El
Cołorado
dal 1 de agosto 1876 el costituise el 38° Stato dei
Stati Unii de ła Merica
; el xe el 22° in ordene de popołaxion el 8° in ordene de superfisie.
El se cata al sentro-ovest del paexe, intra łe
Montagne Rocioxe
e łe
Pianure Grande
. El confina co
Wyoming
a nord,
Nebrasca
a nordest,
Kansas
a est,
Novo Mesego
e
Oklahoma
a sud,
Arizona
col so canton sud-oriental, e col
Utah
a ovest.
El xe uno dei ugnoi do Stai dei
USA
a formar un retangolo parfeto.
[3]
El nome del Stato el riva dal
spagnolo
Colorado
, che vol dir, apunto "Cołora". Questo el jera l'apelativo scumicialmente da al
fiume
, che el ga łe aque cołorae de roso par via de łe so grave de piera rosa.
El xe un teriorio montagnozo, che el va da 1011 m. a 4401 m, co na altesa mexana de 2070 m.. El xe traversa da nord a sud da ła cadena de łe Montagne Rocioxe che separa el
Altopian del Cołorado
a ovest, dal
Altopian del Missouri
a est. Ła cadena prinsipal ła se articoła in bande parałełe, da est
Cadena Front
, Monti Medicine Bow, e
Monti Sangre de Cristo
;
Cadena Park
e Monti Wasatch; Monti Elk e Monti San Juan.
El clima el pasa da stepego (semi-arido fredo) a continental, man man pi fredo co ła altesa.
El teritorio el se ga desviłupa in maniera rapida da meta del XIX secoło, grasie a ła descoverta de łe miniere de oro.
La cavedal la xe
Denver
, altre cita importante le xe
Colorado Springs
, Aurora, Fort Collins, Pueblo.
Graxie a de łe gran opere de irigaxion se pol coltivar forajo, biete da sucaro e fruti. El ałevamento el xe difuxo. Se estrae uranio, vanadio, mołibden, petrołio, gas natural, oro, arxento, rame, pionbo e xinco.
Ghe xe industrie ałimentari e metalmecaneghe inte łi sentri pi inportanti.
El Stato el xe rapresenta a ła Camera dei Rapresentanti da 7 deputai.
Ła pena de morte ła vien exeguia par
iniesion łetałe
.
- ↑
voze de refarensa
data.census.gov
.
- ↑
Declara da:
United States Summary: 2010, Population and Housing Unit Counts, 2000 Census of Population and Housing
.
- ↑
sendo chel'altro el
Wyoming
.