El Cartismo xe sta un movimento połitego-sociałe, britanego , prevałentemente de omeni de ła working-class , el cui nome derivava da ła People's Charter ("Carta del Popoło") prexentada inte el 1838 a ła Camara dei Comuni co na petision firmada da oltre un miłione de persone. El movimento jera organixa da Feargus O'Connor , avocato de orixeni irlandexi.

El documento, artegoła in sie ponti, el rivendicava:

1. el voto garantio ad ogni mascio de vintun ani, sano de mente e mai condana;
2. el voto segreto par proteger l'ełetor inte l'exercisio del so derito de voto;
3. nisun obligo de propieta inte ła cuałifegasion par concorer ad esar menbro del Parlamento.
4. l' indenita parlamentar , par consentir a tuti i łaoradori de servir el Stato sensa esar penałixai economegamente;
5. ła revixion de łe sircoscrision ełetorałi , che segurase ła stesa quantita de raprexentanti e un numaro guałivo de ełetori; ^[1]
6. el Parlamento Anuałe, che costituiva el metodo pi eficase contro el ricato e łe intimidasion.

Ła petision xe sta da novo prexenta inte el 1842 co pi de tre miłion de firme.

El manca acoglimento ga daxesto łogo a diverse manifestasion , che xe sciopa anca in gravi caxi de sangue.

Sucesivamente el movimento xe anda perdendo forsa, sia el raxonximento de na maxor prosperito, sia par łe reforme atuae tra el 1867 e el 1884 , soratuto el Ballot Act del 1872 , che ghe n'a risevesto de fato gran parte de łe rechieste.

L'eredita del cartismo ga confluio donca inte el movimento sociałista , de cui gaveva antisipaa alcuni ełementi come ła teoria del plusvałor .

Note [ canbia | canbia el codaxe ]

1. ↑ Rimanevano oncora i "pocket boroughs", soppressi solo inte el 1872.

Voxe corełae [ canbia | canbia el codaxe ]

• John Frost (Cartista)

Altri progeti [ canbia | canbia el codaxe ]

Cołegamenti esterni [ canbia | canbia el codaxe ]