature e do persone che le xe unie da na unoin morale.
• Monofisismo. Eutiche (ca. 378 - 454) el sostegnea che in Gesu se cata na sola natura, quela divina, che la ga asobio la natura umana ( mone physis ).

I grandi Concili ecumenici [ canbia | canbia el codaxe ]

La Cexa Catolega la ga reagi a ste teorie ciamando i concili ecumenici, che vol dir co i rapresentanti de tute le Cexe locali de l’antichita.

• I. El primo Concilio de Nicea ( 325 ). En tel Simbolo Niceno ^[1] (o Credo curto) Gesu el xe definio consostanziale ( omousion ) al Padre. Gesu el xe de "la stesa sostansa del Padre". Sta afermasion la condana Ario.
• II. Primo Concilio de Costantinopoli ( 381 ). Conferma el Concilio de Nicea e scrive el Credo pi longo (Simbolo Niceno-Costantinopolitano) ^[2] che i cristiani i recita anco.
• III. Concilio de Efeso ( 431 ). Stabilise che Maria (mare di Gesu) la xe "Mare de Dio" (theotocos) e che in Cristo le nature umana e divina le xe unie inte na sola persona. Se condanava cosi Nestorio, l'adozionismo e il docetismo. ^[3]
• IV. Concilio de Calcedonia ( 451 ). Stabilise che ne l'unica persona (ipostasi o sostanza) dee Gesu se cata le do nature umana e divina "sensa confusion, imutabili, indivise, inseparabili", ^[4] , se condanava cosi el monofisismo de Eutiche.
• V. Secondo Concilio de Costantinopoli ( 553 ). Sto concili el ga riaferma quei precedenti. ^[5]
• VI. Terzo Concilio de Costantinopoli ( 680 - 681 ). El ga dito che in Gesu se cata la volonta umana e anca quela divina. ^[6]
• VII. Secondo Concilio di Nicea ( 787 ). Sto concili el ga condana i iconoclasti (quesi che volea distrugere le imagini sacre) dixendo che ci venera n’imagine el venera la persona riprodota. Venerar n’imagine nol vol dir venerar on idolo. ^[7]

Cristologia catolega [ canbia | canbia el codaxe ]

La cristologia catolega la xe sta elaborada inte i primi secoli de la vita de la Cexa, da i Concili ecumenici, ma anca da i studi de i vari teologi aprovadi da la Cexa. Sta cristologia la xe condivisa da le Cexe Catolega, Ortodosa e parte de quele Protestanti. Fondamentale la xe la definision che in Gesu ce cata le do nature ? umane e divina ? unie ma no confuse tra loro. Le Cexe Orientali le sotolinea che con l’incarnasion de Gesu, elo el ga za salva la natura umana, che la xera sta rovina dal pecato originale. Le Cexe Osidentali le sotolinea l’inportansa de la Croxe e de la Risuresion. Le Cexe Copta e Etiopica le xe Cexe monofisite, le segue i insegnamenti eretici de Eutiche.

Note [ canbia | canbia el codaxe ]

1. ↑ DS n. 125 .
2. ↑ DS n. 150 .
3. ↑ DS n. 252-263 .
4. ↑ DS n. 302 .
5. ↑ DS n. 421-438.
6. ↑ DS n. 550-559.
7. ↑ DS n. 600-603 ; 605-609 .

• Wikimedia Commons el detien imajini o altri file so Cristologia